ಬಾಕ್ಸ್ ಆಫೀಸ್​ನಲ್ಲಿ 'ಕಾಂತಾರ' ಅಬ್ಬರ! ವಾರಾಂತ್ಯದಲ್ಲಿ ಹೌಸ್​ಫುಲ್​ ​ಪ್ರೇಕ್ಷಕರು​; ಕೇವಲ 4 ದಿನಗಳಲ್ಲಿ ಚಿತ್ರ ಗಳಿಸಿದ್ದಿಷ್ಟು | Kantara Chapter 1

Kantara Chapter 1: ಜಾಗತಿಕವಾಗಿ ತೆರೆಕಂಡ ರಿಷಬ್ ಶೆಟ್ಟಿ ನಿರ್ದೇಶಿಸಿ, ನಟಿಸಿದ ‘ಕಾಂತಾರ ಚಾಪ್ಟರ್​ 1’ ಚಿತ್ರಕ್ಕೆ ಇದೀಗ ಎಲ್ಲೆಡೆಯಿಂದ ವಿಶೇಷ ಮನ್ನಣೆ ಲಭಿಸುತ್ತಿದೆ. ಸಿನಿಪ್ರೇಕ್ಷಕರಿಗೆ ರೋಮಾಂಚನಕಾರಿ ಅನುಭವವನ್ನು ನೀಡಿರುವ ರಿಷಬ್​, ನಮ್ಮ ನಾಡಿನ ಮಣ್ಣಿನ ಕಥೆಯನ್ನು ವಿಶ್ವಕ್ಕೆ ಪಸರಿಸಿರುವುದು ಚಿತ್ರದ ಗೆಲುವಿಗೆ ದೊಡ್ಡ ಸಾಕ್ಷಿಯಾಗಿ ನಿಂತಿದೆ. ಬ್ಲಾಕ್​ಬಸ್ಟರ್​ನತ್ತ ಸಾಗುತ್ತಿರುವ ಕಾಂತಾರ ಈಗ ಬಾಕ್ಸ್ ಆಫೀಸ್​ನಲ್ಲಿ ಕೇವಲ 4 ದಿನಕ್ಕೆ 226.92 ಕೋಟಿ ರೂ. ಗಳಿಸಿದೆ.

ಇದನ್ನೂ ಓದಿ: ಕರ್ತವ್ಯಕ್ಕೆ ಅನಧಿಕೃತ ಗೈರು: ಚಿಂಚಲಿ ಗ್ರಾಪಂ ಪ್ರಭಾರ ಪಿಡಿಒ ಉಮೇಶ ಬಾರಕೇರ ಅಮಾನತ್ತು

ಈ ಹಿಂದೆ ಡಿವೈನ್ ಬ್ಲಾಕ್​ಬಸ್ಟರ್ ಆಗಿ ಹೊರಹೊಮ್ಮಿದ್ದ ಕಾಂತಾರ, ಈಗ ಚಾಪ್ಟರ್​ 1 ಮೂಲಕ ಮತ್ತೊಮ್ಮೆ ಆ ಪಟ್ಟವನ್ನು ಅಲಂಕರಿಸಿದೆ. ರಿಷಬ್​ ಶೆಟ್ಟಿ ಚಿತ್ರವನ್ನು ನಿರ್ಮಿಸುವ ಮುಖೇನ ಹೊಂಬಾಳೆ ಫಿಲ್ಮ್ಸ್ ಎರಡನೇ ಬಾರಿ​ ಸಖತ್ ಜಾಕ್​ಪಾಟ್​ ಹೊಡೆದಿದೆ. ವಾರಾಂತ್ಯದ ಮೇಲೆ ನಿರೀಕ್ಷೆಗಳು ಮೂಡಿತ್ತು. ಅಂತೆಯೇ, ಶನಿವಾರ ಮತ್ತು ಭಾನುವಾರ ಚಿತ್ರಮಂದಿರಗಳನ್ನು ತುಂಬಿದ್ದ ಸಿನಿಪ್ರಿಯರು, ಚಿತ್ರದ ಗಳಿಕೆಯನ್ನು ಇದೀಗ 220 ಕೋಟಿ ರೂ.ಗೆ ಕೊಂಡೊಯ್ದಿದ್ದಾರೆ.

ಹೀಗಿದೆ 'ಕಾಂತಾರ' ದಿನವಾರು ಸಂಗ್ರಹ (ದೇಶಿಯ)

ದಿನ 1: 61.85 ಕೋಟಿ ರೂ.

ದಿನ 2: 45.4 ಕೋಟಿ ರೂ.

ದಿನ 3: 55 ಕೋಟಿ ರೂ.

ದಿನ 4: 61.5 ಕೋಟಿ ರೂ.

ದಿನ 5: 3.17 ಕೋಟಿ ರೂ. (ಮಧ್ಯಾಹ್ನ 1 ಗಂಟೆಯವರೆಗೆ)

ಇಲ್ಲಿಯವರೆಗೆ ಒಟ್ಟು 226.92 ಕೋಟಿ ರೂ., (ಏಜೆನ್ಸೀಸ್).

'ಕಾಂತಾರ' ತಾರಾಗಣ

‘ಕಾಂತಾರ ಚಾಪ್ಟರ್​ 1’ ಚಿತ್ರದಲ್ಲಿ ರಿಷಬ್ ಶೆಟ್ಟಿ, ರುಕ್ಮಿಣಿ ವಸಂತ್, ಗುಲ್ಶನ್ ದೇವಯ್ಯ, ಜಯರಾಮ್, ಕಿಶೋರ್​, ರಾಕೇಶ್ ಪೂಜಾರಿ, ಪ್ರಮೋದ್ ಶೆಟ್ಟಿ, ಅಚ್ಯುತ್ ಕುಮಾರ್ ಸೇರಿದಂತೆ ಮುಂತಾದವರು ನಟಿಸಿದ್ದಾರೆ. ಚಿತ್ರಕ್ಕೆ ಅಜನೀಶ್ ಲೋಕನಾಥ್​​ ಸಂಗೀತ ನೀಡಿದ್ದು, ಹೊಂಬಾಳೆ ಫಿಲ್ಮ್ಸ್​ ಬ್ಯಾನರ್​ನಡಿ ವಿಜಯ್ ಕಿರಂಗದೂರು ನಿರ್ಮಾಣ ಮಾಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/do-you-know-about-rukmini-vasanth-father