ಐಷಾರಾಮಿ ವಸ್ತುಗಳಿಗೆ ಕನ್ನ
ವರದಿಯ ಪ್ರಕಾರ, ಪ್ರತಿಭಟನೆ ಮಧ್ಯೆ ಮುಖವಾಡ ಧರಿಸಿದ ಗುಂಪುಗಳು ಮಾರ್ಸಲ್ಲೆಯಲ್ಲಿರುವ ಖ್ಯಾತ ಬ್ರ್ಯಾಂಡ್‌ಗಳ ಮಳಿಗೆಗಳನ್ನು ಗುರಿಯಾಗಿಸಿಕೊಂಡು, ಅಲ್ಲಿದ್ದ ಲೂಯಿ ವಿಟನ್, ಹರ್ಮೆಸ್, ಡಿಯರ್ ಮತ್ತು ರೋಲೆಕ್ಸ್‌ಗೆ ಸೇರಿದ ವಸ್ತುಳಿಗೆ ಕನ್ನ ಹಾಕಿದ್ದಾರೆ.
ಫ್ರಾನ್ಸ್ನ ಮಾರ್ಸೆಲ್‌ನಲ್ಲಿರುವ ರೋಲೆಕ್ಸ್ ಮಳಿಗೆಯಿಂದ ಸುಮಾರು 3 ಮಿಲಿಯನ್ ಯುರೋ ಹಾಗೂ ಬೋರ್ಡೆಕ್ಸ್‌ನಲ್ಲಿರುವ ಲೂಯಿ ವಿಟನ್ ಮಳಿಗೆಯಿಂದ 1.25 ಮಿಲಿಯನ್ ಯುರೋ ಮೌಲ್ಯದ ವಸ್ತುಗಳು ಲೂಟಿ ಮಾಡಿದ್ದಾರೆ. ಇಷ್ಟೇ ಅಲ್ಲದೇ ಸೂಪರ್‌ಮಾರ್ಕೆಟ್‌ಗಳು, ಔಷಧಾಲಯಗಳು, ಪುರಭವನಗಳು ಹಾಗೂ ಸರ್ಕಾರದ ಕಚೇರಿಗಳು ಮತ್ತು ನೂರಾರು ವಾಹನಗಳನ್ನು ಬೆಂಕಿ ಹಚ್ಚಿ ನಾಶಪಡಿಸಲಾಗಿದೆ.
ಶೇ.90ರಷ್ಟು ಕಡಿಮೆ ಬೆಲೆಗೆ ಮಾರಾಟ
ದುಬಾರಿ ಹಣ ಹಾಗೂ ಬ್ರಾಂಡೆಡ್ ವಸ್ತುಗಳಾದ ಸುಗಂಧ ದ್ರವ್ಯಗಳು, ಡಿಸೈನರ್ ಹ್ಯಾಂಡ್‌ಬ್ಯಾಗ್‌, ಸೌಂದರ್ಯವರ್ಧಕ, ಚಪ್ಪಲಿ, ಶೂಗಳನ್ನು ಅಸಲಿ ಬೆಲೆಗಿಂತ ಶೇ. 90ರಷ್ಟು ಕಡಿಮೆ ರಿಯಾಯಿತಿ ನೀಡಿ ಮಾರಾಟ ಮಾಡಲಾಗುತ್ತಿರುವುದಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ವೀಡಿಯೊಗಳು ವೈರಲ್ ಆಗಿವೆ.
ಆನ್ಲೈನ್ನಲ್ಲಿ ಮಾರಾಟ
ಲೂಟಿ ಮಾಡಿದ ವಸ್ತುಗಳನ್ನು ಸೆಕೆಂಡ್ ಹ್ಯಾಂಡ್ ಮಾರುಕಟ್ಟೆಯಾದ 'ವಿಂಟೆಡ್' ಆನ್‌ಲೈನ್ ಪ್ಲಾಟ್‌ಫಾರ್ಮ್‌ನಲ್ಲಿ ಮಾರಾಟ ಮಾಡಲು ಯತ್ನಿಸಲಾಗಿದೆ. ಈ ಬಗ್ಗೆ ಎಚ್ಚೆತ್ತುಕೊಂಡ ಕಂಪನಿಯು ಅಂತಹ ಪಟ್ಟಿಗಳನ್ನು ತಕ್ಷಣವೇ ತೆಗೆದುಹಾಕಿದೆ.
ಪ್ರತಿಭಟನೆಗೆ ಕಾರಣ ಏನು?
ಶಿಕ್ಷಣ ವ್ಯವಸ್ಥೆಯಲ್ಲಿನ ತೊಂದರೆಗಳು, ಶಿಕ್ಷಕರ ಕೊರತೆ ಹಾಗೂ ಜನಜೀವನ ದುಬಾರಿಯಾಗಿರುವುದರ ವಿರುದ್ಧ ವಿದ್ಯಾರ್ಥಿಗಳು ಆರಂಭಿಸಿದ ಪ್ರತಿಭಟನೆಯು ಬಳಿಕ ಹಿಂಸಾಚಾರಕ್ಕೆ ತಿರುಗಿದ್ದು, ಮಳಿಗೆಗಳ ಗಾಜಿನ ಮೇಲೆ ಶ್ರೀಮಂತರ ಮೇಲೆ ತೆರಿಗೆ ವಿಧಿಸಿ ಎಂದು ಬರೆಯಲಾಗಿದೆ, (ಏಜೆನ್ಸೀಸ್).
