ಮನ್​ ಕೀ ಬಾತ್​: ಕ್ರೀಡೆಯಲ್ಲಿ ಗ್ರಾಮೀಣ ಭಾಗದ ಜನರಿಗೆ ಹೆಚ್ಚು ಆದ್ಯತೆ ನೀಡಬೇಕು! Narendra Modi

Narendra Modi: ಹೊಸದಾಗಿ ಪರಿಚಯಿಸಲಾದ 'ಖೇಲೋ ಭಾರತ್ ನೀತಿ 2025ರ ಕುರಿತು ಪ್ರಧಾನಿ ನರೇಂದ್ರ ಮೋದಿ ಭಾನುವಾರ ತಮ್ಮ ಮನ್ ಕಿ ಬಾತ್ ರೇಡಿಯೋ ಕಾರ್ಯಕ್ರಮದ ಮೂಲಕ ರಾಷ್ಟ್ರವನ್ನು ಉದ್ದೇಶಿಸಿ ಮಾತನಾಡಿದರು.

ಖೇಲೋ ಭಾರತ್​ ನೀತಿಯ ಪ್ರಮುಖ ಅಂಶಗಳೊಂದರೆ ದೇಶದ ಹಳ್ಳಿಗಳು, ಬಡವರು ಮತ್ತು ಹೆಣ್ಣುಮಕ್ಕಳಿಗೆ ಶಾಲಾ- ಕಾಲೇಜುಗಳಲ್ಲಿ ಕ್ರೀಡೆಯನ್ನು ದೈನಂದಿನ ಜೀವನದ ಭಾಗವನ್ನಾಗಿ ಮಾಡುವುದು. ಕ್ರೀಡೆಗೆ ಸಂಬಂಧಿಸಿದ ಸ್ಟಾರ್ಟ್‌ಅಪ್‌ಗಳು, ಕ್ರೀಡಾ ನಿರ್ವಹಣೆಗೆ ಬೇಕಾದ ಎಲ್ಲ ರೀತಿಯ ಸಹಾಯ ಮಾಡಲಾಗುವುದು" ಎಂದು ಮೋದಿ ತಮ್ಮ ಭಾಷಣದಲ್ಲಿ ಹೇಳಿದರು.

ಭಾರತದ ಮುಂದಿನ ಕ್ರೀಡಾ ಭವಿಷ್ಯದ ಬಗ್ಗೆ ಮಾತನಾಡಿದ ಪ್ರಧಾನಿ ಮೋದಿ ಅವರು " ನನಗೆ ಅನೇಕ ಯುವ ಕ್ರೀಡಾಪಟುಗಳು ಮತ್ತು ಅವರ ಪೋಷಕರಿಂದ ಸಂದೇಶಗಳು ಬಂದಿವೆ. ಇವುಗಳಲ್ಲಿ 'ಖೇಲೋ ಭಾರತ್ ನೀತಿ 2025' ಹೆಚ್ಚು ಮೆಚ್ಚುಗೆ ಪಡೆದಿದೆ. ಈ ನೀತಿಯ ಗುರಿ ಸ್ಪಷ್ಟವಾಗಿದ್ದು, ದೇಶವನ್ನು ಕ್ರೀಡಾ ಸೂಪರ್ ಪವರ್ ಮಾಡುವುದು" ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಶಿವನ ಸನ್ನಿಧಿಯಲ್ಲಿ ಮೋದಿ ಪ್ರಾರ್ಥನೆ; ಚೋಳ ಸಾಮ್ರಾಜ್ಯದ ಈ ದೇವಾಲಯದ ಅಚ್ಚರಿಯ ಸಂಗತಿ ಏನು ಗೊತ್ತಾ? cholapuram-temple

ಅಲ್ಲದೆ, ಕ್ರೀಡೆ ಉತ್ತಮ ಮನೋಬಲವನ್ನು ಬೆಳೆಸುತ್ತದೆ. ಇದು ಫಿಟ್ನೆಸ್, ಆತ್ಮವಿಶ್ವಾಸ ಮತ್ತು ಬಲಿಷ್ಠ ಭಾರತವನ್ನು ನಿರ್ಮಿಸುವ ಮಾರ್ಗವಾಗಿದೆ. ಆದ್ದರಿಂದ ಬಹಳಷ್ಟು ಆಟವಾಡಿ, ಎಂದು ಪ್ರೋತ್ಸಾಹಿಸಿದ್ದಾರೆ.

ಹೊಸ ನೀತಿಯು 2001 ರ ರಾಷ್ಟ್ರೀಯ ಕ್ರೀಡಾ ನೀತಿಯನ್ನು ಬದಲಾಯಿಸುತ್ತದೆ. 2036ರ ಒಲಿಂಪಿಕ್ ಕ್ರೀಡಾಕೂಟ ಸೇರಿದಂತೆ ಅಂತಾರಾಷ್ಟ್ರೀಯ ಕ್ರೀಡಾಕೂಟಗಳಲ್ಲಿ ಇಂಡಿಯಾವನ್ನು ಪ್ರಮುಖ ಸ್ಪರ್ಧಿಯಾಗಿ ಸ್ಥಾಪಿಸಲು ಈ ನೀತಿಯು ಸಹಾಯ ಮಾಡುತ್ತದೆ.

https://www.vijayavani.net/israel-announces-temporary-pause-in-gaza-attacks