Kangana Ranaut Lehenga: ನವರಾತ್ರಿ ಅಂದ್ರೆ ಬಣ್ಣಬಣ್ಣದ ಬಟ್ಟೆ, ಆಭರಣಗಳದ್ದೇ ಹವಾ! ಈ ಬಾರಿ ನಟಿ ಕಂಗನಾ ರಣಾವತ್‌ ತಮ್ಮ ವಿಭಿನ್ನ ಗರ್ಬಾ ಲುಕ್‌ನಿಂದ ಗಮನ ಸೆಳೆದಿದ್ದಾರೆ. ಬರೋಬ್ಬರಿ 2 ಲಕ್ಷದ 10 ಸಾವಿರ ರೂಪಾಯಿ ಲೆಹೆಂಗಾ-ಚೋಲಿ ಧರಿಸಿ, ಸಾಂಪ್ರದಾಯಿಕ ಸ್ಟೈಲ್‌ಗೆ ಮಾಡರ್ನ್ ಟಚ್ ಕೊಟ್ಟಿದ್ದಾರೆ. ಛತ್ತೀಸ್‌ಗಢದಲ್ಲಿ ನವರಾತ್ರಿ ಸಂಭ್ರಮದಲ್ಲಿ ಭಾಗಿಯಾದ ಫೋಟೋಗಳನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ
ಕಂಗನಾ ಧರಿಸಿದ್ದ ಲೆಹೆಂಗಾ ಖ್ಯಾತ ಡಿಸೈನರ್ ಬ್ರ್ಯಾಂಡ್ ಟೊರಾನಿಯದ್ದು. ರೇಷ್ಮೆ ಬಟ್ಟೆಯ ಈ ಉಡುಪಿನಲ್ಲಿ ಕನ್ನಡಿ ವರ್ಕ್, ಕಸೂತಿ, ಮಣಿಗಳ ಅಲಂಕಾರ ಮತ್ತು ಬಣ್ಣಬಣ್ಣದ ಟಸೆಲ್‌ಗಳು ವಿಶೇಷವಾಗಿ ಕಾಣಿಸಿಕೊಂಡಿವೆ. ಗುಜರಾತ್ ಮತ್ತು ರಾಜಸ್ಥಾನದ ಸಾಂಪ್ರದಾಯಿಕ ಕಲೆಯ ಪ್ರಭಾವವೂ ಈ ಉಡುಪಿನಲ್ಲಿದೆ.
ಸಿಲ್ವರ್ ಆಭರಣಳಿಂದ ಮತ್ತಷ್ಟು ಮೆರುಗು
ಇನ್ನು, ಈ ಲುಕ್‌ಗೆ ಮತ್ತಷ್ಟು ಕಳೆ ಕೊಟ್ಟಿದ್ದು ಅವರ ಆಭರಣಗಳು. ಹಲವು ಪದರಗಳ ಸಿಲ್ವರ್ ನೆಕ್ಲೆಸ್, ಮಾಂಗ್ ಟಿಕ್ಕಾ, ಜುಮ್ಕಾ, ಮೂಗುತಿ ಮತ್ತು ತೋಳಿನ ಆಭರಣಗಳನ್ನು ಧರಿಸಿದ್ದಾರೆ. ಅಲಂಕಾರಿಕ ಪೊಟ್ಲಿ ಬ್ಯಾಗ್ ಕೂಡ ಅವರ ಸಾಂಪ್ರದಾಯಿಕ ಲುಕ್‌ಗೆ ಚೆನ್ನಾಗಿ ಹೊಂದಿಕೊಂಡಿದೆ.
