ಸೈಲೆಂಟಾಗಿ ಎಂಗೇಜ್​​ಮೆಂಟ್ ಮಾಡಿಕೊಂಡ Urfi Javed; ಫೋಟೋ ಲೀಕ್​

ಮುಂಬೈ: ತನ್ನ ಡ್ರೆಸ್ಸಿಂಗ್ ಸ್ಟೈಲ್ ಮೂಲಕವೇ ಸಾಮಾಕಜಿಕ ಜಾಲತಾಣದಲ್ಲಿ ಹೊಸ ಟ್ರೆಂಡ್ ಸೃಷ್ಟಿಸುವ ಇಂಟರ್ನೆಟ್ ಸೆನ್ಸೇಷನ್​ ಉರ್ಫಿ ಜಾವೇದ್​ (Urfi Javed) ಸದ್ದಿಲ್ಲದೆ ಎಂಗೇಜ್​ಮೆಂಟ್ ಮಾಡಿಕೊಂಡಿದ್ದಾರೆ. ಸದ್ಯ ಎಂಗೇಜ್​ಮೆಂಟ್​ನ ಫೋಟೋಗಳು ವೈರಲ್ ಆಗಿದೆ.

ಉರ್ಫಿಯನ್ನು (Urfi Javed) ಮದುವೆಯಾಗಲಿರುವ ಹುಡುಗ ಯಾರು, ಏನು ಮಾಡುತ್ತಿದ್ದಾರೆ ಎಂಬುದು ಇನ್ನಷ್ಟೇ ತಿಳಿಯಬೇಕಿದೆ. ಎಂಗೇಜ್​ಮೆಂಟ್ ಫೋಟೋ ನೋಡಿ ಫ್ಯಾನ್ಸ್ ಫುಲ್ ಖುಷ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ.

ಎಂಗೇಜ್​ಮೆಂಟ್​ನ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಇದರ ಬೆನ್ನಲ್ಲೇ ಉರ್ಫಿ ಮಾರ್ಮಿಕ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ. #EngagedRokaYaDhoka ಎಂ ಹ್ಯಾಶ್​ಟ್ಯಾಗ್​ನಡಿ ಈ ಪೋಸ್ಟ್ ಶೇರ್ ಮಾಡಲಾಗಿದ್ದು, ಇದು ಯಾವುದಾದರು ರಿಯಾಲಿಟಿ ಶೋನ ಪ್ರಮೋಷನ್​ ಇರಬಹುದಾ ಎಂದು ಕೆಲವರು ಪ್ರಶ್ನಿಸಿದ್ದಾರೆ. 

ಲಖನೌ ಮೂಲದವರಾದ ಉರ್ಫಿ ಜಾವೇದ್ (Urfi Javed)​ ನಟಿ, ಮಾಡೆಲ್ ಆಗಿ ಗುರುತಿಸಿಕೊಂಡಿದ್ದು, ಸೋಶಿಯಲ್ ಮೀಡಿಯಾ ಸ್ಟಾರ್ ಕೂಡ ಆಗಿದ್ದಾರೆ. ತಮ್ಮ ಚಿತ್ರ-ವಿಚಿತ್ರ ಫ್ಯಾಷನ್ ಸೆನ್ಸ್ ಮೂಲಕವೇ ಹೆಚ್ಚು ಸೌಂಡ್ ಮಾಡಿರುವ ಉರ್ಫಿ ಜಾವೇದ್ ಬಿಗ್​ಬಾಸ್​​ ಒಟಿಟಿ,​ ಬಡೇ ಭೈಯಾ ಕಿ ದುಲ್ಹನಿಯಾ, ಮೇರಿ ದುರ್ಗಾ, ಬೆಪನ್ನಾ ಮತ್ತು ಕಸೌತಿ ಜಿಂದಗಿ ಕೇ ನಂತಹ ಜನಪ್ರಿಯ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಂಡಿದ್ದಾರೆ.