ತಡರಾತ್ರಿ ಕರ್ಕಶ ಶಬ್ದ ಮಾಡಿದ ಐಷಾರಾಮಿ ಕಾರು ಜಪ್ತಿ!

ಬೆಂಗಳೂರು: ನಗರದಲ್ಲಿ ತಡರಾತ್ರಿ 2.9 ಕೋಟಿ ರೂಪಾಯಿ ಮೌಲ್ಯದ ಫೋರ್ಶ್​ ಕಾರಿನಲ್ಲಿ ಜಾಲಿರೈಡ್​ ಮಾಡಿದ ಚಾಲಕನನ್ನು ಬಂಧಿಸಿ, ಕಾರನ್ನು ಜಪ್ತಿ ಮಾಡಲಾಗಿದೆ.

ಶನಿವಾರ (ಜು. 25) ತಡರಾತ್ರಿ 2.20ರಲ್ಲಿ ಟಿ. ಚೌಡಯ್ಯ ರಸ್ತೆಯಲ್ಲಿ ಬಿಡಿಎ ಸೇತುವೆ ಕಡೆಯಿಂದ ಹೈಗ್ರೌಂಡ್ಸ್​ ಜಂಕ್ಷನ್​ ಕಡೆಗೆ ಪಿವೈ-05, ಜೆ-8028 ನೋಂದಣಿ ಫಲಕ ಹೊಂದಿದ್ದ ಕಾರು ಅತಿವೇಗವಾಗಿ ಕರ್ಕಶ ಶಬ್ದ ಮಾಡುತ್ತ ಸಂಚರಿಸಿತ್ತು. ಇದರಿಂದಾಗಿ ಇತರ ವಾಹನ ಸವಾರರು ಹಾಗೂ ಚಾಲಕರಿಗೆ ಭಯ ಉಂಟಾಗಿತ್ತು. ಸ್ಥಳದಲ್ಲಿಯೇ ಕರ್ತವ್ಯ ನಿರ್ವಹಿಸುತ್ತಿದ್ದ ಪೇದೆ ಮಂಜುನಾಥ್​, ಕಾರಿನ ನೋಂದಣಿ ಸಂಖ್ಯೆ ಬರೆದುಕೊಂಡು ದೂರು ದಾಖಲಿಸಿದ್ದರು.

ಇದನ್ನೂ ಓದಿರಿ ಗ್ರಾಹಕರ ಖಾತೆಗೆ ಬ್ಯಾಂಕ್​ ನೌಕರನಿಂದಲೇ ಕನ್ನ!

ಕಾರಿನ ನೋಂದಣಿ ಸಂಖ್ಯೆ ಆಧರಿಸಿ ಸೋಮವಾರ (ಜು.27) ಹೈಗ್ರೌಂಡ್ಸ್​ ಸಂಚಾರ ಪೊಲೀಸರು 2.9 ಕೋಟಿ ರೂ. ಮೌಲ್ಯದ ಫೋರ್ಶ್​ ಕಾರನ್ನು ಜಪ್ತಿ ಮಾಡಿದ್ದಾರೆ. ಕಾರು ಚಾಲಕ ಹರಿ ಎಂಬಾತನನ್ನು ಬಂಧಿಸಲಾಗಿದೆ.

ವೆಂಕಟಮ್ಮ ಎಂಟರ್​ ಪ್ರೈಸಸ್​ ಹೆಸರಿನಲ್ಲಿ ಕಾರು ಖರೀದಿ ಮಾಡಲಾಗಿದೆ. ಮೋಟಾರು ವಾಹನ ಕಾಯ್ದೆಯಡಿ ಪ್ರಕರಣ ದಾಖಲಿಸಿ ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿತ್ತು. ದಂಡ ವಿಧಿಸಿ ನ್ಯಾಯಾಲಯ ತೀರ್ಪು ನೀಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

https://www.vijayavani.net/dr-k-sudhakar-said-action-against-private-hospital/