Jani Master: ಲೈಂಗಿಕ ಕಿರುಕುಳ ಪ್ರಕರಣಕ್ಕೆ ಟ್ವಿಸ್ಟ್​..ಮಹಿಳಾ ನೃತ್ಯ ನಿರ್ದೇಶಕಿ ವಿರುದ್ಧವೇ ದೂರು!

ಹೈದರಾಬಾದ್​: ಸಹಾಯಕ ಮಹಿಳಾ ನೃತ್ಯ ನಿರ್ದೇಶಕಿ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪ ಹೊತ್ತಿರುವ ನೃತ್ಯ ನಿರ್ದೇಶಕ ಜಾನಿ ಮಾಸ್ಟರ್(Jani Master) ಪ್ರಕರಣದಲ್ಲಿ ಮತ್ತೊಂದು ಟ್ವಿಸ್ಟ್ ಹೊರಬಿದ್ದಿದೆ.

ಇದನ್ನೂ ಓದಿ:

ಜಾನಿ ಮಾಸ್ಟರ್ ಪತ್ನಿ ಸುಮಲತಾ ಫಿಲಂ ಚೇಂಬರ್ ಆಫ್ ಕಾಮರ್ಸ್ ಮುಂದೆ ಹಾಜರಾದರು. ಇತ್ತೀಚೆಗೆ ಜಾನಿ ಮಾಸ್ಟರ್(Jani Master) ಮೇಲೆ ಆರೋಪ ಮಾಡಿದ್ದ ಮಹಿಳೆ ವಿರುದ್ಧ ಸುಮಲತಾ ಫಿಲಂ ಚೇಂಬರ್ ನಲ್ಲಿ ದೂರು ದಾಖಲಿಸಿದ್ದು ಗೊತ್ತೇ ಇದೆ. ದೂರಿನ ಹಿನ್ನೆಲೆಯಲ್ಲಿ ಚಲನಚಿತ್ರ ವಾಣಿಜ್ಯ ಮಂಡಳಿ ಸುಮಲತಾ ಅವರಿಂದ ವಿವರಣೆ ಕೇಳಿತ್ತು. ಈ ಕುರಿತು ವಿವರಣೆ ನೀಡಲು ಅವರು ಬುಧವಾರ ಚಲನಚಿತ್ರ ವಾಣಿಜ್ಯ ಮಂಡಳಿಯ ಮುಂದೆ ಹಾಜರಾಗಿದ್ದರು.

ಈ ಸಂದರ್ಭದಲ್ಲಿ ನೃತ್ಯ ನಿರ್ದೇಶಕ ಜಾನಿ ಮಾಸ್ಟರ್ ವಿರುದ್ಧ ಮಹಿಳಾ ನೃತ್ಯ ನಿರ್ದೇಶಕಿ ಮಾಡಿರುವ ಆರೋಪವನ್ನು ಸುಮಲತಾ ತಳ್ಳಿ ಹಾಕಿದ್ದಾರೆ. ಜಾನಿ ಮಾಸ್ಟರ್ ಅವರ ಪತ್ನಿ ಮಹಿಳಾ ಸಾಕ್ಷ್ಯಗಳನ್ನು ಫಿಲ್ಮ್ ಚೇಂಬರ್ ಸಮಿತಿಗೆ ಒದಗಿಸಿದ್ದಾರೆ.

ಕ್ರಮಕ್ಕೆ ಒತ್ತಾಯ: Jani Master

ಪತಿ ಜಾನಿ ವಿರುದ್ಧ ಇಲ್ಲಸಲ್ಲದ ಆರೋಪ ಮಾಡಿರುವ ಮಹಿಳಾ ನೃತ್ಯ ನಿರ್ದೇಶಕಿ ವಿರುದ್ಧ ಕ್ರಮಕ್ಕೆ ಕೋರಲಾಗಿದೆ. ಚಲನಚಿತ್ರ ವಾಣಿಜ್ಯ ಮಂಡಳಿ ಸದಸ್ಯರು ಸುಮಲತಾ ಅವರಿಂದ ವಿವರ ಸಂಗ್ರಹಿಸುತ್ತಿದ್ದಾರೆ. ಮತ್ತೊಂದೆಡೆ ಜಾನಿ ಮಾಸ್ಟರ್ ಜಾಮೀನು ಅರ್ಜಿ ಕುರಿತು ರಂಗಾರೆಡ್ಡಿ ನ್ಯಾಯಾಲಯದಲ್ಲಿ ವಾದ-ಪ್ರತಿವಾದಗಳು ಮುಕ್ತಾಯಗೊಂಡಿವೆ. ಅ.3(ಗುರುವಾರ) ರಂಗಾರೆಡ್ಡಿ ಜಿಲ್ಲಾ ನ್ಯಾಯಾಲಯ ತೀರ್ಪು ಪ್ರಕಟಿಸಲಿದೆ.