ಪ್ರತಿ ವರ್ಷ ನೂರಾರು ಸಾವು: ಗಾಳಿಪಟ ಹಾರಿಸಿದ ಬಳಿಕ ತುಂಡರಿಸಿದ ದಾರಗಳನ್ನು ಅಲ್ಲಿಯೇ ಬಿಟ್ಟು ಹೊರಡುತ್ತಾರೆ. ತುಂಡಾದ ಗಾಳಿಪಟ ಅನಿಯಂತ್ರಿತವಾಗಿ ಹಾರಿಕೊಂಡು ಮರಗಿಡಗಳಿಗೆ ಸುತ್ತಿಕೊಳ್ಳುತ್ತವೆ. ಅತ್ಯಂತ ಸಣ್ಣಗಿರುವ ಈ ದಾರಗಳು ಮನುಷ್ಯರಿಗಿರಲಿ, ಹಕ್ಕಿಗಳ ಸೂಕ್ಷ್ಮ ಕಣ್ಣಿಗೂ ಕಾಣುವುದಿಲ್ಲ. ಬಳಿ ಬರುವ ಹಕ್ಕಿಗಳ ಕುತ್ತಿಗೆ, ರೆಕ್ಕೆ, ಕಾಲು ಭಾಗಗಳು ಸಿಕ್ಕಿಕೊಂಡು ನರಳುತ್ತವೆ. ಯಾರ ಕಣ್ಣಿಗಾದರೂ ಬಿದ್ದರೆ ಬಿಬಿಎಂಪಿ ವನ್ಯಜೀವಿ ವಿಭಾಗಕ್ಕೆ ಅಥವಾ ಸ್ವಯಂಸೇವಾ ಸಂಸ್ಥೆಗೆ (96202 86800) ಕರೆ ಮಾಡಿ ತಿಳಿಸಿದಾಗ ಬಂದು ರಕ್ಷಿಸುತ್ತಾರೆ. ಯಾರ ಕಣ್ಣಿಗೂ ಬೀಳದಿದ್ದರೆ, ಅಲ್ಲಿಯೇ ನರಳಿ ಸಾವಿಗೀಡಾ ಗುತ್ತಿವೆ. ಪ್ರತಿನಿತ್ಯ 8-10 ಪಕ್ಷಿಗಳು ಚೈನೀಸ್ ಮಾಂಜಾಕ್ಕೆ ಸಿಲುಕುತ್ತಿವೆ ಎಂದು ಬಿಬಿಎಂಪಿ ವನ್ಯಜೀವಿ ವಿಭಾಗ ತಿಳಿಸಿದೆ. ಈ ಪೈಕಿ ಹೆಚ್ಚು ಎತ್ತರದಲ್ಲಿ ಹಾರಾಟ ನಡೆಸುವ ಹದ್ದುಗಳ ಸಂಖ್ಯೆಯೇ ಶೇ.70. ಕಾಗೆ, ಪಾರಿವಾಳ, ಗೂಬೆ ಸೇರಿ ಅನೇಕ ಪಕ್ಷಿ ಅಪಾಯಕ್ಕೆ ಈಡಾಗುತ್ತಿವೆ.
