Viral Video | ದೆಹಲಿ ಮೆಟ್ರೋ ಒಳಗೆ ಹಾಸಿಗೆ ಹಾಕಿ ಮಲಗಿದ ಭೂಪ..!

Published on:

13 Dec 2022, 9:09 am

ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯ ಮೆಟ್ರೋದಲ್ಲಿ ನಡೆದ ಈ ಘಟನೆ ಅನೇಕರ ಗಮನ ಸೆಳೆದಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋ ಒಂದರಲ್ಲಿ ಯುವಕನೊಬ್ಬ ಹಾಸಿಗೆ ಹಾಸಿ ರೈಲಿನೊಳಗೆ ಮಲಗಿದ್ದು ಸೆರೆಯಾಗಿದೆ.

ಇತ್ತಿಚೆಗಷ್ಟೆ ಒಬ್ಬ ಭೂಪ ಸ್ನಾದ ಟವೆಲ್ ಹಾಕಿ ಮೆಟ್ರೊದಲ್ಲಿ ಓಡಾಡುತ್ತಿದ್ದ ವಿಡಿಯೋ ಕೂಡ ವೈರಲ್ ಆಗಿತ್ತು. ಇನ್ನೂ ವಿಚಿತ್ರ ಏನೆಂದರೆ ಆ ವಿಡಿಯೋವನ್ನು ಪೋಸ್ಟ್ ಮಾಡಿದ್ದೂ ಇದೇ ವ್ಯಕ್ತಿ! ಇದೀಗ ಇಂತಹ ವಿಡಿಯೋ ಮೂಲಕ ಜನರ ಗಮನ ಸೆಳೆದು ಸಾಮಾಜಿಕ ಜಾಲತಾಣಗಳಲ್ಲಿ ವಿವ್ಸ್ ಮತ್ತು ಲೈಕ್ಸ್ ಹೆಚ್ಚಿಸಿಕೊಳ್ಳಲು ಮಾಡುವುದಾ ಎನ್ನುವ ಅನುಮಾನ ಶುರುವಾಗುತ್ತಿದೆ.

ಮೋಹಿತ್ ಗೌಹರ್ ಎನ್ನುವಾತ ಈ ವಿಡಿಯೋವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಮೆಟ್ರೊ ರೈಲಿನ ಸೀಟಿನ ಮೇಲೆ ದಿಂಬು ಮತ್ತು ಬೆಡ್ ಶೀಟ್ ಹಿಡಿದುಕೊಂಡು ಹೋಗುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು.

ಈತ ಬೆಡ್ ಶೀಟ್ ಹೊದ್ದು ಸೀಟಿನ ಮೇಲೆ ಮಲಗುತ್ತಾನೆ. ಈ ಘಟನೆ ಬಗ್ಗೆ ಮೆಟ್ರೋದಲ್ಲಿನ ಪ್ರಯಾಣಿಕರ ಪ್ರತಿಕ್ರಿಯೆಗಳನ್ನು ಸೆರೆಹಿಡಿಯಲು ಕ್ಯಾಮರಾವನ್ನು ಮತ್ತಷ್ಟು ಝೂಮ್ ಮಾಡಲಾಗುತ್ತೆ. ಕೆಲವರು ಆಶ್ಚರ್ಯಚಕಿತರಾಗಿ ಈ ಭುಒನನ್ನು ನೋಡಿದರೆ, ಇತರರು ಸಂಪೂರ್ಣವಾಗಿ ಆಸಕ್ತಿರಹಿತರಾಗಿ ಕಾಣಿಸಿಕೊಂಡರು.

ಈ ವಿಡಿಯೋಗೆ ಇನ್‌ಸ್ಟಾಗ್ರಾಮ್‌ನಲ್ಲಿ 80 ಸಾವಿರಕ್ಕೂ ಹೆಚ್ಚು ವೀಕ್ಷಣೆಗಳು ಮತ್ತು ನೂರಾರು ಲೈಕ್ಗಳು ಮತ್ತು ಕಾಮೆಂಟ್‌ಗಳು ಸಿಕ್ಕಿದ್ದು ಈ ವೀಡಿಯೊ ವೈರಲ್ ಆಗಿದೆ. ಈ ಬಗ್ಗೆ ಜನನರು ವಿವಿಧ ರೀತಿಯಲ್ಲಿ ಕಾಮೆಂಟ್ ಮಾಡಿದ್ದು "ನೆಕ್ಸ್ಟ್ ಲೆವೆಲ್ ಬ್ರೋ" ಎಂದೆಲ್ಲಾ ಬರೆದಿದ್ದಾರೆ.