ನಿವೃತ್ತ ನೌಕರರು ಮಾನವೀಯ ಸಂಬಂಧ ಗಟ್ಟಿಗೊಳಿಸಿಕೊಳ್ಳಲಿ

ಪಟ್ಟಣದ ರಾಜ್ಯ ಸರ್ಕಾರಿ ನೌಕರರ ಸಂಘದ ಆವರಣದಲ್ಲಿ ಬುಧವಾರ ಆಯೋಜಿಸಿದ್ದ ನಿವೃತ್ತ ನೌಕರರ ದಿನಾಚರಣೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಸರ್ಕಾರಿ ಸೇವೆಯಿಂದ ನಿವೃತ್ತರಾದ ನಂತರವೂ ಸಮಾಜಮುಖಿಯಾಗಿರಬೇಕು. ಇರುವಂತಹ ಸಮಯವನ್ನು ವ್ಯರ್ಥ ಮಾಡದೇ ಯಾವುದಾದರು ಸೇವಾ ಕಾರ್ಯಕ್ಕೆ ಸದ್ಬಳಕೆ ಮಾಡಿಕೊಳ್ಳಬೇಕು ಎಂದರು.

ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಎಂ.ವಿ.ಶಿವಶಂಕರ ಮೂರ್ತಿ ಸಂಘದ ಸಭೆಯಲ್ಲಿ ನಿರ್ಣಯ ಮಾಡಿ ನಿವೃತ್ತ ನೌಕರರ ಸಂಘಕ್ಕೆ ಕಟ್ಟಡ ಕಟ್ಟಿಕೊಳ್ಳಲು ಜಾಗ ನೀಡಿದ್ದಾರೆ. ತಾಂತ್ರಿಕ ಸಮಸ್ಯೆಯಿಂದ ನೋಂದಣಿ ಆಗುತ್ತಿಲ್ಲವಾದರೂ ಕಟ್ಟಡ ಕಟ್ಟಲು ಯಾವುದೇ ತೊಂದರೆ ಇಲ್ಲ. ಸಚಿವ ಮಹದೇವಪ್ಪ ಹಾಗೂ ಸಂಸದ ಸುನೀಲ್ ಬೋಸ್ ಅವರು ಕಟ್ಟಡ ಕಟ್ಟಲು ಅನುದಾನ ನೀಡುವ ಭರವಸೆ ನೀಡಿದರೆ, ವಿಧಾನಪರಿಷತ್ ಸದಸ್ಯ ಯತೀಂದ್ರ ಸಿದ್ದರಾಮಯ್ಯ ಕಟ್ಟಡ ನಿರ್ಮಿಸಿಕೊಡುವ ಭರವಸೆ ನೀಡಿದ್ದಾರೆ. ಸಂಘದ ಪ್ರತಿಯೊಬ್ಬ ಸದಸ್ಯರೂ ತಮ್ಮ ಕೈಲಾದ ಧನ ಸಹಾಯ ಕೂಡ ಮಾಡಬೇಕು. ಹಣಕಾಸಿನ ಸಹಾಯ ಮಾಡಿದರಷ್ಟೇ ನಮಗೆ ಉಳಿಯಲು ನೆಲೆ ಸಿಗಲಿದೆ ಎಂದು ಎಸ್.ವೆಂಕಟರಮಣಸ್ವಾಮಿ ತಿಳಿಸಿದರು.

ಹಿರಿಯ ನಿವೃತ್ತ ನೌಕರರನ್ನು ಸನ್ಮಾನಿಸಿ ಗೌರವಿಸಲಾಯಿತು. ಸಂಘದ ಅಧ್ಯಕ್ಷ ಡಾ.ಎಂ.ಮಹದೇವಯ್ಯ, ಉಪಾಧ್ಯಕ್ಷರಾದ ಎಂ.ಆರ್.ಪ್ರಭಾಮಣಿ, ಎಸ್.ಶಿವಣ್ಣ, ಖಜಾಂಚಿ ಜೆ.ಸಿದ್ದೇಗೌಡ, ಸಹ ಕಾರ್ಯದರ್ಶಿ ಎಂ.ಗೋವಿಂದರಾಜು, ಸಂಘಟನಾ ಕಾರ್ಯದರ್ಶಿ ಕೆ.ವೀರಯ್ಯ, ಲೆಕ್ಕ ಪರಿಶೋಧಕ ಕೆ.ಕೆಂಚಪ್ಪ, ನಿರ್ದೇಶಕರಾದ ಟಿ.ಕೆ.ಬಸವರಾಜು, ಬೋರಯ್ಯ, ಸಿ.ಲಿಂಗಯ್ಯ, ಎಂ.ಜವನಯ್ಯ, ಕೆ.ಕಲ್ಲಯ್ಯ, ಆರ್.ರಂಗದಾಸಯ್ಯ, ಸೋಸಲೆ ಮಹದೇವಶೆಟ್ಟಿ, ತಿರುಮಕೂಡಲು ನಾಗೇಶ್ ಗೌಡ ಹಾಗೂ ಸಂಘದ ಸದಸ್ಯರು ಇದ್ದರು.