ಕತ್ರಿನಾ ಕೈಫ್ ಇವ್ರ ಮನೆ ದೇವತೆ! 11 ವರ್ಷಗಳಿಂದ ಪ್ರತಿ ದಿನ ನಟಿಗೆ ಪೂಜೆ ಮಾಡ್ತಾರೆ ದಂಪತಿ

ಮುಂಬೈ: ಪ್ರೇಕ್ಷಕರು ತಮ್ಮ ನೆಚ್ಚಿನ ನಾಯಕಿಯರ  ಮೂರ್ತಿಯನ್ನಾಗಿ ಮಾಡಿರುವ ಅನೇಕ ಉದಾಹರಣೆಗಳಿವೆ. ಖುಷ್ಬೂ, ನಮಿತಾ, ನಿಧಿ ಅಗರ್ವಾಲ್, ಸಮಂತಾ ಹೀಗೆ ಹಲವು ನಾಯಕಿಯರು ದೇವಿಯರಂತೆ ಪೂಜಿಸುತ್ತಾರೆ. ಇತ್ತೀಚೆಗೆ, ದಂಪತಿ ಬಾಲಿವುಡ್ ಬೆಡಗಿ ಕತ್ರಿನಾ ಕೈಫ್ ಅವರನ್ನು ನಿಯಮಿತವಾಗಿ ಪೂಜೆ ಮಾಡುತ್ತಿದ್ದಾರೆ.

ಬಾಲಿವುಡ್​​ನಲ್ಲಿ ಫೇಮಸ್ ಸ್ಟಾರ್ ಹೀರೋಯಿನ್ ಕತ್ರಿನಾಗೆ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಅಭಿಮಾನಿಗಳಿದ್ದಾರೆ. ಕತ್ರಿನಾ ತನ್ನ ಅಭಿಮಾನಿಗಳಿಗಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಚಿತ್ರಗಳು ಮತ್ತು ವೀಡಿಯೊಗಳನ್ನು ಪೋಸ್ಟ್ ಮಾಡುತ್ತಲೇ ಇರುತ್ತಾರೆ.ಆದರೆ ಈ ದಂಪತಿ ಒಂದು ಹೆಜ್ಜೆ ಮುಂದೆ ಹೋಗಿ ಪೂಜೆ ಮಾಡುತಿದ್ದಾರೆ.

ನಮ್ಮ ದೇಶದ ಹಳ್ಳಿಯೊಂದರಲ್ಲಿ ದಂಪತಿಗಳು ಕಳೆದ 11 ವರ್ಷಗಳಿಂದ ಕತ್ರಿನಾಳನ್ನು ಪೂಜಿಸುತ್ತಿದ್ದಾರೆ. ಆಕೆಯ ಹುಟ್ಟುಹಬ್ಬವನ್ನೂ ಅದ್ಧೂರಿಯಾಗಿ ಆಚರಿಸಲಾಯಿತು. ಹರಿಯಾಣದ ಚಾರ್ಕಿ ದಾದ್ರಿ ಜಿಲ್ಲೆಯ ದಂಪತಿ  ಪ್ರತಿದಿನ ಕತ್ರಿನಾಳನ್ನು ಪೂಜಿಸುತ್ತಾರೆ.

ಧನಿ ಫೋಗಟ್ ಎಂಬ ಹಳ್ಳಿಯಲ್ಲಿ ವಾಸಿಸುವ ಕರಂಬಿರ್ ಅಲಿಯಾಸ್ ಬಂಟು ಮತ್ತು ಅವರ ಪತ್ನಿ ಸಂತೋಷಿ ಕತ್ರಿನಾ ಕೈಫ್ ಅವರನ್ನು ತಮ್ಮ ಮನೆಯ ದೇವತೆಯಾಗಿ ಪೂಜಿಸುತ್ತಾರೆ. ಕಳೆದ 11 ವರ್ಷಗಳಿಂದ ಈ ಜೋಡಿ ಕತ್ರಿನಾ ಹುಟ್ಟುಹಬ್ಬವನ್ನು ಕೇಕ್ ಕತ್ತರಿಸಿ ಲಡ್ಡೂ ವಿತರಿಸುವ ಮೂಲಕ ಅದ್ಧೂರಿಯಾಗಿ ಆಚರಿಸಿಕೊಂಡು ಬರುತ್ತಿದೆ. ಕತ್ರಿನಾ ಕೈಫ್ ಅವರನ್ನು ಭೇಟಿಯಾಗಲು ಬರಬೇಕೆಂದು ಅವರು ಬಯಸುತ್ತಾರೆ.

“ನಾನು 13-14 ವರ್ಷ ವಯಸ್ಸಿನಿಂದಲೂ ಕತ್ರಿನಾ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದೇನೆ. ಮದುವೆಗೂ ಮುನ್ನ ಕತ್ರಿನಾಳ ಹುಟ್ಟುಹಬ್ಬವನ್ನು ಒಬ್ಬನೆ ಆಚರಿಸುತ್ತಿದ್ದೆ. ಈಗ ನಾನು ಮತ್ತು ನನ್ನ ಹೆಂಡತಿ ಒಟ್ಟಿಗೆ ಹುಟ್ಟುಹಬ್ಬವನ್ನು ಆಚರಿಸುತ್ತೇವೆ. ಕತ್ರಿನಾ ನಮ್ಮ ಮನೆಗೆ ಬರಬೇಕೆಂದು ನಾನು ಬಯಸುತ್ತೇನೆ. ಕತ್ರಿನಾ ನಮ್ಮನ್ನು ಭೇಟಿಯಾಗಲು ಖಂಡಿತ ಬರುತ್ತಾಳೆ ಎಂದು ನಂಬಿದ್ದೇನೆ' ಎಂದು ಬಂಟು ಹೇಳಿದರು.

ಅಲ್ಲದೇ ಅವರ ಪತ್ನಿ ಮಾತನಾಡಿ, ಕತ್ರಿನಾ ಇತ್ತೀಚೆಗಷ್ಟೇ 41 ವರ್ಷ ಪೂರೈಸಿದ್ದಾರೆ. ಆಕೆಯ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದೆವು.ಕಳೆದ 11 ವರ್ಷಗಳಿಂದ ಆಕೆಯನ್ನು ಪ್ರತಿದಿನ ಪೂಜಿಸುತ್ತಿದ್ದೇವೆ’ ಎಂದು ಸಂತೋಷದಿಂದ ಹೇಳಿದರು.

https://www.vijayavani.net/hrithik-roshan-wedding-rumours-with-saba-azad-goes-viral