ನನಗೆ ಹಾಲಿವುಡ್​ನಿಂದ ಆಫರ್​ಗಳು ಬರುತ್ತಿವೆ: 'ಜವಾನ್'​ ನಿರ್ದೇಶಕ ಅಟ್ಲೀ

ಮುಂಬೈ: ಸೆ.7 ರಂದು ಜಾಗತಿಕವಾಗಿ ಬಿಡುಗಡೆಗೊಂಡ ಶಾರೂಖ್​ ಖಾನ್ ನಟನೆಯ ಜವಾನ್​ ಬಾಕ್ಸ್​ ಆಫೀಸ್​​ನಲ್ಲಿ ಭರ್ಜರಿ ಕಲೆಕ್ಷನ್​ ಮಾಡುವ ಮುಖೇನ ಹೊಸ ದಾಖಲೆಯನ್ನು ನಿರ್ಮಿಸಿದ್ದು, ಚಿತ್ರಮಂದಿರಗಳಲ್ಲಿ ಹೆಚ್ಚಿನ ಪ್ರದರ್ಶನ ಕಾಣುತ್ತಿದೆ. ಸದ್ಯ ಸಿನಿಮಾದ ಗೆಲುವಿನ ಸಂಭ್ರಮದಲ್ಲಿರುವ ಚಿತ್ರದ ನಿರ್ದೇಶಕನಿಗೆ ಇದೀಗ ಹಾಲಿವುಡ್​ನಿಂದ ಆಫರ್​ಗಳು ಒಲಿದು ಬಂದಿವೆ.

ಇದನ್ನೂ ಓದಿ: ಆಟೋ ಚಾಲಕರು ಕರೆದ ಕಡೆಗೆ ಬರಲು ನಿರಾಕರಿಸಿದರೆ, ದುಪ್ಪಟ್ಟು ಬಾಡಿಗೆ ಕೇಳಿದರೆ ದೂರು ನೀಡಿ; 10 ದಿನದಲ್ಲಿ 670 ಕೇಸ್

ಜವಾನ್​ ನಿರೀಕ್ಷಿಸಿದಂತೆ ಗೆಲುವನ್ನು ಸಾಧಿಸಿದ್ದು, ಈ ಬಗ್ಗೆ ನಿರ್ದೇಶಕ ಅಟ್ಲೀ ಕುಮಾರ್​ ಕೆಲ ಕುತೂಹಲಕಾರಿ ಸಂಗತಿಗಳನ್ನು ಸಿನಿಪ್ರೇಕ್ಷಕರೊಂದಿಗೆ ಹಂಚಿಕೊಂಡಿದ್ದಾರೆ. ಸಿನಿಮಾದ ಬಹುತೇಕ ಸಾಹಸಮಯ ದೃಶ್ಯಗಳನ್ನು ಕೊರಿಯೋಗ್ರಾಫ್ ಮಾಡಲು ಆರು ಅಂತಾರಾಷ್ಟ್ರೀಯ ಸಾಹಸ ನಿರ್ದೇಶಕರು ಕೈಜೋಡಿಸಿದ್ದರು ಎಂದು ಅಟ್ಲೀ ಬಹಿರಂಗಪಡಿಸಿದರು.

“ನಮ್ಮ ಸಿನಿಮಾದಲ್ಲಿ ಕೆಲಸ ಮಾಡಿದವರು ಹಾಲಿವುಡ್‌ನಿಂದ ಬಂದವರು. ಆಕ್ಷನ್​ಗೆ ಹೆಸರುವಾಸಿಯಾದ ನಿರ್ದೇಶಕ ಸ್ಪಿರೋ ರಜಾಟೋಸ್ ನಮ್ಮೊಂದಿಗೆ ಕೆಲಸ ಮಾಡಿದ್ದಾರೆ. ಆದ್ದರಿಂದ, ಸ್ಪೈರೊ ಮತ್ತು ಹಾಲಿವುಡ್‌ನ ಇತರ ಶ್ರೇಷ್ಠ ನಿರ್ದೇಶಕರು ಹಾಗೂ ತಂತ್ರಜ್ಞರು ನಮ್ಮ ಸಿನಿಮಾವನ್ನು ವೀಕ್ಷಿಸಿದರು" ಎಂದು ಅಟ್ಲೀ ಹೇಳಿದರು.

ಇದನ್ನೂ ಓದಿ:  ಇತಿಹಾಸದ ಆಯಾಮಗಳನ್ನು ತಿಳಿಯಲು ಶಾಸನಗಳ ಅಧ್ಯಯನ ಸಹಕಾರಿ: ಡಾ.ಟಿ.ಎಸ್​. ರವಿಶಂಕರ್​ ಅಭಿಪ್ರಾಯ

ಶಾರೂಖ್​ ಅವರು ಜ್ವಾಲೆಯಲ್ಲಿ ಮುಳುಗಿದ ದೃಶ್ಯವು ನಿರ್ದೇಶಕರ ದೃಷ್ಟಿ ಮತ್ತು ಅವರು ಅದನ್ನು ಕಾರ್ಯಗತಗೊಳಿಸಿದರು ಎಂದು ಹೇಳಿದ ಸ್ಪಿರೋ, ನೀವು ಹಾಲಿವುಡ್‌ನಲ್ಲಿ ಕೆಲಸ ಮಾಡಲು ಬಯಸಿದರೆ, ನಮಗೆ ತಿಳಿಸಿ ಎಂದು ಹೇಳಿದ್ದಾರೆ. ಈ ಮೂಲಕ ಹಾಲಿವುಡ್​ನಲ್ಲಿ​ ಸಿನಿಮಾ ಮಾಡುವ ಆಫರ್​ ಅನ್ನು ಖ್ಯಾತ​ ತಂತ್ರಜ್ಞರು ನೀಡಿರುವ ಬಗ್ಗೆ ಅಟ್ಲೀ ಇತ್ತೀಚಿನ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/i-wish-to-collaborate-with-these-director-says-kangana-ranaut