VIDEO| ಭಾರೀ ಮಳೆಯ ನಡುವೆ ಮದ್ಯ ಖರೀದಿಸಲು ಟ್ರ್ಯಾಕ್ಟರ್‌ ಚಲಾಯಿಸಿಕೊಂಡು ಅಂಗಡಿಗೆ ಬಂದ ಯುವಕ

ಹರಿಯಾಣ: ಹಲವು ಜಿಲ್ಲೆಗಳಲ್ಲಿ ನಿರಂತರವಾಗಿ ಮಳೆಯಾಗುತ್ತಿದೆ. ಇದರಿಂದ ಹಲವೆಡೆ ನೀರು ನಿಲ್ಲುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಜನರು ಮನೆಯಿಂದ ಹೊರ ಬರಲು ಪರದಾಡುವಂತಾಗಿದ್ದು, ಇದೆಲ್ಲದರ ನಡುವೆ ಸಾಮಾಜಿಕ ಜಾಲತಾಣದಲ್ಲಿ ತಮಾಷೆಯ ವಿಡಿಯೋವೊಂದು ಹರಿದಾಡುತ್ತಿದೆ.

ಗುರುಗ್ರಾಮ್‌ನ ಜಲಾವೃತ ರಸ್ತೆಗಳಲ್ಲಿ ಯುವಕನೊಬ್ಬ ಟ್ರ್ಯಾಕ್ಟರ್‌ನೊಂದಿಗೆ ತಿರುಗಾಡುತ್ತಿರುವುದನ್ನು ನೀವು ವೈರಲ್ ವೀಡಿಯೊದಲ್ಲಿ ನೋಡಬಹುದು. ಯುವಕ ತನ್ನ ಟ್ರ್ಯಾಕ್ಟರ್ ಅನ್ನು ಅಂಗಡಿಯ ಮುಂದೆ ನಿಲ್ಲಿಸಿ ನಂತರ ಮದ್ಯ ಖರೀದಿಸಲು ಒಳಗೆ ಹೋಗುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು.

ಯುವಕ ಮದ್ಯ ತಂದು ಅಲ್ಲಿಂದ ತನ್ನ ಟ್ರ್ಯಾಕ್ಟರ್ ಸಮೇತ ವಾಪಸ್ ಹೋಗಿದ್ದಾನೆ. ಇದೇ ವೇಳೆ ಯಾರೋ ಯುವಕನ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಿದ್ದಾರೆ. @ArdentHosp71607 ಹೆಸರಿನ ಖಾತೆಯೊಂದಿಗೆ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ X ನಲ್ಲಿ ವೀಡಿಯೊವನ್ನು ಹಂಚಿಕೊಳ್ಳಲಾಗಿದೆ.

ಕೆಟ್ಟ ಮೂಲಸೌಕರ್ಯ, ಕೆಟ್ಟ ರಸ್ತೆಗಳು,  ಮೂಲಸೌಕರ್ಯಗಳ ಕೊರತೆಯಿಂದಾಗಿ  ಪಟ್ಟಣಗಳಲ್ಲಿ  ನೀರು ನಿಲ್ಲುತ್ತದೆ. ಸಮಸ್ಯೆಗಳು ಉದ್ಭವಿಸುತ್ತವೆ ಮತ್ತು ಗುರ್ಗಾಂವ್ ಸಂಪೂರ್ಣವಾಗಿ ಮಳೆಯಲ್ಲಿ ಮುಳುಗಿದೆ.