ಸಮಾನತೆ, ನ್ಯಾಯಪರತೆ ಮತ್ತು ನಿಷ್ಪಕ್ಷಪಾತ- ಇವು ಪ್ರತಿಯೊಬ್ಬ ಮಾನವನ ಸ್ವಾಭಾವಿಕ ಆಸೆಗಳು. ಆದರೆ ಪ್ರಸ್ತುತ ಸಮಾಜದಲ್ಲಿ, ಈ ಗುಣಗಳು ಇವೆಯೇ ಮತ್ತು ಹಾಗೊಂದು ಪಕ್ಷದಲ್ಲಿ ಇದ್ದರೂ ಸಾಕಾಗುವಷ್ಟು ಇವೆಯೇ ಎಂಬುದೇ ಪ್ರಶ್ನೆ. ವೇದಗಳು ತಿಳಿಸುವಂತೆ ಭೌತಿಕ ಸ್ತರದಲ್ಲಿ ಮಾನವರೆಲ್ಲರ ನಿಜವಾದ ಸಮಾನತೆ ಆಕಾಶಪುಷ್ಪವೇ ಸರಿ, ಅದು ಸಾಧ್ಯವಿರುವುದು ಆಧ್ಯಾತ್ಮಿಕ ವೇದಿಕೆಯಲ್ಲಿ ಮಾತ್ರ. ಈ ಆಧ್ಯಾತ್ಮಿಕ ಸಮಾನತೆಯನ್ನು ಜಗತ್ತಿಗೆ ಸಾರಿದವರು 15ನೇ ಶತಮಾನದ ಮಹಾನ್ ವೈಷ್ಣವ ಸಂತ, ದಾರ್ಶನಿಕ, ಸಮಾಜ ಸುಧಾರಕ, ಸಂಕೀರ್ತನ ಚಳವಳಿಯ ಹರಿಕಾರ, ಚೈತನ್ಯ ಮಹಾಪ್ರಭುಗಳು. ಅವರ ಬೋಧನೆಗಳು, ಧರ್ಮ, ಭಾಷೆ, ರಾಷ್ಟ್ರೀಯತೆ, ಜನಾಂಗ, ಸಮುದಾಯ, ಜಾತಿ ಮುಂತಾದ ಯಾವುದೇ ಭೇದಭಾವಗಳಿಲ್ಲದೆ ಸರ್ವರಿಗೂ ಅನ್ವಯ ಮತ್ತು ಉನ್ನತ ಜ್ಞಾನ ಹಾಗೂ ಸಂತೋಷವನ್ನು ಹೊಂದಬಹುದು. ಅವರ ಸಮಾನದೃಷ್ಟಿಗೆ ಒಂದು ಸರಳ ಉದಾಹರಣೆಯೆಂದರೆ, ಒಬ್ಬ ಮುಸ್ಲಿಂಗೆ ಸಹ ತಮ್ಮ ನಿಕಟ ಅನುವರ್ತಿಯಾಗಲು ಅವಕಾಶವಿತ್ತು ಅವರನ್ನು ಆಚಾರ್ಯರ ಮಟ್ಟಕ್ಕೆ ಬೆಳೆಸಿದರು. ಅವರೇ ಶ್ರೀಲ ಹರಿದಾಸ್ ಠಾಕೂರರು.
