'ಕಲ್ಕಿ 2898 ಎಡಿ' ಕೃತಿಚೌರ್ಯವೇ? ಪ್ರಭಾಸ್ ಹೊಸ ಚಿತ್ರ ದ.ಕೊರಿಯಾದ ಕಲಾವಿದನ ಕೆಲಸದಿಂದ ಪ್ರೇರಿತ!

ಮುಂಬೈ: ಪ್ರಭಾಸ್ ಮತ್ತು ದೀಪಿಕಾ ಪಡುಕೋಣೆ ಅಭಿನಯದ ಬಹು ನಿರೀಕ್ಷಿತ ಚಿತ್ರ 'ಕಲ್ಕಿ 2898 AD' ಥಿಯೇಟ್ರಿಕಲ್ ಬಿಡುಗಡೆಗೂ ಮುನ್ನವೇ ಸಮಸ್ಯೆಗಳ ಸುಳಿಯಲ್ಲಿ ಸಿಲುಕುವ ಲಕ್ಷಣ ಗೋಚರಿಸುತ್ತಿದೆ. ಹಿಂದೂ ಪುರಾಣಗಳ ಪ್ರಕಾರ ಕಲ್ಕಿಯ ಜನನ ಯುಗಾಂತ್ಯಕ್ಕೆ ಕಾರಣವಾಗುತ್ತದೆ. ಆ ನಂತರದ ಪ್ರಪಂಚದ ಚಿತ್ರಣದೊಂದಿಗೆ ಟ್ರೇಲರ್ ಪ್ರೇಕ್ಷಕರನ್ನು ಆಕರ್ಷಿಸಿದೆ. ಆದಾಗ್ಯೂ, ಇದರ ನಿರ್ಮಾಪಕರು ದಕ್ಷಿಣ ಕೊರಿಯಾದ ಕಲಾವಿದ ಸುಂಗ್ ಚೋಯ್ ಅವರ ಕೃತಿಯನ್ನು ಕೃತಿಚೌರ್ಯ ಮಾಡಿದ ಆರೋಪವನ್ನು ಎದುರಿಸುತ್ತಾರೆ.

ಇದನ್ನೂ ಓದಿ: ಬಕ್ರೀದ್​ಗೆ ಮಾರಾಟಕ್ಕಿಟ್ಟ ಮೇಕೆಗೆ ‘ರಾಮ’ ನಾಮ..ಮುಸ್ಲಿಂ ವ್ಯಾಪಾರಿ ಅರೆಸ್ಟ್​!

' ಕಲ್ಕಿ 2898 ಎಡಿ ', ಚಿತ್ರವು ಜೂನ್ 27 ರಂದು ಥಿಯೇಟರ್‌ಗೆ ಬರಲಿದೆ.

ಇದು ಹಲವು ಕಾರಣಗಳಿಗಾಗಿ ಪ್ರೇಕ್ಷಕರಲ್ಲಿ ಕುತೂಹಲ ಮತ್ತು ಜಿಜ್ಞಾಸೆ ಹುಟ್ಟುಹಾಕಿದೆ. ಆದರೆ ದಕ್ಷಿಣ ಕೊರಿಯಾದ ಕಲಾವಿದ ಸಂಗ್ ಚೋಯ್ ನ ಕೃತಿಯನ್ನು ಕೃತಿಚೌರ್ಯ ಮಾಡಿದ್ದಕ್ಕಾಗಿ ನಿರ್ಮಾಪಕರು ಟೀಕೆಗೆ ಒಳಗಾಗಿದ್ದಾರೆ.

ಚೋಯ್ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ, ಟ್ರೈಲರ್‌ನ ಪ್ರಾರಂಭದಲ್ಲಿ ಯುದ್ಧದಿಂದ ಛಿದ್ರಗೊಂಡ ನಗರದ ದೃಶ್ಯದ ಸ್ಕ್ರೀನ್‌ಶಾಟ್‌ ಅನ್ನು ಹಂಚಿಕೊಂಡಿದ್ದು, ಇದು ಅವರ ಕಲಾಕೃತಿಗಳಲ್ಲಿ ಒಂದು ಎಂದು ಹೇಳಿದ್ದಾರೆ.

ಟ್ರೈಲರ್​ನಲ್ಲಿನ ದೃಶ್ಯ ಅವರ ಕಲಾಕೃತಿಯೊಂದರಲ್ಲಿನ ದೃಶ್ಯಕ್ಕೆ ಹೋಲಿಕೆ ಹೊಂದಿದೆ. ಪೋಸ್ಟ್ ಅನ್ನು ಹಂಚಿಕೊಂಡ ಅವರು, "ಕಲಾಕೃತಿಯನ್ನು ಅನಧಿಕೃತವಾಗಿ ಬಳಸುವುದು ಕೆಟ್ಟ ಅಭ್ಯಾಸವಾಗಿದೆ. ಇದು ಈ ಕಾನೂನುಬಾಹಿರ. ಕಲೆಯನ್ನು ಕೊಲೆ ಮಾಡಿದಂತೆ ಎಂದು ನಾನು ಪ್ರಶ್ನಿಸುವಂತೆ ಮಾಡಿದೆ ಎಂದು ಬರೆದುಕೊಂಡಿದ್ದಾರೆ.

ಇದಕ್ಕೆ ನೆಟಿಜನ್ಸ್​ ಕಾಮೆಂಟ್ಗಳನ್ನು ಹಾಕುತ್ತಿದ್ದಾರೆ. ಚೋಯ್ ಅವರ ಶ್ರಮಕ್ಕೆ ಕ್ರೆಡಿಟ್ ನೀಡದೆ ಕೃತಿಚೌರ್ಯ ಮಾಡಿದ್ದಕ್ಕಾಗಿ 'ಕಲ್ಕಿ 2898 ಎಡಿ' ನಿರ್ಮಾಪಕರನ್ನು ತರಾಟೆಗೆ ತೆಗೆದುಕೊಳ್ಳುತ್ತಿದ್ದಾರೆ. ಚೋಯ್​ ಸಾಧ್ಯವಾದರೆ ನೀವು ಕಾನೂನು ಸಮರ ಸಾರಿ ನಾವು ಬೆಂಬಲಿಸುತ್ತೇವೆ ಎಂದು ಇನ್‌ಸ್ಟಾಗ್ರಾಮ್ ಬಳಕೆದಾರರೊಬ್ಬರು ಬರೆದಿದ್ದಾರೆ.

ಮತ್ತೊಬ್ಬರು,ಚಿತ್ರದಲ್ಲಿ ಕೆಲಸ ಮಾಡಿದ ಕೆಲವು ಪರಿಕಲ್ಪನೆಯ ವಿನ್ಯಾಸಕರು ಮೌನವಾಗಿರುವುದು ನೋಡಿದರೆ ಖಂಡಿತಾ ಇದು ಕೃತಿಚೌರ್ಯ ಎಂದು ಟೀಕಿಸಿದ್ದಾರೆ.

ಚೋಯ್ ದಕ್ಷಿಣ ಕೊರಿಯಾ ಮೂಲದ ಕಲಾವಿದ. ಅವರು ಮಾರ್ವೆಲ್ ಸ್ಟುಡಿಯೋಸ್, ಡಿಸ್ನಿ, ವಾರ್ನರ್ ಬ್ರದರ್ಸ್ ಮತ್ತು ನೆಟ್‌ಫ್ಲಿಕ್ಸ್ ಅನಿಮೇಷನ್‌ನಂತಹ ಹಾಲಿವುಡ್ ಕಂಪನಿಗಳೊಂದಿಗೆ ಕೆಲಸ ಮಾಡಿದ್ದಾರೆ. ಅವರ 10 ವರ್ಷ ಹಳೆಯ ಕಲಾಕೃತಿಯನ್ನು ಅಕ್ಷರಶಃ ಕಲ್ಕಿಯ ಟ್ರೈಲರ್‌ನ ಮೊದಲ ಫ್ರೇಮ್‌ನಲ್ಲಿ ನಕಲಿಸಿದ್ದಾರೆ. ಆಯುಧಗಳು ಮತ್ತು ಇತರ ವಿಷಯಗಳು ಸಹ ನೇರವಾಗಿ 'ಸ್ಫೂರ್ತಿ' ಪಡೆದಿವೆ. ಯಾವುದೇ ಕ್ರೆಡಿಟ್‌ಗಳಿಲ್ಲದೆ ಜನರು ಇನ್ನೇನು ಗುರುತಿಸುತ್ತಾರೆ ಎಂದು ನಾನು ಆಶ್ಚರ್ಯ ಪಡುತ್ತೇನೆ. ಅಭಿಮಾನಿಗಳ ಕಾರಣದಿಂದ ಟಾಲಿವುಡ್ ಸಬ್‌ನಲ್ಲಿ ಪೋಸ್ಟ್ ಮಾಡಲು ನಾನು ತುಂಬಾ ಹೆದರುತ್ತೇನೆ, ”ಎಂದು ಒಬ್ಬರು ಬರೆದಿದ್ದಾರೆ.

'ಕಲ್ಕಿ ಚಿತ್ರವು ಜೂನ್ 27 ರಂದು ಥಿಯೇಟರ್‌ ಗಳಿಗೆ ಬರಲಿದೆ.

https://www.vijayavani.net/madhya-pradesh-national-security-act-nsa-invoked-against-four-individuals-for-throwing-a-severed-cow-head