ಟ್ರಸ್ಟ್ಗೆ ಒಳಪಡುವ ಭೂಮಿಯಲ್ಲಿ ನಿರ್ಮಿಸಲಾದ ಈದ್ಗಾವನ್ನು ಅಕ್ರಮ ಎಂದು ಘೋಷಿಸಿ, ಮಸೀದಿಯನ್ನು ಕೆಡವಿ ಹಾಕಬೇಕು. ಸಂಪೂರ್ಣ ಭೂಮಿಯನ್ನು ಅದರ ಮೂಲ ಮಾಲೀಕ ಭಗವಾನ್ ಶ್ರೀಕೃಷ್ಣ ವಿರಾಜಮಾನರಿಗೆ ಹಸ್ತಾಂತರಿಸುವಂತೆ ನ್ಯಾಯಾಲಯಕ್ಕೆ ಮನವಿ ಮಾಡಲಾಗಿದೆ. ನ್ಯಾಯಾಲಯದ ಮೇಲ್ವಿಚಾರಣೆಯಲ್ಲಿ ವಿವಾದಿತ ಸ್ಥಳದಲ್ಲಿ ಉತ್ಖನನ ನಡೆಸಿ, ತನಿಖಾ ವರದಿ ಸಲ್ಲಿಸುವಂತೆಯೂ ಅರ್ಜಿದಾರರು ಒತ್ತಾಯಿಸಿದ್ದಾರೆ. ಮಸೀದಿ ನಿರ್ಮಾಣ ಮಾಡಿದ ಸ್ಥಳದಲ್ಲಿ ಮಥುರಾದ ರಾಜ ಕಂಸನು ನಿರ್ಮಾಣ ಮಾಡಿದ್ದ ಜೈಲು ವಿಸ್ತರಣೆಗೊಂಡಿರುವುದಲ್ಲದೆ, ಈಗಲೂ ಅಸ್ತಿತ್ವದಲ್ಲಿದೆ. ಇದು ಉತ್ಖನನ ಮೂಲಕ ಸಾಬೀತಾಗಲಿದೆ ಎಂದು ವಿವರಿಸಲಾಗಿದೆ. ವಿವಾದದ ಕುರಿತು ವಿವಿಧ ನ್ಯಾಯಾಲಯಗಳಲ್ಲಿ ಹಲವು ಅರ್ಜಿಗಳು ಸಲ್ಲಿಕೆಯಾಗಿವೆ.
