ಶ್ರೀಕೃಷ್ಣನ ಆವಾಸ ಸ್ಥಾನ ಇದೆ ಅನ್ನುವುದಕ್ಕಾಗಿ ಗೋಕುಲಕ್ಕೆ ಉತ್ಕರ್ಷ. ಶ್ರೀಕೃಷ್ಣ ಇದ್ದ ಮೇಲೆ ಲಕ್ಷ್ಮೀದೇವಿಯೂ ಅಲ್ಲಿಯೇ ವಾಸಮಾಡಿದ್ದಾಳೆ. ಲಕ್ಷ್ಮೀ ದೇವಿ ಇದ್ದ ಮೇಲೆ ಸಂಪತ್ತು, ಕೀರ್ತಿ ಎಲ್ಲವೂ ಗೋಕುಲದಲ್ಲಿ ನೆಲೆಸಿದೆ. ‘ನಿಜವಾದ ಅಮೃತತ್ತ್ವವನ್ನು ನೀಡುವ ನಿನ್ನ ಕೈಗಳನ್ನು ಲಕ್ಷ್ಮೀದೇವಿಯವರು ತಮ್ಮ ತಲೆಯ ಮೇಲೆ ಇಟ್ಟುಕೊಳ್ಳುತ್ತಾರೆ. ಆ ಕೈ ಸಮಸ್ತ ಜಗತ್ತಿಗೆ ಮೋಕ್ಷವನ್ನು ಕೊಡುತ್ತದೆ. ಅಂತಹ ಕೈಗಳಿಂದ ನಮ್ಮ ಸಂಸಾರ ಭಯವನ್ನು ಪರಿಹಾರ ಮಾಡು. ನಾವು ಕ್ಷುದ್ರ ಕಾಮನೆಯಿಂದ ನಿಮ್ಮನ್ನು ಭಜಿಸಿದವರಲ್ಲ. ನಾವು ಅಪ್ಸರಾಸ್ತ್ರೀಯರು. ನೀನು ಸವೋತ್ತಮ, ನಿನ್ನ ಅನುಗ್ರಹದಿಂದ ನಮಗೆ ಈ ಸಂಸಾರ ಭಯ ಹೋಗಬೇಕು. ನಿನ್ನ ಕಥೆಯನ್ನು ಕೇಳಿದರೆ ಸಾಕು ಎಲ್ಲ ಕಷ್ಟಗಳು ಸುಟ್ಟು ಹೋಗುತ್ತವೆ. ಸಂಸಾರದ ಭಯಗಳು ದೂರವಾಗುತ್ತವೆ. ಅಂತಹ ನಿನ್ನ ಕಥೆಯನ್ನು ನಿರಂತರ ಕೇಳುವಂತೆ ಅನುಗ್ರಹವನ್ನು ಮಾಡು ಎಂದು ಬೇಡಿಕೊಂಡರು.
