ಕೇಂದ್ರ ಸರ್ಕಾರದ ಐಟಿ ನಿಯಮ ಪಾಲಿಸಿ, ಮಾದರಿಯಾದ 'ಕೂ'

ನವದೆಹಲಿ : ಭಾರತೀಯ ಮೈಕ್ರೊಬ್ಲಾಗಿಂಗ್ ಮತ್ತು ಸೋಷಿಯಲ್ ನೆಟ್​ವರ್ಕಿಂಗ್ ಆ್ಯಪ್​ ಆದ 'ಕೂ', ಕೇಂದ್ರ ಸರ್ಕಾರ ರೂಪಿಸಿರುವ ಹೊಸ ಐಟಿ ನಿಯಮಗಳ ಪ್ರಕಾರ ಕಂಪ್ಲೈಯನ್ಸ್​ ರಿಪೋರ್ಟ್​ ಸಲ್ಲಿಸಿರುವ ಮೊದಲ ಸಾಮಾಜಿಕ ಮಾಧ್ಯಮ ವೇದಿಕೆಯಾಗಿ ಹೊರಹೊಮ್ಮಿದೆ.

ಹೊಸ ಐಟಿ ನಿಯಮಗಳ ಪ್ರಕಾರ ಭಾರತದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪ್ರತಿಯೊಂದು ಸಾಮಾಜಿಕ ಮಾಧ್ಯಮ ವೇದಿಕೆಯೂ ಭಾರತದಲ್ಲೇ ವಾಸಿಸುವ ಗ್ರೀವೆನ್ಸ್​ ಆಫೀಸರ್​ಗಳನ್ನು ನೇಮಕ ಮಾಡಬೇಕು ಮತ್ತು ಬಳಕೆದಾರರ ದೂರುದುಮ್ಮಾನಗಳನ್ನು ಇತ್ಯರ್ಥಪಡಿಸಿ ವರದಿ ನೀಡಬೇಕು ಎನ್ನಲಾಗಿದೆ.

ಇದನ್ನೂ ಓದಿ: ಯಲಹಂಕ ಕೋವಿಡ್​ ಆಸ್ಪತ್ರೆಗೆ ಸಚಿವೆ ನಿರ್ಮಲಾ ಸೀತಾರಾಮನ್‌ ಭೇಟಿ

ಕೂ ಆ್ಯಪ್​ ಈ ನಿಯಮಗಳನ್ನು ಪಾಲಿಸಿದ್ದು, ಜೂನ್​ 2021 ರ ವರದಿಯನ್ನು ಸಲ್ಲಿಸಿದೆ. ಜೂನ್​ ತಿಂಗಳಲ್ಲಿ 5,502 ಕೂ(ಸಂದೇಶ)ಗಳ ಬಗ್ಗೆ ಸಮುದಾಯದಿಂದ ದೂರುಗಳು ಬಂದಿವೆ. ಅವುಗಳಲ್ಲಿ ಶೇ. 22.7 ರಷ್ಟು ಅಂದರೆ 1,253 ಕೂಗಳನ್ನು ತೆಗೆದುಹಾಕಲಾಗಿದೆ. ಉಳಿದ 4,249 ಕೂಗಳ ವಿಚಾರದಲ್ಲಿ ಇತರ ಸೂಕ್ತ ಕ್ರಮ ಕೈಗೊಳ್ಳಲಾಗಿದೆ ಎಂದು ಕಂಪೆನಿಯ ವರದಿ ತಿಳಿಸಿದೆ. (ಏಜೆನ್ಸೀಸ್)

https://www.vijayavani.net/9-european-countries-give-green-pass-to-people-who-have-taken-covishield-vaccine/

https://www.vijayavani.net/bride-swirls-around-sword-and-sticks/