ಇದು ಕೋಮುಗಲಭೆ ಸೃಷ್ಟಿಸುವ ಯೋಜನೆ; ಲಾಲೆಟ್ಟನ್ ನಡೆಗೆ ಸಚಿವ ವಿ.ಅಬ್ದುರಹಿಮಾನ್ ಸ್ಪಷ್ಟನೆ | V Abdurahiman

ತಿರುವನಂತಪುರಂ: ಇತ್ತೀಚೆಗೆ ಮಲಯಾಳಂ ಸೂಪರ್‌ಸ್ಟಾರ್ ಮೋಹನ್ ಲಾಲ್(Mohanlal) ತಮ್ಮ ಸಹ ನಟ ಮಮ್ಮುಟ್ಟಿಗಾಗಿ ಶಬರಿಮಲೆಯಲ್ಲಿ ಪೂಜೆ ಸಲ್ಲಿಸಿದ್ದು ಗೊತ್ತೆ ಇದೆ. ಮೋಹನ್​ ಲಾಲ್​ ಅವರ ಈ ನಡೆಗೆ ವಿವಾದ ಸೃಷ್ಟಿಯಾಗುತ್ತಿದ್ದಂತೆ ಕೇರಳ ಅಲ್ಪಸಂಖ್ಯಾತ ಕಲ್ಯಾಣ ಸಚಿವ ವಿ.ಅಬ್ದುರಹಿಮಾನ್( V Abdurahiman) ಪ್ರತಿಕ್ರಿಯಿಸಿದ್ದಾರೆ. ಈ ವಿಚಾರದಲ್ಲಿ ಕೆಲವು ವ್ಯಕ್ತಿಗಳು ಕೋಮು ವಿಷವನ್ನು ಹರಡುತ್ತಿದ್ದಾರೆ ಎಂದು ಹೇಳಿದರು.

ಇದನ್ನು ಓದಿ: ಮಮ್ಮುಟ್ಟಿಗಾಗಿ ಶಬರಿಮಲೆಯಲ್ಲಿ ಪೂಜೆ.. ವಿವಾದಕ್ಕೆ ಕಾರಣವಾಯ್ತು ನಟ ಮೋಹನ್​ ಲಾಲ್​ ನಡೆ; ಲಾಲೆಟ್ಟನ್ ಕೊಟ್ಟ ಸ್ಪಷ್ಟನೆ ಹೀಗಿದೆ.. | Mohanlal

ಮೋಹನ್ ಲಾಲ್ ಅವರ ಕೊಡುಗೆಗೆ ಸಂಬಂಧಿಸಿದಂತೆ ಸಂಕುಚಿತ ಮನಸ್ಸಿನ ಮತ್ತು ಅನಾಗರಿಕ ಹೇಳಿಕೆಗಳನ್ನು ನೀಡಿದವರು ಸಾರ್ವಜನಿಕರಲ್ಲಿ ಕ್ಷಮೆಯಾಚಿಸಬೇಕು ಎಂದು ಅಬ್ದುರಹಿಮಾನ್ ಒತ್ತಾಯಿಸಿದ್ದಾರೆ. ಕೇರಳ ಎತ್ತಿಹಿಡಿದ ಜಾತ್ಯತೀತತೆಯ ಸಾರವನ್ನು ಅರ್ಥಮಾಡಿಕೊಳ್ಳಲು ವಿಫಲರಾಗಿ ಬೇಜವಾಬ್ದಾರಿಯಿಂದ ಇಂತಹ ಹೇಳಿಕೆಗಳನ್ನು ನೀಡುವವರು ರಾಜ್ಯಕ್ಕೆ ಅವಮಾನ ಎಂದು ತಿಳಿಸಿದ್ದಾರೆ.

ಧಾರ್ಮಿಕ ವಿದ್ವಾಂಸರು ಇಂತಹ ಅಪಾಯಕಾರಿ ನಿಲುವುಗಳನ್ನು ತಿರಸ್ಕರಿಸಲು ಮುಂದೆ ಬರಬೇಕು. ಈ ಹೇಳಿಕೆಗಳು ಸಾರ್ವಜನಿಕರ ಮುಂದೆ ಒಂದು ನಿರ್ದಿಷ್ಟ ಧರ್ಮವನ್ನು ದೂಷಿಸುವ ಉದ್ದೇಶವನ್ನು ಹೊಂದಿವೆ. ಇಂತಹ ವಿವಾದಗಳು ಕೇರಳ ಸಮಾಜದಲ್ಲಿ ಕೋಮು ಧ್ರುವೀಕರಣದ ಗುಪ್ತ ಕಾರ್ಯಸೂಚಿಯನ್ನು ಬಲಪಡಿಸಲು ಮಾತ್ರ ಸಹಾಯ ಮಾಡುತ್ತದೆ. ಧರ್ಮಗಳು ಉತ್ತೇಜಿಸುವ ಮಾನವೀಯತೆ ಮತ್ತು ಭ್ರಾತೃತ್ವದ ಸಾರವನ್ನು ಗ್ರಹಿಸಲು ವಿಫಲರಾದವರ ಅಬ್ಬರದ ಮಾತುಗಳ ವಿರುದ್ಧ ಜನರು ಜಾಗರೂಕರಾಗಿರಬೇಕು ಎಂದು ಅವರು ಹೇಳಿದರು.

ಇತ್ತೀಚೆಗೆ ಮಹಿಳೆಯೊಬ್ಬಳು ತನ್ನ ಮಕ್ಕಳೊಂದಿಗೆ ಮುನ್ನಾರ್‌ಗೆ ಪ್ರವಾಸಕ್ಕೆ ಹೋಗುವುದನ್ನು ಧಾರ್ಮಿಕ ಮುಖಂಡರು ಟೀಕಿಸುವುದನ್ನು ನೋಡಿದ್ದೇವೆ, ಅದು ದೊಡ್ಡ ಪಾಪ ಎಂದು ಪರಿಗಣಿಸಿದ್ದಾರೆ. ವಿದ್ಯಾರ್ಥಿಗಳು ಅಧ್ಯಯನ ಪ್ರವಾಸಗಳಿಗೆ ಹೋಗುವುದನ್ನು ತಡೆಯುವ ಪ್ರಯತ್ನಗಳು ಸಹ ನಡೆದಿವೆ. ಅಂತಹ ಯಾವುದೇ ಪ್ರತಿಗಾಮಿ ನಡೆಗಳನ್ನು ವಿರೋಧಿಸಬೇಕು ಎಂದು ಅವರು ಹೇಳಿದರು.(ಏಜೆನ್ಸೀಸ್​)

https://www.vijayavani.net/actor-vishnu-manchu-reveals-mohanlal-prabhass-fee-for-cameos-in-kannappa