'ಜಾನಕಿ' ಹೆಸರು ಬಿಟ್ಟು ಬೇರೇ ನೋಡಿ! CBFC ಕಚೇರಿ ಮುಂದೆ JSK ಚಿತ್ರತಂಡ ಆಕ್ರೋಶ, FEFKA ಪ್ರತಿಭಟನೆ

JSK Film: ತೆಲುಗು ನಟಿ ಅನುಪಮಾ ಪರಮೇಶ್ವರನ್​ ಅಭಿನಯದ ಬಹುನಿರೀಕ್ಷಿತ ‘ಜಾನಕಿ ವರ್ಸಸ್​ ಸ್ಟೇಟ್​ ಆಫ್​ ಕೇರಳ’ ಚಿತ್ರ ಇದೀಗ ವಿವಾದ ಸುಳಿಯಲ್ಲಿ ಸಿಲುಕಿದೆ. ಸಿನಿಮಾದ ಬಹುತೇಕ ಕೆಲಸಗಳು ಪೂರ್ಣಗೊಂಡಿದ್ದೇ ಆದರೂ ಬಿಡುಗಡೆಗೆ ಬೇಕಾದ ಅನುಮತಿಗೆ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (CBFC) ನಿರಾಕರಿಸಿದೆ. ಸದ್ಯ ಇದೇ ಆಕ್ರೋಶ, ಹೋರಾಟಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ಟೆಸ್ಟ್​ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು LBW ವಿಕೆಟ್​ ಪಡೆದ ದಿಗ್ಗಜ ಬೌಲರ್​ಗಳು ಇವರೇ ನೋಡಿ | LBW Wickets

ಚಿತ್ರದ ಶೀರ್ಷಿಕೆಯಲ್ಲಿರುವ 'ಜಾನಕಿ' ಹೆಸರೇ ಇದೀಗ ಹೊಸ ವಿವಾದಕ್ಕೆ ಅಣಿಯಾಗಿದೆ. ಈ ವಿಚಾರ ಸದ್ಯ ಕೇರಳ ಹೈಕೋರ್ಟ್​ ಮೆಟ್ಟಿಲೇರಿದ್ದು, ಚಿತ್ರದ ರಿಲೀಸ್​ಗಾಗಿ ಹೋರಾಟ ಮಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಈ ಕುರಿತು ಜೆಎಸ್​ಕೆ ನಿರ್ಮಾಪಕರು, ನಿರ್ದೇಶಕರು ಶೀರ್ಷಿಕೆ ಬದಲಾಯಿಸಿಕೊಳ್ಳಿ ಎಂದು ತಗಾದೆ ತೆಗೆದಿರುವ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (ಸಿಬಿಎಫ್​ಸಿ) ವಿರುದ್ಧ ತೀವ್ರ ಅಸಮಾಧಾನ, ಆಕ್ರೋಶ ಹೊರಹಾಕಿದ್ದಾರೆ.

ಈ ವಿಚಾರಕ್ಕೆ ಸಂಬಂಧಿಸಿದಂತೆ ಇಂದು (ಜೂ.30) ಕೇರಳದ ತಿರುವನಂತಪುರಂನಲ್ಲಿರುವ ಸಿಬಿಎಫ್​ಸಿ ಕಚೇರಿಯ ಮುಂದೆ ಕೇರಳ ಚಲನಚಿತ್ರ ನಿರ್ಮಾಪಕರ ಒಕ್ಕೂಟವಾದ ಫಿಲ್ಮ್ ಎಂಪ್ಲಾಯೀಸ್ ಫೆಡರೇಶನ್ ಆಫ್ ಕೇರಳ (FEFKA) ಮತ್ತು ಮಲಯಾಳಂ ಚಲನಚಿತ್ರ ನಟರ ಸಂಘ (AMMA) ಧರಣಿ ನಡೆಸಿದೆ. ಇದು ವಿವಾದವನ್ನು ಇನ್ನೊಂದು ಹಂತಕ್ಕೆ ಕೊಂಡೊಯ್ದಿರುವುದು ಮತ್ತಷ್ಟು ಸ್ಪಷ್ಟ. "ಟೈಟಲ್​ನಲ್ಲಿ ಜಾನಕಿ ಹೆಸರನ್ನು ತೆಗೆಯಲು ಸಾಧ್ಯವಿಲ್ಲ. ಕಾರಣ, ಪಾತ್ರಧಾರಿಯ ಹೆಸರಿನ ಮೇಲೆಯೇ ಶೀರ್ಷಿಕೆ ಇಡಲಾಗಿದೆ. ಬದಲಿಸಿದರೆ, ಪಾತ್ರದ ಹೆಸರನ್ನೂ ಬದಲಿಸಬೇಕು. ಈಗ ಇದು ಅಸಾಧ್ಯ" ಎಂದು ಚಿತ್ರದ ನಿರ್ಮಾಪಕರು ವಾದಿಸಿದ್ದಾರೆ.

ಇದನ್ನೂ ಓದಿ: ಮಡೆನೂರು ಮನುಗೆ ಬಿಗ್ ರಿಲೀಫ್; ಕನ್ನಡ ಚಿತ್ರರಂಗದಿಂದ ಹೇರಿದ್ದ ಬ್ಯಾನ್ ತೆರವು| Madenuru Manu

‘ಜಾನಕಿ‘ಯೇ ವಿವಾದ

ಕೇರಳದ ಚಲನಚಿತ್ರ ನಿರ್ಮಾಪಕರ ಒಕ್ಕೂಟವಾದ ಫಿಲ್ಮ್ ಎಂಪ್ಲಾಯೀಸ್ ಫೆಡರೇಶನ್ ಆಫ್ ಕೇರಳ (FEFKA), ಸೋಮವಾರ (ಜೂ.30) ತಿರುವನಂತಪುರಂನಲ್ಲಿರುವ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (CBFC) ಕಚೇರಿಯ ಮುಂದೆ ಪ್ರತಿಭಟನೆ ನಡೆಸಲು ನಿರ್ಧರಿಸಿದೆ. ಇದಕ್ಕೆ ಕಾರಣ ಜೆಸ್​ಕೆ: ಜಾನಕಿ ವರ್ಸಸ್​ ಸ್ಟೇಟ್ ಆಫ್ ಕೇರಳ ಚಿತ್ರದ ಶೀರ್ಷಿಕೆಯಲ್ಲಿರುವ ಜಾನಕಿ ಹೆಸರು. ಚಿತ್ರದಲ್ಲಿ ಹಿಂದೂ ದೇವತೆ ಸೀತೆಯನ್ನು ಉಲ್ಲೇಖಿಸುವ ಪಾತ್ರ ಜಾನಕಿಯ ಹೆಸರನ್ನು ಬದಲಾಯಿಸಬೇಕೆಂದು ಸಿಬಿಎಫ್‌ಸಿ ಒತ್ತಾಯಿಸಿದೆ. ಆದ್ರೆ, ಇದಕ್ಕೆ ಚಿತ್ರತಂಡ ಸುತಾರಾಮ್ ಒಪ್ಪಿಗೆ ನೀಡಿಲ್ಲ.

ಧಾರ್ಮಿಕ ಉಲ್ಲೇಖವಿಲ್ಲ

"ನಿರ್ದೇಶಕರ ಪ್ರಕಾರ, ಈ ಚಿತ್ರದಲ್ಲಿ ಯಾವುದೇ ನಿರ್ದಿಷ್ಟ ಧಾರ್ಮಿಕ ಉಲ್ಲೇಖ, ಡೈಲಾಗ್​ ಅಥವಾ ಪ್ರಸ್ತಾಪಗಳಿಲ್ಲ. ಹೀಗಿದ್ದಮೇಲೆ ಯಾವ ಕಾರಣಕ್ಕೆ ಜಾನಕಿ ಹೆಸರನ್ನು ಬದಲಿಸಬೇಕು? ಈ ಹಿಂದೆ ಬಂದಿರುವ ಚಿತ್ರಗಳಲ್ಲಿ ಇದೇ ಟೈಟಲ್​ ಇದ್ದಾಗ ಏನೂ ತೊಂದರೆ ಆಗಿಲ್ಲ. ಆದರೆ, ನಮ್ಮ ಚಿತ್ರಕ್ಕೇ ಇಂತಹ ಅಡಚಣೆ ಏಕೆ? ಅದೂ ಧಾರ್ಮಿಕ ವಿಚಾರಗಳು, ವಿಷಯಗಳ ಉಲ್ಲೇಖವಿಲ್ಲ ಎಂದರೂ. ಸಿಬಿಎಫ್​ಸಿಯ ಈ ನಿರ್ಧಾರ ನಮಗೆ ತುಂಬ ಬೇಸರ ತಂದಿದೆ ಎಂದಿದ್ದಾರೆ. ದಾಖಲೆಗಳನ್ನು ಪರಿಶೀಲಿಸಿದ ಬಳಿಕ ನಾವು ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳುತ್ತೇವೆ ಮತ್ತು ಸಮಸ್ಯೆಯನ್ನು ಪರಿಹರಿಸುತ್ತೇವೆ" ಎಂದು ಸಂಘದ ಪ್ರಧಾನ ಕಾರ್ಯದರ್ಶಿ ಉನ್ನಿಕೃಷ್ಣನ್ ಹೇಳಿದ್ದಾರೆ.

ಜೂ.27ಕ್ಕೆ ರಿಲೀಸ್​ ಆಗಬೇಕಿತ್ತು!

‘ಜಾನಕಿ v/s ಸ್ಟೇಟ್ ಆಫ್ ಕೇರಳ’ ಚಿತ್ರವು ಯು/ಎ 13+ ಪ್ರಮಾಣಪತ್ರವನ್ನು ಪಡೆದು ಇದೇ ಜೂನ್ 27ರಂದು ಬಿಡುಗಡೆಯಾಗಲು ಸಿದ್ಧವಾಗಿತ್ತು. ಚಿತ್ರದ ಶೀರ್ಷಿಕೆಯಲ್ಲಿನ ಸಮಸ್ಯೆಗಳನ್ನು ಉಲ್ಲೇಖಿಸಿ ಮಂಡಳಿಯು ಪ್ರದರ್ಶನ ಅನುಮತಿಯನ್ನು ನಿರಾಕರಿಸಿದ್ದರಿಂದ ಇದೀಗ ಬಿಡುಗಡೆ ವಿಳಂಬವಾಗಿದೆ. ಸಿಬಿಎಫ್​ಸಿ ನಡೆಯಿಂದ ಬೇಸತ್ತ ಚಿತ್ರದ ನಿರ್ಮಾಪಕ ಫಣೀಂದ್ರ ಕುಮಾರ್ ಮತ್ತು ನಿರ್ದೇಶಕ ಪ್ರವೀಣ್ ನಾರಾಯಣನ್, ವಿಚಾರವನ್ನು ಹೈಕೋರ್ಟ್​ಗೆ ತಲುಪಿಸಿದ್ದಾರೆ.

ಸಿಬಿಎಫ್​ಸಿ ಒತ್ತಾಯಕ್ಕೆ ಕಿಡಿಕಾರಿರುವ ಚಿತ್ರತಂಡ ಮತ್ತು ಮಲಯಾಳಂ ಚಲನಚಿತ್ರ ಕಲಾವಿದರ ಸಂಘ (AMMA) ಹಾಗೂ ಕೇರಳ ಚಲನಚಿತ್ರ ನಿರ್ಮಾಪಕರ ಸಂಘ (KFPA) ಸೇರಿದಂತೆ ಇತರ ಚಲನಚಿತ್ರ ಸಂಸ್ಥೆಗಳು ಸಿಬಿಎಫ್​ಸಿ ಕಚೇರಿ ಎದುರು ಪ್ರತಿಭಟನೆ ನಡೆಸಿ, ಆಕ್ರೋಶ ಹೊರಹಾಕಿವೆ,(ಏಜೆನ್ಸೀಸ್).

https://www.vijayavani.net/top-3-lbw-wicket-takers-are-here