ಚೀನಾ ಬಳಿಕ ಚರಿತ್ರೆ ಸೃಷ್ಟಿಸಿದ ಕೇರಳ! ಇದು ಮಾನವ ವಿಜಯ ಎಂದ CM ಪಿಣರಾಯಿ ವಿಜಯನ್

ಕೇರಳ: ತೀವ್ರ ಬಡತನ ನಿರ್ಮೂಲನೆ ಮಾಡಿದ ದೇಶದ ಮೊದಲ ರಾಜ್ಯವಾಗಿ ಕೇರಳ ಇದೀಗ ಇತಿಹಾಸ ಸೃಷ್ಠಿಸಿದೆ. ಈ ವಿಚಾರದಲ್ಲಿ ಚೀನಾ ಬಳಿಕ ಕೇರಳ ಇಂತಹ ಸಾಧನೆ ಮಾಡಿದ ಎರಡನೇ ಪ್ರದೇಶವಾಗಿದೆ. ಇದನ್ನು ಸ್ವತ ಕೇರಳ CM ಪಿಣರಾಯಿ ವಿಜಯನ್ ಶನಿವಾರ ಅಧಿಕೃತ ಘೋಷಣೆ ಮಾಡಿದ್ದಾರೆ.

ಇದನ್ನೂ ಓದಿ:ನನ್ನ ತಾಳ್ಮೆ ಪರೀಕ್ಷಿಸಬೇಡಿ; ಮಿತ್ರ ಪಕ್ಷ ಎಐಎಡಿಎಂಕೆ ವಿರುದ್ಧ ಮತ್ತೆ ಗುಡುಗಿದ ಕೆ.ಅಣ್ಣಾಮಲೈ| K. Annamalai

ಇದು ಕೇವಲ ಅಂಕಿಅಂಶಗಳ ವಿಷಯವಲ್ಲ. ಮಾನವ ವಿಜಯ ಎಂದು ಶನಿವಾರ ನಡೆದ ವಿಧಾನಸಭೆಯ ವಿಶೇಷ ಅಧಿವೇಶನದಲ್ಲಿ ಪಿಣರಾಯಿ ವಿಜಯನ್ ಘೋಷಿಸಿದರು.

ಬಡತನ ನಿರ್ಮೂಲನೆ ಮಾಡಿದ್ದೇಗೆ?

2021ರಲ್ಲಿ, ಸರ್ಕಾರವು ತನ್ನ ಮೊದಲ ಸಚಿವ ಸಂಪುಟ ಸಭೆಯಲ್ಲಿ "ತೀವ್ರ ಬಡತನ ನಿರ್ಮೂಲನೆ" ಗುರಿಯನ್ನು ಹೊಂದಲು ನಿರ್ಧರಿಸಿತು. ಇದರ ಪರಿಣಾಮವಾಗಿ, 4 ಲಕ್ಷ ಗಣತಿದಾರರು ರಾಜ್ಯಾದ್ಯಂತ ತೀವ್ರ ಬಡತನದಲ್ಲಿ ವಾಸಿಸುತ್ತಿರುವ 1,03,099 ಜನರನ್ನು ಗುರುತಿಸಿದರು. ಪ್ರತಿ ಕುಟುಂಬಕ್ಕೂ ಪ್ರತ್ಯೇಕ ಸೂಕ್ಷ್ಮ ಯೋಜನೆಯನ್ನು ಸಿದ್ಧಪಡಿಸಲಾಯಿತು ಮತ್ತು ಅದನ್ನು ಕುಟುಂಬಶ್ರೀ (ಕುಟುಂಬ ಕಲ್ಯಾಣ), ಸ್ಥಳೀಯ ಸಂಸ್ಥೆಗಳು ಮತ್ತು ಸಮಾಜ ಕಲ್ಯಾಣ ಇಲಾಖೆಯಿಂದ ಜಾರಿಗೆ ತರಲಾಯಿತು. ಈ ಮೂಲಕ ಬಡತನ ನಿರ್ಮೂಲನೆ ಮಾಡುವುದಕ್ಕೆ ಸಹಾಯವಾಯಿತು ಎಂದು ವರದಿ ಉಲ್ಲೇಖಿಸಿದೆ.

ಚೀನಾದ ಬಳಿಕ ಕೇರಳ ಸಾಧನೆ

ಚೀನಾದ ನಂತರ, ಕೇರಳವು ತೀವ್ರ ಬಡತನವನ್ನು ನಿರ್ಮೂಲನೆ ಮಾಡಿದ ಪ್ರದೇಶವಾಗಿದೆ. ಇದನ್ನು ವಿಶ್ವ ಬ್ಯಾಂಕ್, ಯುಎನ್‌ಡಿಪಿ ಮತ್ತು ಚೀನಾ ಸರ್ಕಾರದ ವರದಿಗಳು ಗುರುತಿಸಿವೆ. ಚೀನಾ ನಂತರ, ಈಗ ಕೇರಳ ಆ ಸಾಧನೆಯನ್ನು ಸಾಧಿಸಿದೆ ಎಂಬುದು ಗಮನಾರ್ಹ. ಈ ಸಂದರ್ಭದಲ್ಲಿ ಕೇರಳವು ಪ್ರತಿಯೊಬ್ಬ ವ್ಯಕ್ತಿಯು ಆಹಾರ, ವಸತಿ, ಆರೋಗ್ಯ ಮತ್ತು ಶಿಕ್ಷಣದಂತಹ ಮೂಲಭೂತ ಅಗತ್ಯಗಳನ್ನು ಪಡೆಯುತ್ತಿದೆ ಎಂದು ಘೋಷಿಸಿತು.

ಅಲ್ಲದೆ, ಕೇರಳವು ಭಾರತದಲ್ಲಿ ಶೇ.100 ರಷ್ಟು ಸಾಕ್ಷರತೆಯನ್ನು ಸಾಧಿಸಿದ ಮೊದಲ ರಾಜ್ಯವಾಗಿದೆ. ಇದು ದೇಶದ ಮೊದಲ ಡಿಜಿಟಲ್ ಸಾಕ್ಷರ ರಾಜ್ಯ ಮತ್ತು ಮೊದಲ ಸಂಪೂರ್ಣ ವಿದ್ಯುತ್ ಸಂಪರ್ಕ ಹೊಂದಿದ ರಾಜ್ಯವಾಗಿದೆ. ಈಗ, ಇದು ತೀವ್ರ ಬಡತನವನ್ನು ನಿರ್ಮೂಲನೆ ಮಾಡಿದ ಭಾರತದ ಮೊದಲ ರಾಜ್ಯವಾಗಿದೆ.(ಏಜೆನ್ಸೀಸ್​)

https://www.vijayavani.net/change-delhis-name-to-indraprastha-bjp-mps-letter-to-amit-shah