ಲೋಕ ಅದಾಲತ್​ನಲ್ಲಿ ಹಲವು ಪ್ರಕರಣಗಳು ಸುಖಾಂತ್ಯ

ರಾಣೆಬೆನ್ನೂರ: ಇಲ್ಲಿಯ ತಾಲೂಕು ನ್ಯಾಯಾಲಯದ ಸಭಾಂಗಣದಲ್ಲಿ ಇತ್ತೀಚೆಗೆ ರಾಷ್ಟ್ರೀಯ ಲೋಕ ಅದಾಲತ್​ ನಡೆಯಿತು.

ಇತ್ಯರ್ಥಕ್ಕೆ ಬಾಕಿ ಇರುವ ಪ್ರಕರಣಗಳಲ್ಲಿ ಗುರುತಿಸಲಾದ ಒಟ್ಟು 2273 ಪ್ರಕರಣಗಳಲ್ಲಿ 1689 ಪ್ರಕರಣಗಳು ಇತ್ಯರ್ಥಗೊಂಡಿ-ವೆ. ಅವುಗಳಲ್ಲಿ ಮೋಟರ್​ ವಾಹನ ಕಾಯ್ದೆಗೆ ಸಂಬಂಧಿಸಿದ 192 ಪ್ರಕರಣಗಳು ಮತ್ತು 2 ಕೌಟುಂಬಿಕ ಕಲಹ ಪ್ರಕರಣಗಳನ್ನು ರಾಜೀ ಸಂಧಾನದ ಮೂಲಕ ಇತ್ಯರ್ಥಪಡಿಸಲಾಗಿದೆ.

ಮೋಟರು ವಾಹನ ಕಾಯ್ದೆ, ಕೌಟಂಬಿಕ ಕಲಹ, ಚೆಕ್​ ಬೌನ್ಸ್​, ಆಸ್ತಿ ವಿವಾದ ಸೇರಿ ಮತ್ತಿತರ ಪ್ರಕರಣಗಳಲ್ಲಿಯ ಇತ್ಯರ್ಥಕ್ಕೆ ಬಾಕಿ ಇರುವ ಪ್ರಕರಣಗಳನ್ನು ಇತ್ಯರ್ಥ ಪಡಿಸಲಾಯಿತು ಎಂದು ನ್ಯಾಯಾಧೀಶೆ ಹಾಗೂ ತಾಲೂಕು ಕಾನೂನು ಸೇವಾ ಸಮಿತಿ ಅಧ್ಯಕ್ಷೆ ಹೇಮಲತಾ ಹುಲ್ಲೂರ ತಿಳಿಸಿದರು.

ಜಿಲ್ಲಾ ನ್ಯಾಯಾಧೀಶ ಮಧುಸೂದನ್​ ರಾವ್​ ಮತ್ತು ಹಿರಿಯ ವಕೀಲರು ಹಾಗೂ ಕ್ಷಕಿದಾರರು ಪಾಲ್ಗೊಂಡಿದ್ದರು.