ಉತ್ತರ ಪ್ರದೇಶದ ವಿಧಾನಸಭೆ ಕಚೇರಿಗೆ ನುಗ್ಗಿದ ನೀರು: ಪ್ರತಿಪಕ್ಷಗಳಿಂದ ಟೀಕೆ

ಲಖನೌ: ಉತ್ತರಪ್ರದೇಶದಲ್ಲಿ ಬುಧವಾರ ಸುರಿದ ಭಾರೀ ಮಳೆಯಿಂದಾಗಿ ವಿಧಾನಸಭೆಯ ಕಚೇರಿಗಳಿಗೆ ನೀರು ನುಗ್ಗಿದೆ. ಮುಂಗಾರು ಅಧಿವೇಶನ ನಡೆಯುತ್ತಿರುವ ವೇಳೆ ಮಳೆಯ ನೀರು ವಿಧಾನಸಭೆಗೆ ನುಗ್ಗಿದೆ.

ಇದನ್ನೂ ಓದಿ: ಪೊಲೀಸರ ಕರ್ತವ್ಯಕ್ಕೆ ಅಡ್ಡಿ ಆರೋಪ: ಪ್ರತಾಪ್ ಸಿಂಹ, ಪುನೀತ್ ಕೆರೆಹಳ್ಳಿ ವಿರುದ್ಧ ಎಫ್‌ಐಆರ್‌ ದಾಖಲು!

ರಾಜ್ಯ ರಾಜಧಾನಿ ಲಖನೌ ಸೇರಿದಂತೆ ವಿಧಾನ ಭವನದ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಎರಡೂವರೆಗೆ ಗಂಟೆ ಕಾಲ ಸುರಿದ ಮಳೆಯಿಂದ ವಿಧಾನಸಭೆ ಕಟ್ಟಡದ ಪ್ರವೇಶ ದ್ವಾರದಲ್ಲಿ ಜಲಾವೃತವಾಗಿದ್ದು, ಕಾರಿಡಾರ್ ಮತ್ತು ನೆಲ ಅಂತಸ್ತಿನ ಕೆಲವು ಕೊಠಡಿಗಳಲ್ಲಿ ಜಲಾವೃತವಾಗಿದ್ದು, ಸಿಬ್ಬಂದಿ ಬಕೆಟ್ ಮತ್ತು ನೆಲ ಒರೆಸುವ ಬಟ್ಟೆಯಿಂದ ಮಳೆ ನೀರನ್ನು ತೆಗೆದು ಹಾಕಿದರು.

ಎಲ್ಲಕ್ಕಿಂತ ಮುಖ್ಯವಾಗಿ ರಾಜ್ಯ ವಿಧಾನಸಭೆಗೆ ಬಜೆಟ್ ಅಗತ್ಯವಿದೆ. ಕೇವಲ ಒಂದೇ ಒಂದು ಮಳೆಗೆ ವಿಧಾನಸಭೆಯಲ್ಲಿ ಇಂಥ ಸ್ಥಿತಿ ನಿರ್ಮಾಣವಾಗಿದೆ ಎಂದರೆ ಇನ್ನು ರಾಜ್ಯದ ಪರಿಸ್ಥಿತಿಯನ್ನು ದೇವರೇ ಕಾಪಾಡಬೇಕು ಎಂದು ಸಮಾಜವಾದಿ ಪಕ್ಷದ ಪ್ರಧಾನ ಕಾರ್ಯದರ್ಶಿ ಮತ್ತು ಶಾಸಕ ಶಿವಪಾಲ್ ಸಿಂಗ್ ಯಾದವ್ ಎಕ್ಸ್‌ನಲ್ಲಿ ಬರೆದಿದ್ದಾರೆ. ಅಲ್ಲದೆ ವಿಧಾನಸಭೆಯಲ್ಲಿ ನೀರು ನಿಂತಿರುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಪಿಟಿಐ ಪ್ರಕಾರ, ರಾಜ್ಯ ವಿಧಾನಸಭೆ ಮತ್ತು ವಿಧಾನ ಪರಿಷತ್ತಿನ ಕಲಾಪ ನಡೆಯುವ ಕಚೇರಿಗಳಿಗೆ ಯಾವುದೇ ಹಾನಿಯಾಗಿಲ್ಲ.

ಉತ್ತರ ಪ್ರದೇಶದ ಹಲವು ಜಿಲ್ಲೆಗಳಿಗೆ ಭಾರತೀಯ ಹವಾಮಾನ ಇಲಾಖೆ (IMD) ಜುಲೈ 1 ರವರೆಗೆ ಆರೆಂಜ್ ಅಲರ್ಟ್ ಘೋಷಣೆ ಮಾಡಿದೆ. ಜಿಲ್ಲೆಗಳಲ್ಲಿ ಬಹ್ರೈಚ್, ಲಖಿಂಪುರ ಖೇರಿ, ಸೀತಾಪುರ್, ಹರ್ದೋಯಿ, ಮುಜಾಫರ್‌ನಗರ, ಅಲಿಗಢ, ಮಥುರಾ, ಹತ್ರಾಶ್, ಆಗ್ರಾ, ಫಿರೋಜಾಬಾದ್, ಬಿಜ್ನೌರ್, ಮುರಾದಾಬಾದ್ ಸೇರಿವೆ.

https://www.vijayavani.net/wayanad-landslides-death-toll-likely-to-go-up-270-bodies-recovered-till-date