1946ರ ಅ.27ರಂದು ಬಂಟ್ವಾಳ ಮೂಡಸಜಿಪದ ಕಂಚಿನಡ್ಕಪದವಿನಲ್ಲಿ ಜನಿಸಿ, ಮಂಗಳೂರಿನಲ್ಲಿ ಪ್ರಾಥಮಿಕ, ಬಂಟ್ವಾಳದಲ್ಲಿ ಪ್ರೌಢ, ಮಂಗಳೂರಿನಲ್ಲಿ ಪಿಯು ಮತ್ತು ಪದವಿ ಶಿಕ್ಷಣ, ಮೈಸೂರು ವಿವಿ ಮಂಗಳೂರು ಕೇಂದ್ರದಲ್ಲಿ ಗಣಿತಶಾಸ್ತ್ರದಲ್ಲಿ ಸ್ನಾತಕೋತ್ತರ ಶಿಕ್ಷಣ ಪಡೆದರು. ಮೊಡಂಕಾಪು ದೀಪಿಕಾ ಹೈಸ್ಕೂಲ್ನಲ್ಲಿ ಅಧ್ಯಾಪಕನಾಗಿ ವೃತ್ತಿ ಜೀವನ ಆರಂಭಿಸಿದ ಅನಂತಕೃಷ್ಣ, 1971ರಲ್ಲಿ ಕರ್ಣಾಟಕ ಬ್ಯಾಂಕ್ನಲ್ಲಿ ಅಧಿಕಾರಿ ಹುದ್ದೆಗೆ ಆಯ್ಕೆಯಾದರು. 1994ರಲ್ಲಿ ಜನರಲ್ ಮ್ಯಾನೇಜರ್, 1998ರಲ್ಲಿ ಚೀಫ್ ಜನರಲ್ ಮ್ಯಾನೇಜರ್ ಹಾಗೂ 2000ರಲ್ಲಿ ಅಧ್ಯಕ್ಷರಾದರು. 2009ರಿಂದ 2016ರವರೆಗೆ ನಾನ್ ಎಕ್ಸಿಕ್ಯುಟಿವ್ ಚೇರ್ಮನ್ ಆಗಿದ್ದರು. ಅನಂತಕೃಷ್ಣ ಆಡಳಿತಾವಧಿಯಲ್ಲಿ ಬ್ಯಾಂಕ್ ಇತಿಹಾಸದಲ್ಲಿಯೇ ಉನ್ನತ ಸ್ತರಕ್ಕೇರಿತು. ಸದಾಕಾಲ ಮಾರ್ಗದರ್ಶಕರಾಗಿದ್ದ ಅವರ ಅಗಲಿಕೆ ಕರ್ಣಾಟಕ ಬ್ಯಾಂಕಿನ ಸಮಸ್ತ ಪರಿವಾರಕ್ಕೆ ಅಪಾರ ದುಃಖ ಉಂಟುಮಾಡಿದೆ ಎಂದು ಬ್ಯಾಂಕಿನ ವ್ಯವಸ್ಥಾಪಕ ನಿರ್ದೇಶಕ, ಚೀಫ್ ಎಕ್ಸಿಕ್ಯುಟಿವ್ ಆಫೀಸರ್ ಮಹಾಬಲೇಶ್ವರ ಎಂ.ಎಸ್.ಸಂತಾಪ ವ್ಯಕ್ತಪಡಿಸಿದ್ದಾರೆ.
