'ನಾನು ಅಧಿಕಾರಕ್ಕಾಗಿ ಅಥವಾ ಮತಕ್ಕಾಗಿ ಹೀಗೆ ಮಾಡುತ್ತಿಲ್ಲ':  ಚುನಾವಣಾ ಪ್ರಚಾರದ ವೇಳೆ ಪ್ರಧಾನಿ ಮೋದಿ ಹೀಗಂದಿದ್ದೇಕೆ?

ನವದೆಹಲಿ: ಲೋಕಸಭೆ ಚುನಾವಣೆ 2024 ಆರಂಭವಾಗಿದೆ. ಎಲ್ಲಾ ರಾಜಕೀಯ ಪಕ್ಷಗಳು ಚುನಾವಣೆಯಲ್ಲಿ ಗೆಲ್ಲಲು ಸಿದ್ಧತೆಯಲ್ಲಿ ತೊಡಗಿವೆ. ಏತನ್ಮಧ್ಯೆ, ವೋಟ್ ಬ್ಯಾಂಕ್ ರಾಜಕೀಯ ಸೇರಿದಂತೆ ಹಲವು ಪ್ರಮುಖ ವಿಷಯಗಳ ಪ್ರಶ್ನೆಗಳಿಗೆ ಪ್ರಧಾನಿ ಮೋದಿ ಉತ್ತರಿಸಿದರು.  

ನಾನು ಯಾವುದೇ ಕೆಲಸ ಮಾಡಿದರೂ ಚುನಾವಣೆಯಲ್ಲಿ ಗೆಲ್ಲಲು ಅಥವಾ ಅಧಿಕಾರಕ್ಕಾಗಿ ಅಥವಾ ಮತಕ್ಕಾಗಿ ಮಾತ್ರ ಎಂದು ಅರ್ಥವಲ್ಲ ಎಂದು ಅವರು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.   

ಮತದಾನ ಅಥವಾ ಚುನಾವಣೆ ಗೆಲುವೊಂದೇ ತಮ್ಮ ಗುರಿಯಾಗಿದ್ದಿದ್ದರೆ ಈಶಾನ್ಯ ಭಾಗದ ಅಭಿವೃದ್ಧಿಗೆ ಆದ್ಯತೆ ನೀಡುತ್ತಿರಲಿಲ್ಲ.  ಚುನಾವಣೆ ಗೆಲ್ಲುವುದಷ್ಟೇ ನನ್ನ ಗುರಿಯಾಗಿದ್ದರೆ ಈಶಾನ್ಯ ಭಾಗದ ಅಭಿವೃದ್ಧಿಗೆ ಶ್ರಮಿಸುತ್ತಿರಲಿಲ್ಲ. ನಾನು ಎಲ್ಲಾ ಮಾಜಿ ಪ್ರಧಾನಿಗಳಿಗಿಂತ ಹೆಚ್ಚು ಬಾರಿ ಈಶಾನ್ಯ ರಾಜ್ಯಗಳಿಗೆ ಭೇಟಿ ನೀಡಿದ್ದೇನೆ ಎಂದು ಮೋದಿ ತಿಳಿಸಿದ್ದಾರೆ.  

ತಮಿಳುನಾಡಿನ ಪಾಕಪದ್ಧತಿಯು ಜಾಗತೀಕರಣಗೊಂಡಂತೆ ನಾವು ತಮಿಳು ಭಾಷೆಯ ಬಳಕೆಯನ್ನು ಉತ್ತೇಜಿಸಬೇಕು. ತಮಿಳುನಾಡಿನ ಶ್ರೇಷ್ಠ ಪರಂಪರೆಗೆ ನಾವು ಅನ್ಯಾಯ ಮಾಡಿದ್ದೇವೆ. ವಿಶ್ವದ ಅತ್ಯಂತ ಹಳೆಯ ಭಾಷೆ ಭಾರತದಲ್ಲಿದೆ, ಆದರೂ ನಾವು ಅದರ ಬಗ್ಗೆ ಹೆಮ್ಮೆಪಡುವುದಿಲ್ಲ. ಈ ಶ್ರೀಮಂತ ಪರಂಪರೆಯ ಮೆಚ್ಚುಗೆ ಇಡೀ ಜಗತ್ತಿಗೆ ತಲುಪಬೇಕು ಎಂದರು.   

ಲೋಕಸಭೆ ಚುನಾವಣೆಯಲ್ಲಿ  400 ಸ್ಥಾನಗಳನ್ನು ಗೆಲ್ಲುವ ಘೋಷಣೆ ಕುರಿತು ಮಾತನಾಡಿದ ಮೋದಿ ಇದು ಸಾರ್ವಜನಿಕರ ತೀರ್ಮಾನ ಎಂದರು. ಮಿಷನ್ 400 ಅನ್ನು ದೇಶದ ಜನರು ನಿರ್ಧರಿಸಿದ್ದಾರೆ, ನಾನಲ್ಲ. ರಾಜಕೀಯ ಸ್ಥಿರತೆ ಮತ್ತು ತಮ್ಮ ಮತದ ಬಲದ ಮಹತ್ವವನ್ನು ಜನರು ಅರಿತುಕೊಂಡಿದ್ದಾರೆ ಎಂದು ಪ್ರಧಾನಿ ಹೇಳಿದರು.     

https://www.vijayavani.net/modi-interview-to-thanthi-tv-from-sengol-electoral-bonds-to-ed-parivarvad-10-things-pm-said