ಮನುಷ್ಯನ ಸಾವನ್ನು ಈ ಪ್ರಾಣಿಗಳು ಗ್ರಹಿಸುತ್ತವೆಯಂತೆ! ಹಾಗಿದ್ರೆ ಸಾವಿಗೂ ಮುನ್ನ ಅವು ನೀಡುವ ಸೂಚನೆ ಏನು| Animals

Animals | ಜಗತ್ತಿನಲ್ಲಿ ಸಾವಿನ ಸುತ್ತ ಅನೇಕ ನಿಗೂಢತೆಗಳಿವೆ. ಅಂದಹಾಗೆ ಸಾವು ಹೇಗೆ ಬರುತ್ತದೆ, ಅದು ಯಾವಾಗ ಬರುತ್ತದೆ ಎಂಬುವುದು ಯಾರಿಗೂ ಗೊತ್ತಿಲ್ಲ. ಅದಾಗ್ಯೂ ಪ್ರತಿಯೊಬ್ಬರೂ ಸಾವು ಯಾವಾಗ ಬರುತ್ತದೆ ಎಂದು ಮುಂಚಿತವಾಗಿ ತಿಳಿದುಕೊಳ್ಳಲು ಬಯಸುತ್ತಾರೆ. ಸಂಶೋಧಕರು ಬಹಳ ಸಮಯದಿಂದ ಇದರ ಬಗ್ಗೆ ಸಂಶೋಧನೆ ನಡೆಸುತ್ತಿದ್ದಾರೆ. ವೈಜ್ಞಾನಿಕ ಸುದ್ದಿಯ ಒಂದು ವೆಬ್‌ಸೈಟ್​ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಅನೇಕ ಪ್ರಾಣಿಗಳು ಸಾವನ್ನು ಊಹಿಸುತ್ತವೆ ಎಂದು ಹೇಳಲಾಗಿದೆ.

ಸಾವನ್ನು ಗುರುತಿಸುವ ಪ್ರಾಣಿಗಳಾವುವು?

ಇದನ್ನೂ ಓದಿ: ಪಹಲ್ಗಾಮ್ ಭಯೋತ್ಪಾದಕ ದಾಳಿ ; ತುರ್ತು ಸಭೆ ಕರೆದ ಪಾಕಿಸ್ತಾನ ಪ್ರಧಾನಿ| Shahbaz Sharif

ನಾಯಿಗಳು

ಸಾವು ಸಂಭವಿಸುವ ಮೊದಲೇ ನಾಯಿಗಳು ಅದನ್ನು ಗ್ರಹಿಸಬಲ್ಲವು ಎಂದು ಅನೇಕ ಜನರು ನಂಬುತ್ತಾರೆ. ಅಂತಹ ಅಶುಭ ಸೂಚನೆ ಕಾಣಿಸಿಕೊಂಡಾಗ ನಾಯಿಗಳು ಅಳುವ ಧ್ವನಿಯಲ್ಲಿ ಬೊಗಳುತ್ತವೆ. ಇನ್ನೂ ಈ ನಾಯಿಗಳು ತಮ್ಮ ಮಾಲೀಕರ ಸಾವಿನ ಸುದ್ದಿಯನ್ನು ನಿರೀಕ್ಷಿಸಲು ಸಾಧ್ಯವಾದ ಹಲವಾರು ಪ್ರಕರಣಗಳು ನಡೆದಿವೆ.

ಬೆಕ್ಕುಗಳು

ಸಾವಿಗೆ ಸ್ವಲ್ಪ ಮೊದಲು ಮಾನವರು ಅಥವಾ ಇತರ ಪ್ರಾಣಿಗಳ ದೇಹದಲ್ಲಿ ಕೆಲವು ರಾಸಾಯನಿಕ ಬದಲಾವಣೆಗಳು ಸಂಭವಿಸುತ್ತವೆ ಮತ್ತು ಕೆಲವು ಸಾವಯವ ರಾಸಾಯನಿಕಗಳು ಬಿಡುಗಡೆಯಾಗುತ್ತವೆ. ಮನುಷ್ಯರಿಗೆ ಗ್ರಹಿಸಲು ಸಾಧ್ಯವಾಗದ ಜೀವರಾಸಾಯನಿಕ ವಾಸನೆಗಳನ್ನು ಬೆಕ್ಕುಗಳು ಪತ್ತೆ ಮಾಡುತ್ತವೆ. ಹಾಗಾಗಿ ಎಲ್ಲಾ ಬೆಕ್ಕುಗಳು ಮನುಷ್ಯರ ಅಥವಾ ಇತರ ಪ್ರಾಣಿಗಳ ಸಾವನ್ನು ಗ್ರಹಿಸಬಲ್ಲವು ಎಂದು ಹೇಳಲಾಗಿದೆ.

ಬೆಕ್ಕುಗಳು ಸಾವಿನ ವಾಸನೆಯನ್ನು ಗ್ರಹಿಸುತ್ತವೆ ಎಂದು ಜನರು ನಂಬಿದ್ದರು. ಬೆಕ್ಕುಗಳು ಮಾನವ ಸಾವು ಸಂಭವಿಸುವ ಮೊದಲೇ ಅದನ್ನು ಗ್ರಹಿಸಬಲ್ಲವು ಎಂದು ಹೇಳಲಾಗಿದೆ. ಆಸ್ಕರ್-ದಿ ಹಾಸ್ಪೈಸ್ ಕ್ಯಾಟ್ ಎಂಬ ಅಮೇರಿಕನ್ ಬೆಕ್ಕು ಸಾವನ್ನು ಮುಂಚಿತವಾಗಿ ಗ್ರಹಿಸುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಹೇಳಲಾಗಿದೆ. .

ಕಪ್ಪು ಚಿಟ್ಟೆ

ಕಪ್ಪು ಚಿಟ್ಟೆ ವಾಸ್ತವವಾಗಿ ಚಿಟ್ಟೆಯಲ್ಲ ಬದಲಾಗಿ ಒಂದು ರೀತಿಯ ಪತಂಗ. ರಾತ್ರಿಯ ಕತ್ತಲೆಯಲ್ಲಿ ಹಾರುವ ಈ ಕಪ್ಪು ಪತಂಗವನ್ನು ಅನೇಕ ಜನರು ಅಶುಭ ಚಿಹ್ನೆ ಎಂದು ಪರಿಗಣಿಸುತ್ತಾರೆ. ಇದು ಕೂಡ ಸಾವನ್ನು ಗ್ರಹಿಸುತ್ತದೆ ಎಂದು ಹೇಳಲಾಗಿದೆ.

ಬಾವಲಿಗಳು

ನಮ್ಮ ದೇಶದಲ್ಲಿ ಬಾವಲಿಗಳು ಸಾವಿನ ಸುದ್ದಿಯನ್ನು ಹೊತ್ತೊಯ್ಯುತ್ತವೆ ಎಂಬ ಮೂಢನಂಬಿಕೆ ಇದೆ.

ನರಿ

ಅನೇಕ ನಂಬಿಕೆಗಳ ಪ್ರಕಾರ ಹಗಲಿನಲ್ಲಿ ನರಿ ಒಂದು ಮನೆಗೆ ಪ್ರವೇಶಿಸಿದರೆ ಆ ಮನೆಯಲ್ಲಿ ಯಾರಾದರೂ ಖಂಡಿತವಾಗಿಯೂ ಸಾಯುತ್ತಾರೆ. ನರಿಗಳು ಸಾಮಾನ್ಯವಾಗಿ ಹಗಲಿನಲ್ಲಿ ಕಾಣುವುದಿಲ್ಲ, ಅವು ಮಾನವ ವಾಸಸ್ಥಳದಿಂದ ದೂರವಿರುತ್ತವೆ. ಹಾಗಾಗಿ ಮನುಷ್ಯನ ಮೂಢನಂಬಿಕೆಯ ಪ್ರಕಾರ ಹಗಲಿನಲ್ಲಿ ನರಿ ಮನೆಗೆ ಪ್ರವೇಶಿಸುವುದು ಎಂದರೆ ಸಾವು ಬಂದಿದೆ ಎಂದರ್ಥ.

(ಏಜೆನ್ಸೀಸ್)

ವಿಜ್ಞಾನಿಗಳ ಪ್ರಕಾರ, ಪ್ರಾಣಿಗಳ ವಾಸನೆ ಮತ್ತು ವೀಕ್ಷಣೆಯ ಇಂದ್ರಿಯಗಳು ಅವುಗಳಿಗೆ ಅನೇಕ ಅಪಾಯಗಳನ್ನು ಮುಂಚಿತವಾಗಿ ಗ್ರಹಿಸಲು ಅವಕಾಶ ನೀಡುತ್ತವೆ. ಅಂದಹಾಗೆ ಇಲ್ಲಿಯವರೆಗೆ ಯಾವುದೇ ವಿಜ್ಞಾನಿ ಈ ವಿಷಯದ ಬಗ್ಗೆ ಸ್ಪಷ್ಟ ಉತ್ತರ ನೀಡಲು ಸಾಧ್ಯವಾಗಿಲ್ಲ.

https://www.vijayavani.net/do-not-eat-mangoes-at-night