ಕೆಲವೇ ನಿಮಿಷಗಳಲ್ಲಿ ಮಾಡಿ ಗರಂ ಗರಂ ಬೇಬಿ ಕಾರ್ನ್ ಫ್ರಿಟರ್ಸ್​! Recipe

Recipe: ಇಂದಿನ ದಿನಗಳಲ್ಲಿ ಅನೇಕರು ಸಂಜೆ ತಿಂಡಿಗಾಗಿ ಪರಿತಪಿಸುತ್ತಿರುತ್ತಾರೆ. ವಿವಿಧ ಖಾದ್ಯಗಳನ್ನು ಹುಡುಕಿಕೊಂಡು ಹೋಗುತ್ತಾರೆ. ಹಾಗೇ ದಿನಿತ್ಯ ಪಕೋಡ, ಗೋಬಿ,ಪಾನಿಪುರಿ ಇಂತಹ ಸ್ನಾಕ್ಸ್​ ತಿಂದು ಬೇಜಾರಾಗಿದಿಯೇ? ಹಾಗಿದ್ದರೆ, ಏಕೆ ತಡ ನಿಮ್ಮ ಮನೆಯಲ್ಲಿಯೇ ಈಗಲೇ ತಯಾರಿಸಿ ಬೇಬಿ ಕಾರ್ನ್ ಫ್ರಿಟರ್ಸ್​..

ಬೇಕಾಗುವ ಪದಾರ್ಥಗಳು

* 10-12 ಬೇಬಿ ಕಾರ್ನ್

* 1 ಕಪ್ ಕಡಲೆ ಹಿಟ್ಟು

* 2 ಚಮಚ ಅಕ್ಕಿ ಹಿಟ್ಟು

* 1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್

* 1/2 ಚಮಚ ಕೆಂಪು ಮೆಣಸಿನಕಾಯಿ ಪುಡಿ

* 1/2 ಚಮಚ ಗರಂ ಮಸಾಲೆ

* 1/2 ಚಮಚ ಜೀರಿಗೆ

* 1/4 ಕಪ್ ನೀರು

* ಕೊತ್ತಂಬರಿ ಸೊಪ್ಪು

* ಉಪ್ಪು

* ಕರಿಯಲು ಎಣ್ಣೆ

ಇದನ್ನೂ ಓದಿ: RSS ಮಹಾತ್ಮ ಗಾಂಧಿ ಮೇಲೆ ವೈಯಕ್ತಿಕ ದಾಳಿ ಮಾಡಿದೆ: ರಾಹುಲ್ ಗಾಂಧಿ

ಮಾಡುವ ವಿಧಾನ

ಮೊದಲು ಬೇಬಿ ಕಾರ್ನ್​ಗಳನ್ನು ಚೆನ್ನಾಗಿ ತೊಳೆದು ಒಣಗಿಸಿ ಕತ್ತರಿಸಿ ಇಟ್ಟುಕೊಳ್ಳಿ. ನಂತರ ಒಂದು ಬಟ್ಟಲಿಗೆ ಕಡಲೆ ಹಿಟ್ಟು, ಅಕ್ಕಿ ಹಿಟ್ಟು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಕೆಂಪು ಮೆಣಸಿನಕಾಯಿ ಪುಡಿ, ಗರಂ ಮಸಾಲೆ, ಜೀರಿಗೆ, ಕೊತ್ತಂಬರಿ ಸೊಪ್ಪು ಮತ್ತು ಉಪ್ಪು ಸೇರಿಸಿ. ಸ್ವಲ್ಪ ಸ್ವಲ್ಪ ನೀರು (ಪಕೋಡ ಹಿಟ್ಟಿನಂತೆ) ಸೇರಿಸಿ ಮಿಶ್ರಣ ತಯಾರಿಸಿ. ನಂತರ ಬೇಬಿ ಕಾರ್ನ್​ಗಳನ್ನು ಹಿಟ್ಟಿನ ಮಿಶ್ರಣದಲ್ಲಿ ಅದ್ದಿ ಎಲ್ಲಾ ಕಡೆ ಲೇಪನವಾಗುವಂತೆ ನೋಡಿಕೊಳ್ಳಿ. ಇದಾದ ಬಳಿಕ ಒಂದು ಕಡಾಯಿಗೆ ಎಣ್ಣೆ ಹಾಕಿ ಬಿಸಿಯಾದ ನಂತರ ಒಂದೊಂದಾಗಿ ತೈಲದಲ್ಲಿ ಹಾಕಿ ಚಿನ್ನದ ಬಣ್ಣಕ್ಕೆ ಬರುವವರೆಗೂ ಕರಿಯಿರಿ. ಇದನ್ನು ಟೊಮಟೋ ಸಾಸ್​, ಹಸಿರು ಚಟ್ನಿಯೊಂದಿಗೆ ಸೇವಿಸಿ.

(ಏಜೆನ್ಸೀಸ್​)

https://www.vijayavani.net/science-and-technology-existed-in-india-thousands-of-years-ago