ಕರೊನಾ ಸೋಂಕಿತರಿಗಾಗಿ ಪತ್ನಿಯ ಆಭರಣ ಮಾರಿದ; ಉಸಿರಾಟದ ಸಮಸ್ಯೆ ಇರುವವರಿಗೆ ಆಕ್ಸಿಜನ್ ಸಿಲಿಂಡರ್ ವ್ಯವಸ್ಥೆ

ಮುಂಬೈ: ಕೋವಿಡ್​ ಸೋಂಕಿತರು ಸೋಂಕು ತೀವ್ರಗೊಂಡಾಗ ಅಥವಾ ಆರೋಗ್ಯ ಸ್ಥಿತಿ ತೀರಾ ಹದಗೆಟ್ಟಾಗ ಉಸಿರಾಟದ ಸಮಸ್ಯೆಗೆ ಒಳಗಾಗುತ್ತಾರೆ. ಅಂಥವರಿಗೆ ತುರ್ತು ಚಿಕಿತ್ಸೆಗಾಗಿ ಆಕ್ಸಿಜನ್ ಸಿಲಿಂಡರ್ ಅಗತ್ಯ. ಆದರೆ ಕರೊನಾ ಪ್ರಕರಣಗಳ ಜತೆಗೆ ಇಂಥ ಗಂಭೀರ ಸ್ಥಿತಿಯ ಕೇಸ್​ಗಳೂ ತೀವ್ರಗತಿಯಲ್ಲಿ ಏರುತ್ತಿರುವುದರಿಂದ ಎಲ್ಲೆಡೆ ಆಕ್ಸಿಜನ್ ಸಿಲಿಂಡರ್​ಗಳ ಕೊರತೆ ಉಂಟಾಗುತ್ತಿದೆ. ಇಂಥ ಪರಿಸ್ಥಿತಿಯಲ್ಲಿ ಸೋಂಕಿತರಿಗೆ ನೆರವಾಗುವ ಸಲುವಾಗಿ ವ್ಯಕ್ತಿಯೊಬ್ಬರು ಪತ್ನಿಯ ಆಭರಣವನ್ನೇ ಮಾರಿದ್ದಾರೆ.

ಮುಂಬೈನ ಮಂಟಪ ಡೆಕೋರೇಟರ್ ಆಗಿರುವ ಪಾಸ್ಕಲ್ ಸಲ್ದಾನ ಸಾಮಾಜಿಕ ಸೇವೆಗಾಗಿ ಇಂಥದ್ದೊಂದು ಕೆಲಸ ಮಾಡಿ ಹಲವರ ಗಮನ ಸೆಳೆದಿದ್ದಷ್ಟೇ ಅಲ್ಲ, ಬಹಳಷ್ಟು ಜನರ ಮೆಚ್ಚುಗೆಗೂ ಪಾತ್ರರಾಗಿದ್ದಾರೆ. ಪಾಸ್ಕಲ್ ಅವರ ಪತ್ನಿಯ ಎರಡೂ ಕಿಡ್ನಿ ಫೇಲ್ ಆಗಿದ್ದು, ಐದು ವರ್ಷಗಳಿಂದ ಬಳಲುತ್ತಿದ್ದಾರೆ. ಮಾತ್ರವಲ್ಲ ಡಯಾಲಿಸಿಸ್​ನಲ್ಲಿರುವ ಅವರಿಗೆ ಆಗಾಗ ಆಕ್ಸಿಜನ್ ನೀಡುವ ಅಗತ್ಯವೂ ಇದೆ. ಹೀಗೆ ಉಸಿರಾಟದ ಸಮಸ್ಯೆ ಇರುವವರ ಸಂಕಷ್ಟದ ಅರಿವಿರುವ ಪಾಸ್ಕಲ್ ಇಂಥದ್ದೊಂದು ಮಹಾನ್ ಸಹಾಯ ಮಾಡಿದ್ದಾರೆ.

ಇದನ್ನೂ ಓದಿ: ಕನ್ನಡ ಚಿತ್ರರಂಗಕ್ಕೆ ಮತ್ತೊಂದು ಕರೊನಾ ಆಘಾತ; ‘ನೆಮ್ಮದಿಯಾಗಿ ನಿದ್ರಿಸಿ’ ಎಂದವರು ಚಿರನಿದ್ರೆಗೆ… 

ಏಪ್ರಿಲ್ 18ರಿಂದ ಹೀಗೆ ತೀರಾ ಅಗತ್ಯ ಇರುವವರಿಗೆ ಮನೆಯಲ್ಲಿ ಹೆಚ್ಚುವರಿ ಇರುವ ಆಕ್ಸಿಜನ್ ಸಿಲಿಂಡರ್ ಮೂಲಕ ನೆರವಾಗುತ್ತಿದ್ದೇನೆ. ಕೆಲವೊಮ್ಮೆ ಜನರು ನನ್ನ ಈ ಕೆಲಸಕ್ಕೆ ಹಣ ಕೊಟ್ಟು, ಇನ್ನೊಬ್ಬರಿಗೆ ನೆರವಾಗಿ ಎಂದೂ ಹೇಳಿದ್ದಾರೆ. ಒಂದು ದಿನ ಶಾಲಾ ಶಿಕ್ಷಕಿಯೊಬ್ಬರು ಅವರ ಪತಿಗಾಗಿ ನನ್ನ ಬಳಿ ಆಕ್ಸಿಜನ್ ಸಿಲಿಂಡರ್ ಕೇಳಿದರು. ನಾನು ನನ್ನ ಪತ್ನಿ ಹೇಳಿದ್ದಕ್ಕೆ ಶಿಕ್ಷಕಿಗೆ ನೆರವಾದೆ. ನಂತರ ಪತ್ನಿಯ ಕೋರಿಕೆ ಮೇರೆಗೆ ಅವಳ ಆಭರಣ ಮಾರಿ ಸಿಕ್ಕ 80 ಸಾವಿರ ರೂಪಾಯಿಗಳಿಂದ ಮತ್ತಷ್ಟು ಜನರಿಗೆ ಆಕ್ಸಿಜನ್ ಒದಗಿಸಲು ನೆರವಾಗುತ್ತಿದ್ದೇನೆ ಎಂದಿದ್ದಾರೆ.

https://www.vijayavani.net/if-any-of-our-employee-dies-by-covid-their-family-will-get-salary-for-next-2-years/

https://www.vijayavani.net/an-engineer-made-bike-ambulance-just-in-25000-rupees/