ಎಂಎಸ್‌ಪಿಗೆ ಕಾನೂನು ಖಾತ್ರಿ ಒದಗಿಸಲಿ

ಸಿಂಧನೂರು: ಕೃಷಿ ಉತ್ಪನ್ನಗಳ ಎಂಎಸ್‌ಪಿ (ಕನಿಷ್ಠ ಬೆಂಬಲ ಬೆಲೆ)ಗೆ ಕಾನೂನು ಖಾತ್ರಿ ಹಾಗೂ ಪಂಜಾಬ್ ಶಂಭು ಗಡಿಯಲ್ಲಿ ಆಮರಣಾಂತ ಹೋರಾಟವನ್ನು ಗಂಭೀರವಾಗಿ ಪರಿಗಣಿಸಬೇಕೆಂದು ಒತ್ತಾಯಿಸಿ ಆಲ್ ಇಂಡಿಯಾ ಯುನೈಟೆಡ್ ಕಿಸಾನ್ ಸಭಾ (ಎಐಯುಕೆಎಸ್)ಹಾಗೂ ರೈತ ಸಂಘದಿಂದ ಉಪತಹಸೀಲ್ದಾರ್ ಚಂದ್ರಶೇಖರಗೆ ಮನವಿ ಸಲ್ಲಿಸಲಾಯಿತು.

ಎಂಎಸ್‌ಪಿ (ಕನಿಷ್ಠ ಬೆಂಬಲ ಬೆಲೆ)ಗೆ ಕಾನೂನು ಖಾತ್ರಿ ಒದಗಿಸಬೇಕು. ನರೇಗಾ ಯೋಜನೆಯಡಿ ವಾರ್ಷಿಕವಾಗಿ 200 ದಿನ ಕೆಲಸ ಹಾಗೂ 600 ರೂ. ಕೂಲಿ ನಿಗದಿಪಡಿಸಬೇಕು. ಕೃಷಿ ಕಾರ್ಮಿಕರು, ಸಣ್ಣ, ಅತಿ ಸಣ್ಣ ಮತ್ತು ಮಧ್ಯಮ ರೈತರ ಸಂಪೂರ್ಣ ಸಾಲ ಮನ್ನಾ ಮಾಡಬೇಕು. ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ರಂಗದಲ್ಲಿ ನ್ಯಾಯ ಒದಗಿಸಬೇಕು. ಅರಣ್ಯ ಹಕ್ಕು ಕಾಯ್ದೆ 2006 ಅನ್ನು ಸಮಗ್ರವಾಗಿ ಅನಷ್ಠಾನಗೊಳಿಸಬೇಕು. ಭೂರಹಿತರಿಗೆ ಭೂಮಿ, ಹಸಿದವರಿಗೆ ಆಹಾರ, ಮನೆ ಇಲ್ಲದವರಿಗೆ ಮನೆ ಮತ್ತು ಉದ್ಯೋಗವಿಲ್ಲದವರಿಗೆ ಉದ್ಯೋಗ ನೀಡಬೇಕು ಎಂದು ಒತ್ತಾಯಿಸಿದರು.

ತಾಲೂಕು ಕಾರ್ಯದರ್ಶಿ ಯಲ್ಲಪ್ಪ ಭಜಂತ್ರಿ, ಸದಸ್ಯರಾದ ವೆಂಕಟೇಶ ಉದ್ಬಾಳ ಇ.ಜೆ, ಎಂ.ಗಂಗರಾಜ ಶಾಂತಿನಗರ, ಪ್ರಸಾದ ಸುಕಾಲಪೇಟೆ, ನಿಂಗಪ್ಪ ಭೇರಿಗಿ, ಶಾಮಿದ್‌ಸಾಬ್ ಗುಂಜಳ್ಳಿಕ್ಯಾಂಪ್ ಇತರರಿದ್ದರು.