ಜನಸಾಮಾನ್ಯರ ದೈನಂದಿನ ಬಳಕೆಯ ಅನೇಕ ವಸ್ತುಗಳು ಶೂನ್ಯ ತೆರಿಗೆ ವ್ಯಾಪ್ತಿಯಲ್ಲಿವೆ. ಆರೋಗ್ಯ ಮತ್ತು ಜೀವವಿಮೆ, ನೋಟ್ಬುಕ್, ಚಾರ್ಟ್ ಇತ್ಯಾದಿ ಕೂಡ ಈಗ ಈ ವ್ಯಾಪ್ತಿಗೆ ಬಂದಿವೆ. ಪ್ಯಾಕ್ಡ್ ಆಹಾರ ವಸ್ತುಗಳು ಶೇ.5ರ ತೆರಿಗೆಗೆ ಒಳಪಡುತ್ತವೆ. ದೂರಸಂಪರ್ಕ ಸೇವೆ, ಹಣಕಾಸು ಸೇವೆಗಳು, ಟಿವಿ, ವಾಷಿಂಗ್ ಮಷಿನ್, ಲ್ಯಾಪ್ಟಾಪ್ ಮಂತಾದ ಎಲೆಕ್ಟ್ರಾನಿಕ್ ವಸ್ತುಗಳು ಶೇ.18ರ ತೆರಿಗೆ ಪರಿಧಿಯಲ್ಲಿ ಬಂದಿವೆ. ಐಷಾರಾಮಿ ಕಾರುಗಳು ಹಾಗೂ ತಂಬಾಕು ಉತ್ಪನ್ನಗಳಂತಹ ಕೆಲವು ವಸ್ತು ಮಾತ್ರ ಶೇ.40ರ ವಿಶೇಷ ತೆರಿಗೆ ವ್ಯಾಪ್ತಿಯಲ್ಲಿ ಬಂದಿವೆ. ಇದರ ಜತೆಗೆ, ಜಿಎಸ್ಟಿ ಫೈಲಿಂಗ್ ಪ್ರಕ್ರಿಯೆಯನ್ನು ಸರಳೀಕರಣಗೊಳಿಸಲಾಗಿದೆ. ಇದರಿಂದ ವ್ಯವಹಾರಸ್ಥರಿಗೆ ಅನುಕೂಲವಾಗುತ್ತದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ.
