ಸಾಲದ ಕಂತುಗಳ ಹಣ ಸ್ವಂತಕ್ಕೆ ಬಳಸಿಕೊಂಡು ವಂಚನೆ

ಹಾವೇರಿ: ಗ್ರಾಹಕರಿಂದ ಸಾಲದ ಕಂತುಗಳ ಹಣ ವಸೂಲಿ ಮಾಡಿ ಅದನ್ನು ಫೈನಾನ್ಸ್​ಗೆ ತುಂಬದೆ ಸ್ವಂತಕ್ಕೆ ಬಳಸಿಕೊಂಡು ವಂಚಿಸಿದ ಪ್ರಕರಣಕ್ಕೆ ಸಂಬಂಧಿಸಿ ಶಹರ ಪೊಲೀಸ್​ ಠಾಣೆಯಲ್ಲಿ ಭಾನುವಾರ ಪ್ರಕರಣ ದಾಖಲಾಗಿದೆ.

ನಗರದ ಮುತ್ತೂಟ್​ ಮೈಕ್ರೋಪಿನ್​ ಲಿಮಿಟೆಡ್​ನ ರಿಲೇಷನ್ಸಿಪ್​ ಅಧಿಕಾರಿ ಸವಣೂರ ತಾಲೂಕಿನ ಹೂವಿನ ಶಿಗ್ಲಿ ಗ್ರಾಮದ ಮಂಜಪ್ಪ ಫಕ್ಕೀರಪ್ಪ ಕುರಿ (26) ವಂಚಿಸಿರುವ ಆರೋಪಿ.

ಈತನ ವಿರುದ್ಧ ಕಂಪನಿಯ ಪ್ರಾದೇಶಿಕ ವ್ಯವಸ್ಥಾಪಕ ಬಸವರಾಜ ಸಿ.ಎನ್​. ಪೊಲೀಸರಿಗೆ ದೂರು ನೀಡಿದ್ದಾರೆ. ಆರೋಪಿಯು ಮಹಿಳೆಯರಿಗೆ ಅಲ್ಪಾವದಿ ಸಾಲ ಯೋಜನೆ ಉದ್ಯೋಗ ಮತ್ತು ಗೃಹ ಆಧಾರಿತ ವ್ಯಾಪಾರಕ್ಕಾಗಿ ನೀಡಿದ ಸಾಲದ ಹಣದಲ್ಲಿ ಗ್ರಾಹಕರಿಂದ ಮಾಸಿಕ ಕಂತುಗಳ ಮೂಲಕ 4 4 ಲಕ್ಷ ರೂ. ಹಣ ವಸೂಲಿ ಮಾಡಿ ಅದನ್ನು ಕಂಪನಿಗೆ ತುಂಬದೆ ಮೋಸ ಮಾಡಿದ್ದಾನೆ ಎನ್ನಲಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.