ವರ್ಚುವಲ್ ಡಿಜಿಟಲ್ ಸ್ಪೇಸ್ನಲ್ಲಿ ಶೋಧ ಮತ್ತು ವಶಪಡಿಸಿಕೊಳ್ಳುವಿಕೆಗೆ ಸಂಬಂಧಿಸಿದ ವಿವಾದಾತ್ಮಕ ನಿಬಂಧನೆಗಳಿಗೆ ಬದಲಾವಣೆಗಳೇನೂ ಮಾಡಿಲ್ಲ. ತೆರಿಗೆ ವಂಚನೆ ಶಂಕಿತರ ಆಸ್ತಿ, ಖಾತೆ ಪುಸ್ತಕ ವಶಪಡಿಸಿಕೊಳ್ಳಲು ಅಧಿಕಾರಿಗಳಿಗೆ ಈ ಮಸೂದೆ ಅನುಮತಿ ನೀಡುತ್ತದೆ. ತೆರಿಗೆದಾರರು ಸಹಕರಿಸದಿದ್ದರೆ ಇಮೇಲ್, ಸಾಮಾಜಿಕ ಮಾಧ್ಯಮಗಳಲ್ಲಿನ ಮಾಹಿತಿ ಪಡೆಯಲು ಪಾಸ್ವರ್ಡ್ಗಳನ್ನು ಬೈಪಾಸ್ ಮಾಡುವುದಕ್ಕೂ ಫೆಬ್ರವರಿ ಮಸೂದೆಯಲ್ಲಿ ಅನುಮತಿಸಲಾಗಿತ್ತು. ಹೊಸ ಮಸೂದೆಯಲ್ಲಿ ಡಿಜಿಟಲ್ ಸ್ಪೇಸ್ ಉಲ್ಲೇಖವಿಲ್ಲದಿದ್ದರೂ, ಕಂಪ್ಯೂಟರ್ ಸಿಸ್ಟೆಮ್ಳ ವ್ಯಾಖ್ಯಾನದಲ್ಲಿ ಇದನ್ನು ಸೇರಿಸಲಾಗಿದೆ. 2026ರ ಏಪ್ರಿಲ್ 1ರಿಂದ ಇದು ಜಾರಿಗೆ ಬಂದರೆ, ತೆರಿಗೆ ಅಧಿಕಾರಿಗಳು ಇಮೇಲ್, ಸಾಮಾಜಿಕ ಮಾಧ್ಯಮ, ಬ್ಯಾಂಕ್ ಖಾತೆಗಳು, ಟ್ರೇಡಿಂಗ್ ವೇದಿಕೆಗಳನ್ನು ಪ್ರವೇಶಿಸಬಹುದು. ಇದು ಗೌಪ್ಯತೆಯ ಬಗ್ಗೆ ಕಳವಳ ಹುಟ್ಟುಹಾಕಿದೆ.
