ಲಾಲು ಪ್ರಸಾದ್ ಕಿಡ್ನಿ ಸಮಸ್ಯೆ ತೀವ್ರ: ಶೇ. 25ರಷ್ಟು ಮಾತ್ರ ಕಾರ್ಯ

ರಾಂಚಿ: ಮೇವು ಹಗರಣದಲ್ಲಿ ಜೈಲು ಶಿಕ್ಷೆ ಅನುಭವಿಸುತ್ತಿರುವ ಬಿಹಾರದ ಮಾಜಿ ಮುಖ್ಯಮಂತ್ರಿ, ಆರ್​ಜೆಡಿ ನಾಯಕ ಲಾಲು ಪ್ರಸಾದ್ ಯಾದವ್ ಆರೋಗ್ಯ ಹದಗೆಡುತ್ತಿದೆ.

ಲಾಲು ಪ್ರಸಾದ್​ ಅವರ ಮೂತ್ರಪಿಂಡ (ಕಿಡ್ನಿ) ಶೇ. 25ರಷ್ಟು ಮಾತ್ರ ಕಾರ್ಯನಿರ್ವಹಿಸುತ್ತದೆ ಎಂದು ರಾಂಚಿಯ ರಿಮ್ಸ್​ ಆಸ್ಪತ್ರೆಯ ವೈದ್ಯರು ಶನಿವಾರ ತಿಳಿಸಿದೆ.

ಲಾಲು 20 ವರ್ಷದಿಂದ ಮಧುಮೇಹದಿಂದ ಬಳಲುತ್ತಿದ್ದಾರೆ. ಇದು ಅವರ ಅಂಗಗಳ ಮೇಲೆ ತೀವ್ರಗತಿಯಲ್ಲಿ ವ್ಯತಿರಿಕ್ತ ಪರಿಣಾಮ ಬೀರುತ್ತಿದೆ. ಯಾವಾಗ ಬೇಕಾದರೂ ಅವರ ಆರೋಗ್ಯ ಚಿಂತಾಜನಕವಾಗಬಹುದು ಎಂದಿದ್ದಾರೆ.

ಇದನ್ನೂ ಓದಿ: VIDEO| ರೆಡ್​ ಲೈಟ್​ ಇದ್ರೂ ಸಿಗ್ನಲ್​ ಜಂಪ್​: ಬೆಳ್ಳಂಬೆಳಗ್ಗೆ ಟೆಕ್ಕಿ ಸೇರಿ ಐವರು ಯುವಕರ ಸಾವು

ಕ್ಷೀಣಿಸುತ್ತಿರುವ ಅಂಗಗಳ ಕ್ಷಮತೆಯನ್ನು ಯಾವ ಔಷಧದಿಂದಲೂ ಸರಿಪಡಿಸಲಾಗದ ಕಾರಣ ಅವರನ್ನು ಬೇರೆ ಆಸ್ಪತ್ರೆಗೆ ವರ್ಗಾಯಿಸುವುದರಿಂದ ಹೆಚ್ಚಿನ ಪ್ರಯೋಜನ ಆಗುವುದಿಲ್ಲ. ಆದರೆ, ಈ ಕುರಿತ ನಿರ್ಧಾರವನ್ನು ಕೋರ್ಟ್ ಮತ್ತು ಸರ್ಕಾರ ಕೈಗೊಳ್ಳಬೇಕು ಎಂದು ಡಾ. ಉಮೇಶ್ ಪ್ರಸಾದ್ ಹೇಳಿದ್ದಾರೆ.

https://www.vijayavani.net/vidyamana-by-raveendra-deshamukh-13-december-2020/