Ajnar River Cleanup: ಮಧ್ಯಪ್ರದೇಶದ ಅಜ್ನಾರ್ ನದಿ ಸ್ವಚ್ಛತಾ ಕಾರ್ಯದಲ್ಲಿ ತೊಡಗಿದ್ದ ಪರಿಸರ ಪ್ರೇಮಿ ಸುರೇಂದ್ರ ಸಿಂಗ್ ಚೌಧರಿ ಅಲಿಯಾಸ್ ಬಿಟ್ಟು ತಬಾಹಿ ಚರ್ಮದ ಸೋಂಕಿನಿಂದ ಬಳಲುತ್ತಿದ್ದಾನೆ. ಕಲುಷಿತ ನೀರಿನಲ್ಲಿದ್ದ ಕೊಳೆತ ತ್ಯಾಜ್ಯಗಳನ್ನು ತೆಗೆದ ಪರಿಣಾಮ ಕೈ-ಕಾಲುಗಳಲ್ಲಿ ನಿರಂತರ ತುರಿಕೆ, ಚರ್ಮ ಸುಲಿಯುವುದು ಹಾಗೂ ತೀವ್ರ ಮೈಕೈ ನೋವು ಕಾಣಿಸಿಕೊಂಡಿದೆ.
ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ವಿಡಿಯೋ ಹಂಚಿಕೊಂಡಿರುವ ಬಿಟ್ಟು, ಕಲುಷಿತ ನೀರಿನಲ್ಲಿ ದೀರ್ಘಕಾಲ ಕೆಲಸ ಮಾಡಿದ್ದರಿಂದ ತಮ್ಮ ದೇಹಕ್ಕೇನಾಗಿದೆ ಅನ್ನೋದನ್ನು ತೋರಿಸಿದ್ದಾರೆ. ಸೂಕ್ತ ವೈಜ್ಞಾನಿಕ ಭದ್ರತಾ ಪರಿಕರಗಳಿಲ್ಲದೆ ಹೀಗೆ ಕಲುಷಿತ ನದಿ ಹಾಗೂ ಚರಂಡಿಗಳನ್ನು ಸ್ವಚ್ಛಗೊಳಿಸಲು ಹೋದರೆ ಇಂತಹ ಗಂಭೀರ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ ಎಂಬುದಕ್ಕೆ ಇದು ಎಚ್ಚರಿಕೆಯ ಗಂಟೆಯಾಗಿದೆ.
