ಏಳು ಸಚಿವರು ಹೊಸದಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದು, ಯಾರ್ಯಾರಿಗೆ ಯಾವ ಯಾವ ಖಾತೆ ಹಂಚಿಕೆ ಮಾಡಲಾಗುವುದು ಎನ್ನುವುದರ ಬಗ್ಗೆ ಚರ್ಚೆ ನಡೆಯುತ್ತಿದೆ. ಸದ್ಯದ ಮಟ್ಟಿಗೆ ನಡೆಯುತ್ತಿರುವ ಚರ್ಚೆಯ ಪ್ರಕಾರ ಅರವಿಂದ ಲಿಂಬಾವಳಿಗೆ ಉನ್ನತ ಶಿಕ್ಷಣಸ ಸಚಿವಾಲಯ, ಉಮೇಶ್ ಕತ್ತಿಗೆ ಸಣ್ಣ ನೀರಾವರಿ ಅಥವಾ ತೋಟಗಾರಿಕೆ ಸಚಿವಾಲಯ, ಯೋಗೇಶ್ವರ್ಗೆ ಪ್ರವಾಸೊದ್ಯಮ, ರೇಷ್ಮೆ ಸಚಿವಾಲಯ, ಎಂಟಿಬಿ ನಾಗರಾಜ್ಗೆ ಅಬಕಾರಿ ಇಲಾಖೆ, ಮುರಗೇಶ್ ನಿರಾಣಿಗೆ ಇಂಧನ ಅಥವಾ ಸಣ್ಣ ಕೈಗಾರಿಕೆ, ಅಂಗಾರಗೆ ಒಳನಾಡು, ಬಂದರು, ಮೀನುಗಾರಿಕೆ ಹಾಗೂ ಆರ್,ಶಂಕರ್ಗೆ ಕನ್ನಡ ಮತ್ತು ಸಂಸ್ಕೃತಿ, ಯುವಜನಸೇವಾ ಇಲಾಖೆಯ ಜವಾಬ್ದಾರಿ ನೀಡುವ ಸಾಧ್ಯತೆ ಇದೆ ಎನ್ನಲಾಗಿದೆ. ಒಂದು ವೇಳೆ ಆರ್.ಶಂಕರ್ ಇದಕ್ಕೆ ಒಪ್ಪಲಿಲ್ಲ ಅಂದರೆ ಸಣ್ಣ ಕೈಗಾರಿಕೆ ಇಲಾಖೆಯ ಜವಾಬ್ದಾರಿಯನ್ನು ನೀಡುವ ಸಾಧ್ಯತೆಯಿದೆ.
