ಪಾರ್ಟಿಯಲ್ಲಿ ಅತಿಯಾಗಿ ಕುಡಿದು ಮನೆಗೆ ವಾಹನ ಚಲಾಯಿಸಿಕೊಂಡು ಹೋಗುವವರಿಗೆ ಉಚಿತ ಟ್ಯಾಕ್ಸಿ!

ಇಟಲಿ: ಕುಡಿದು ವಾಹನ ಚಾಲನೆ ಮಾಡುವರಿಂದ ಸಂಭವಿಸುವ ಅಪಘಾತಗಳನ್ನು ತಡೆಯಲು ಉಚಿತ ಟ್ಯಾಕ್ಸಿ ಸವಾರಿ ಜತೆಗೆ ಮನೆಗೆ ಹಿಂದಿರುಗಿಸಲು ಇಟಾಲಿಯನ್ ಸರ್ಕಾರವು ಹೊಸ ಯೋಜನೆಯನ್ನು ಜಾರಿಗೆ ತಂದಿದೆ.

ಕುಡಿದು ವಾಹನ ಚಾಲನೆ ಮಾಡುವ ಅಪಘಾತಗಳನ್ನು ತಡೆಯುವ ನಿಟ್ಟಿನಲ್ಲಿ ಪಾರ್ಟಿಗೆ ಹೋಗುವವರಿಗೆ ಉಚಿತ ಟ್ಯಾಕ್ಸಿ ರೈಡ್​​ಗಳನ್ನು ನೀಡುವ ಯೋಜನೆಯನ್ನು ಇಟಲಿ ನೀಡುತ್ತಿದೆ. ಇಟಲಿಯಾದ್ಯಂತ ಆರು ನೈಟ್‌ಕ್ಲಬ್‌ಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ, ದಕ್ಷಿಣದ ಪುಗ್ಲಿಯಾದಿಂದ ಉತ್ತರದ ಟಸ್ಕನಿಯವರೆಗೆ. ಕ್ಲಬ್‌ಗಳಿಂದ ನಿರ್ಗಮಿಸುವಾಗ ಅತಿಯಾಗಿ ಕುಡಿದು ವಾಹನ ಚಲಾಯಿಸುವುದು ಕಂಡುಬಂದರೆ ವ್ಯಕ್ತಿಗಳಿಗೆ ಆಲ್ಕೋಹಾಲ್​​ ಪರೀಕ್ಷೆಗೆ ಒಳಗಾಗಲು ಕೇಳಲಾಗುತ್ತದೆ. ಅವರ ಆಲ್ಕೋಹಾಲ್​​ ಮಟ್ಟವು ಕಾನೂನು ಮಿತಿಯನ್ನು ಮೀರಿದೆ ಎಂದು ಪರೀಕ್ಷೆ ತೋರಿಸಿದರೆ, ಅವರು ಉಚಿತ ಟ್ಯಾಕ್ಸಿ ರೈಡ್ ಪಡೆದು​​ ಮನೆಗೆ ತೆರಳಲು ಅರ್ಹರಾಗುತ್ತಾರೆ.

 ಇದನ್ನೂ ಓದಿ: ಮಗ ಪರೀಕ್ಷೆಯಲ್ಲಿ ಫೇಲ್ ಆದ ಎಂದು ಪ್ರಾಣ ಬಿಟ್ಟ ತಾಯಿ

ಇಟಲಿ ಉಚಿತ ಟ್ಯಾಕ್ಸಿ ರೈಡ್ ಯೋಜನೆಯನ್ನು ಏಕೆ ಪ್ರಾರಂಭಿಸಿದೆ? : ಅತಿಯಾಗಿ ಕುಡಿಯುವುದರಿಂದ ಉಂಟಾಗುವ ಮಾರಣಾಂತಿಕ ಅಪಘಾತಗಳನ್ನು ತಡೆಗಟ್ಟುವ ಪ್ರಯತ್ನದಲ್ಲಿ ಈ ಕ್ರಮವು ಬಂದಿದೆ, ಇದು ದೀರ್ಘಕಾಲದವರೆಗೆ ಕಾರ್ಯನಿರ್ವಹಿಸಲಿದೆ. ಉಪ ಪ್ರಧಾನ ಮಂತ್ರಿ ಮತ್ತು ಹಾರ್ಡ್-ರೈಟ್ ಲೀಗ್ ಪಕ್ಷದ ನಾಯಕರೂ ಆಗಿರುವ ಸಾಲ್ವಿನಿ ಇದನ್ನು ಘೋಷಿಸಿದ್ದಾರೆ.

ಅತಿಯಾಗಿ ಕುಡಿದವರಿಗೆ ರಾತ್ರಿಯ ಕೊನೆಯಲ್ಲಿ ಉಚಿತ ಟ್ಯಾಕ್ಸಿ ವ್ಯವಸ್ಥೆ ಮಾಡಲಾಗುತ್ತದೆ. ರಸ್ತೆಗಳಲ್ಲಿ ಅಪಾಯ ಮತ್ತು ದುರಂತವನ್ನು ತಡೆಗಟ್ಟುವ ಗುರಿಯನ್ನು ಹೊಂದಿರುವ ಪ್ರಾಯೋಗಿಕ ಉಪಕ್ರಮ ಇದಾಗಿದೆ. ಕುಡಿದು ವಾಹನ ಚಲಾಯಿಸುವವರಿಗೆ ದಂಡ ಮತ್ತು ಕಠಿಣ ಕಾನೂನುಗಳನ್ನು ವಿಧಿಸುವುದು ಸಾಕಾಗುವುದಿಲ್ಲ ಎಂದು ಸರ್ಕಾರ ಹೇಳಿದೆ. ಹೊಸದಾಗಿ ಪ್ರಾರಂಭಿಸಲಾದ ಯೋಜನೆಯು ಇಟಾಲಿಯನ್ನರು ಮತ್ತು ನೈಟ್‌ಕ್ಲಬ್ ಮಾಲೀಕರಿಂದ ಇದುವರೆಗೆ ಸಕಾರಾತ್ಮಕ ಪ್ರತಿಕ್ರಿಯೆಗಳನ್ನು ಗಳಿಸಿದೆ.

https://www.vijayavani.net/4-year-old-boy-dies-of-electric-shock-from-tv-set-top-box-in-maharashtra