ಮೊದಲ ಪೋಸ್ಟಿಂಗ್​ನಲ್ಲೇ 20 ಸಾವಿರ ರೂ. ಲಂಚಕ್ಕೆ ಕೈಯೊಡ್ಡಿ ಎಸಿಬಿ ಬಲೆಗೆ ಬಿದ್ದ ಮಹಿಳಾಧಿಕಾರಿ!

ರಾಂಚಿ: ಸ್ಥಳೀಯ ಸಂಘಟನೆವೊಂದರಿಂದ ಲಂಚ ಸ್ವೀಕರಿಸುವ ವೇಳೆ ಜಾರ್ಖಂಡ್‌ನ ಸಹಕಾರ ಇಲಾಖೆಯ ಮಹಿಳಾ ಅಧಿಕಾರಿ ಮಿಥಾಲಿ ಶರ್ಮಾ ಅವರು ಹಜಾರಿಬಾಘ್​ನ ಎಸಿಬಿ ಬಲೆಗೆ ಬಿದ್ದಿದ್ದಾರೆ.

ಎಂಟು ತಿಂಗಳ ಹಿಂದೆ ತನ್ನ ಮೊದಲ ಪೋಸ್ಟಿಂಗ್‌ನಲ್ಲೇ ಕೊಡೆರ್ಮಾದಲ್ಲಿ ಸಹಾಯಕ ರಿಜಿಸ್ಟ್ರಾರ್ ಆಗಿ ಸೇವೆಗೆ ಸೇರಿದ್ದರು. ಕೋಡೆರ್ಮ ವ್ಯಾಪಾರಿ ಸಹಕಾರ ಸಮಿತಿಯಿಂದ ಮಿಥಾಲಿ 20 ಸಾವಿರ ರೂ. ಲಂಚಕ್ಕೆ ಬೇಡಿಕೆ ಇಟ್ಟಿದ್ದರು. ಜುಲೈ 7ರಂದು ಮೊದಲ ಭಾಗವಾಗಿ 10 ಸಾವಿರ ರೂ.ಗಳನ್ನು ತೆಗೆದುಕೊಳ್ಳುತ್ತಿದ್ದಾಗ ಎಸಿಬಿ ತಂಡ ಆಕೆಯನ್ನು ರೆಡ್​ಹ್ಯಾಂಡ್​ ಆಗಿ ಬಂಧಿಸಿದೆ.

ಇದನ್ನೂ ಓದಿ: VIDEO| ಒಳಉಡುಪಿನಲ್ಲಿ 5 ಜೀವಂತ ಹಾವುಗಳನ್ನಿಟ್ಟು ಸಾಗಿಸುತ್ತಿದ್ದ ಯುವತಿ ಸಿಕ್ಕಿಬಿದ್ದಿದ್ದೇ ರೋಚಕ!

ದಿಢೀರ್ ತಪಾಸಣೆ ವೇಳೆ ಕಂಡು ಬಂದ ಕೆಲವು ಅವ್ಯವಹಾರಗಳಿಗಾಗಿ ಅವರ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಬೆದರಿಕೆ ಹಾಕಿದ್ದರು. ಕ್ರಮ ಜರುಗಿಸುವುದು ಬೇಡವೆಂದರೆ ಹಣ ನೀಡುವಂತೆ ಒತ್ತಾಯಿಸಿದ್ದರು. ಇದರ ವಿರುದ್ಧ ಸಮಿತಿಯ ಸದಸ್ಯ ರಾಮೇಶ್ವರ್​ ಪ್ರಸಾದ್​ ಯಾದವ್​ ಎಸಿಬಿಗೆ ದೂರು ದಾಖಲಿಸಿದ್ದರು. ಪ್ರಕರಣ ದಾಖಲಿಸಿಕೊಂಡ ಎಸಿಬಿ ಮಿಥಾಲಿ ವಿರುದ್ಧ ಬಲೆ ಎಣೆದು ನಿನ್ನೆ 10 ಸಾವಿರ ರೂ. ಹಣ ಪಡೆಯುವಾಗ ಬಂಧಿಸಿದೆ.

ಮಿಥಾಲಿ ಲಂಚ ತೆಗೆದುಕೊಳ್ಳುತ್ತಿರುವ ವಿಡಿಯೋ ಹಾಗೂ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಆಕ್ರೋಶ ವ್ಯಕ್ತವಾಗಿದೆ. ಮುಂದಿನ ಕ್ರಮಕ್ಕಾಗಿ ಎಸಿಬಿ ತಂಡ ಆಕೆಯನ್ನು ಹಜಾರಿಬಾಗ್‌ಗೆ ಕರೆದೊಯ್ದಿದ್ದು, ಈ ವಿಷಯದ ಬಗ್ಗೆ ವಿಚಾರಣೆ ನಡೆಯುತ್ತಿದೆ.

ಲಂಚ ಸ್ವೀಕರಿಸುತ್ತಿದ್ದ ವೇಳೆ ಶರ್ಮಾ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ ಎಂದು ಎಸಿಬಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/woman-caught-smuggling-snakes-in-bra-at-airport

https://www.vijayavani.net/talk-war-between-cm-and-former-cm

https://www.vijayavani.net/bharat-ncap-indias-own-car-crash-safety-rating-to-be-in-effect-from-october-1