ಉಡುಪಿ ಮಲ್ಲಿಗೆ: ನೂರು ವರ್ಷಗಳ ಹಿಂದೆ ಉಡುಪಿ ಹಾಗೂ ಸುತ್ತಮುತ್ತಲಿನ ಪ್ರದೇಶದಲ್ಲಿ ಮಲ್ಲಿಗೆ (ಜಾಸ್ಮಿನಮ್ ಸಾಂಬಾಕ್’ ತಳಿ) ವ್ಯವಸಾಯ ಆರಂಭವಾಯಿತು. ಪ್ರಸ್ತುತ, ಉಡುಪಿ, ದಕ್ಷಿಣ ಕನ್ನಡ ಹಾಗೂ ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ವ್ಯಾಪಕವಾಗಿ ಬೆಳೆಯಲಾಗುತ್ತಿದೆ. ಇಲ್ಲಿನ ಮಲ್ಲಿಗೆಗೆ ಮುಂಬೈ, ಇಚಲಕರಂಜಿ ಸೇರಿದಂತೆ ಮಹಾರಾಷ್ಟ್ರದ ಹಲವು ಪ್ರದೇಶಗಳಲ್ಲಿ ಭಾರಿ ಬೇಡಿಕೆ ಇದೆ. ಉಡುಪಿ ಜಿಲ್ಲೆಯಲ್ಲಿ ಕೃಷಿ ಜಮೀನಿನಲ್ಲಿ ಮಾತ್ರವಲ್ಲ, ಗೃಹಿಣಿಯರು ಮನೆಯ ಟೆರೇಸ್ನಲ್ಲೂ ಮಲ್ಲಿಗೆ ಬೆಳೆದು ಸಾವಿರಾರು ರೂಪಾಯಿ ಆದಾಯ ಮಾಡಿಕೊಂಡಿರುವುದು ಸ್ಪೂರ್ತಿಯೇ ಸರಿ. ಇಲ್ಲಿಯ ಬೆಳೆಗಾರರು ಮಲ್ಲಿಗೆ ಆಂಡ್ರಾಯ್್ಡ ಅಪ್ಲಿಕೇಶನ್ ಕೂಡ ರೂಪಿಸಿಕೊಂಡು, ಮಲ್ಲಿಗೆ ಕೃಷಿಯನ್ನು ಪ್ರೋತ್ಸಾಹಿಸುತ್ತಿದ್ದಾರೆ. ಉಡುಪಿ ಮಲ್ಲಿಗೆಯನ್ನು ವಿಶೇಷವಾಗಿ ದೇವಾಲಯಗಳ ದೇವತೆಗಳ ಪೂಜೆಗಾಗಿ ಹೂಮಾಲೆಗಳನ್ನು ತಯಾರಿಸಲು ಹಾಗೂ ಮದುವೆ ಸಮಾರಂಭಗಳಿಗಾಗಿ ಬಳಸಲಾಗುತ್ತದೆ. ಖಿನ್ನತೆ ನಿರೋಧಕ ಔಷಧ ತಯಾರಿಕೆಯಲ್ಲೂ ಮಲ್ಲಿಗೆಯನ್ನು ಬಳಸಲಾಗುತ್ತದೆ.
