ಮಷಿನ್​ಗೆ ಸಿಕ್ಕಿ ಎರಡು ತುಂಡಾದ ಕೈ! ದೇವರ ರೂಪದಲ್ಲಿ ಬಂದು ಕಾಪಾಡಿದ ವೈದ್ಯರು

ನವದೆಹಲಿ: ವೈದ್ಯರನ್ನು ಮನುಷ್ಯ ರೂಪದ ದೇವರು ಎನ್ನಲಾಗುತ್ತದೆ. ಕಾರ್ಖಾನೆಯಲ್ಲಿ ಕೆಲಸ ಮಾಡುವಾಗ ಮಷಿನ್​ಗೆ ಸಿಕ್ಕು, ಕೈಯನ್ನು ಎರಡು ತುಂಡು ಮಾಡಿಕೊಂಡಿದ್ದ ಕಾರ್ಮಿಕನೊಬ್ಬನಿಗೆ ವೈದ್ಯರು ನಿಜವಾದ ದೇವರಾದ ಘಟನೆ ನಡೆದಿದೆ.

ಪ್ರಹ್ಲಾದ್​ಪುರದ ಕಾರ್ಖಾನೆಯಲ್ಲಿ ಕೆಲಸ ಮಾಡುವ ವೇಳೆ ಇಂದ್ರಪಾಲ್​ (36) ಹೆಸರಿನ ಕಾರ್ಮಿಕ ಆಕಸ್ಮಿಕವಾಗಿ ಮಷಿನ್​ ಬಾಯಿಗೆ ಸಿಕ್ಕಿದ್ದಾನೆ. ಆತ ಎಡಗೈ ಎರಡು ತುಂಡಾಗಿ, ಒಂದು ತುಂಡು ಮಷಿನ್​ನ ಎಲ್ಲ ಭಾಗಗಳಿಗೂ ಹೋಗಿ ಬಂದಿದೆ. ಘಟನೆ ಕೇಳಿ ದಂಗಾದ ಕಾರ್ಖಾನೆಯ ಮಾಲೀಕ, ತಕ್ಷಣ ಇಂದ್ರಪಾಲ್​ನನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ.

ತುಂಡಾಗಿದ್ದ ಕೈಯನ್ನು ಪಾಲಿಥಾನ್​ ಶೀಟ್​ನಲ್ಲಿ ಸ್ವಚ್ಛತೆಯಿಂದ ತೆಗೆದುಕೊಂಡು ಹೋಗಿ ವೈದ್ಯರಿಗೆ ಕೊಡಲಾಗಿದೆ. ವೈದ್ಯರು ಆರು ತಾಸಿನ ಕಾಲ ಆಪರೇಷನ್​ ನಡೆಸಿದ್ದು, ತುಂಡಾಗಿದ್ದ ಕೈಯನ್ನು ದೇಹಕ್ಕೆ ಸೇರಿಸಲಾಗಿದೆ. ಕೈ ಸಾಕಷ್ಟು ಪೆಟ್ಟು ತಿಂದಿದ್ದರಿಂದಾಗಿ ಅದರ ಕೆಲ ಭಾಗವನ್ನು ಕತ್ತರಿಸಲಾಗಿದ್ದು ಕೈ ಸುಮಾರು 7-8 ಇಂಚಿನಚ್ಟು ಚಿಕ್ಕದಾಗಿರುವುದಾಗಿ ವೈದ್ಯರು ತಿಳಿಸಿದ್ದಾರೆ.

ಸರಿಯಾದ ಸಮಯಕ್ಕೆ ಇಂದ್ರಪಾಲ್​ನನ್ನು ಆಸ್ಪತ್ರೆಗೆ ಕರೆತರಲಾಗಿದೆ. ಈ ರೀತಿಯ ಕೇಸ್​ನಲ್ಲಿ 3-4 ಗಂಟೆಯೊಳಗೆ ರೋಗಿ ಆಸ್ಪತ್ರೆ ಸೇರಿದರೆ ಆಪರೇಷನ್​ ಮಾಡಬಹುದು. ಸೂಕ್ತ ಸಮಯಕ್ಕೆ ಆತ ಬಂದಿದ್ದರಿಂದಾಗಿ ಆತನ ಕೈಯನ್ನು ಸರಿಮಾಡಲು ಸಾಧ್ಯವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/tool-kit-case-warrant-sent-to-two-more/

https://www.vijayavani.net/husband-makes-a-surprise-visit-and-got-shocked/