ಸೀಟು ಹಂಚಿಕೆ ಕುರಿತ ಮಾತುಕತೆಗಳು ಇನ್ನೂ ಮುಂದುವರಿದಿದ್ದು, ಬಿಕ್ಕಟ್ಟನ್ನು ಶಮನ ಮಾಡುವ ಅಂತಿಮ ಪ್ರಯತ್ನವಾಗಿ ಹಿರಿಯ ಕಾಂಗ್ರೆಸ್ ನಾಯಕ ಮತ್ತು ರಾಜಸ್ಥಾನದ ಮಾಜಿ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಮಿತ್ರಪಕ್ಷಗಳ ನಡುವೆ ಸಂಧಾನ ನಡೆಸಿದ್ದಾರೆ ಎನ್ನಲಾಗಿದೆ. ಆರ್ಜೆಡಿ, ಕಾಂಗ್ರೆಸ್ ಮತ್ತು ಇತರ ಸಣ್ಣ ಪಕ್ಷಗಳನ್ನು ಒಳಗೊಂಡಿರುವ ಈ ಕೂಟದಲ್ಲಿ ಸುಮಾರು ಹನ್ನೆರಡು ಸ್ಥಾನಗಳಿಗೆ ಆಂತರಿಕ ಭಿನ್ನಾಭಿಪ್ರಾಯ ಎದುರಾಗಿದೆ. ಮೈತ್ರಿಕೂಟದೊಳಗಿನ ಸಂಘರ್ಷ ಪರಿಹರಿಸಲು ಆಗಮಿಸಿರುವ ಗೆಹ್ಲೋಟ್, ಆರ್ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್ ಯಾದವ್ ಮತ್ತು ಅವರ ಪುತ್ರ ತೇಜಸ್ವಿ ಯಾದವ್ರನ್ನು ಭೇಟಿಯಾದರು. ಚರ್ಚೆಯ ಬಳಿಕ ಮಾಧ್ಯಮದವರೊಂದಿಗೆ ಮಾತನಾಡಿದ ಗೆಹ್ಲೋಟ್, ಮೈತ್ರಿಕೂಟದೊಳಗಿನ ಬಿರುಕುಗಳ ವರದಿಗಳನ್ನು ಕಡಿಮೆ ಮಾಡಿ, 243 ಸ್ಥಾನಗಳ ವಿಧಾನಸಭೆಯಲ್ಲಿ, 5–10 ಸ್ಥಾನಗಳಿಗಾಗಿ ಫ್ರೆಂಡ್ಲಿ ಫೈಟ್ (ಸ್ನೇಹಪರ ಹೋರಾಟಗಳು) ಪ್ರಮುಖ ಸಮಸ್ಯೆಯಾಗಿಲ್ಲ ಎಂದು ಹೇಳಿದರು.
