ನಿಗದಿತ ತೂಕಕ್ಕಿಂತ ಹೆಚ್ಚು ಲಗೇಜ್ ಇದ್ದರೆ ಅದಕ್ಕೆ ಪ್ರಯಾಣಿಕರು ಹೆಚ್ಚಿನ ಶುಲ್ಕ ಪಾವತಿಸಬೇಕಾಗುತ್ತದೆ. ಆರಂಭಿಕ ಹಂತದಲ್ಲಿ ಕೆಲ ರೈಲು ನಿಲ್ದಾಣಗಳಲ್ಲಿ ಪ್ರಾಯೋಗಿಕವಾಗಿ ಇದನ್ನು ಜಾರಿಗೆ ತಂದು, ಬಳಿಕ ದೇಶಾದ್ಯಂತ ವಿಸ್ತರಿಸುವ ಚಿಂತನೆ ಇದೆ. ಪ್ರಯಾಣಿಕರು ರೈಲು ನಿಲ್ದಾಣ ಪ್ರವೇಶಿಸುತ್ತಿದ್ದಂತೆ ಎಲೆಕ್ಟ್ರಾನಿಕ್ ತೂಕ ಯಂತ್ರದಲ್ಲಿ ಲಗೇಜುಗಳ ತೂಕ ಹಾಕಿಸಬೇಕು. ನಿಗದಿಗಿಂತ ಹೆಚ್ಚು ತೂಕದ ಲಗೇಜುಗಳಿಗೆ ಹೆಚ್ಚುವರಿ ಶುಲ್ಕಗಳನ್ನು ವಿಧಿಸಲಾಗುತ್ತದೆ. ತೂಕ ಕಡಿಮೆ ಇದ್ದು ಗಾತ್ರದಲ್ಲಿ ದೊಡ್ಡದಾಗಿದ್ದರೂ ದಂಡ ತೆರಬೇಕಾಗುತ್ತದೆ. ಆದರೆ, ಗಾತ್ರ ಎಷ್ಟು ಮಿತಿಯಲ್ಲಿರಬೇಕು ಎನ್ನುವ ಮಾಹಿತಿ ಇಲಾಖೆ ನೀಡಿಲ್ಲ. ಅನುಮತಿಸಿದ ಲಗೇಜು ತೂಕ, ಎಸಿ ಫಸ್ಟ್ ಕ್ಲಾಸ್ : 70 ಕೆ.ಜಿ, ಎಸಿ ಟೂ ಟಯರ್: 50 ಕೆ.ಜಿ, ಎಸಿ ಥ್ರೀ ಟಯರ್: 40 ಕೆ.ಜಿ, ಸ್ಲೀಪರ್ ಕ್ಲಾಸ್: 40 ಕೆ.ಜಿ ಜನರಲ್ ಕ್ಲಾಸ್: 35 ಕೆ.ಜಿ
