ನಡುಸಾಗರದಲ್ಲಿ ಅಮೆರಿಕ-ರಷ್ಯಾ ಸಮರ: ಚೇಸ್​​ ಮಾಡಿ ತೈಲ ಟ್ಯಾಂಕರ್ ವಶಕ್ಕೆ ಪಡೆದ ವಿಡಿಯೋ ರೀಲಿಸ್​​ ಮಾಡಿದ ಅಮೆರಿಕ!

'ಬೆಲ್ಲಾ-1' (Bella-1) ಹೆಸರಿನ ಈ ಹಡಗು (ನಂತರ ಇದನ್ನು 'ಮರಿನೇರಾ' ಎಂದು ಮರುನಾಮಕರಣ ಮಾಡಲಾಗಿತ್ತು), ವೆನೆಜುವೆಲಾ ಮೇಲಿನ ಅಮೆರಿಕದ ನಿರ್ಬಂಧಗಳನ್ನು ಉಲ್ಲಂಘಿಸಿ ತೈಲ ಸಾಗಿಸುತ್ತಿತ್ತು ಎಂಬ ಆರೋಪವಿದೆ. ಇದನ್ನು ಕಳೆದ ಎರಡು ವಾರಗಳಿಂದ ಕೆರಿಬಿಯನ್ ಸಮುದ್ರದಿಂದ ಅಟ್ಲಾಂಟಿಕ್ ಸಾಗರದವರೆಗೆ ಸುಮಾರು 4,000 ಕಿ.ಮೀ ದೂರ ಬೆನ್ನಟ್ಟಲಾಗಿತ್ತು.

ಅಮೆರಿಕದ 'ಯುಎಸ್‌ಸಿಜಿಸಿ ಮುನ್ರೋ' (USCGC Munro) ಯುದ್ಧನೌಕೆಯು ಈ ಹಡಗನ್ನು ಪತ್ತೆಹಚ್ಚಿ ಹಿಂಬಾಲಿಸಿತ್ತು. ಐಸ್ಲ್ಯಾಂಡ್ ಸಮೀಪ ಸಮುದ್ರದ ಮಧ್ಯದಲ್ಲೇ ಅಮೆರಿಕದ ವಿಶೇಷ ಪಡೆಗಳು ಹೆಲಿಕಾಪ್ಟರ್ ಮೂಲಕ ಹಡಗಿಗೆ ಇಳಿದು ಅದನ್ನು ತನ್ನ ಸುಪರ್ದಿಗೆ ಇದೀಗ ಪಡೆದಿದ್ದು, ಈ ಕುರಿತು ವಿಡಿಯೋವೊಂದನ್ನು ಹಂಚಿಕೊಂಡಿದೆ.

ಜಾಗತಿಕ ಪರಿಣಾಮ: ಅಮೆರಿಕವು ರಷ್ಯಾದ ಧ್ವಜ ಹೊಂದಿರುವ ಹಡಗನ್ನು ವಶಪಡಿಸಿಕೊಂಡಿರುವುದು ಜಾಗತಿಕ ರಾಜಕೀಯದಲ್ಲಿ ಸಂಚಲನ ಮೂಡಿಸಿದೆ. ಇದು ಅಂತರಾಷ್ಟ್ರೀಯ ಕಾನೂನಿನ ಉಲ್ಲಂಘನೆ ಎಂದು ರಷ್ಯಾ ಆರೋಪಿಸಿದ್ದರೆ, ಅಕ್ರಮ ತೈಲ ವ್ಯಾಪಾರ ತಡೆಯಲು ಈ ಕ್ರಮ ಅನಿವಾರ್ಯ ಎಂದು ಅಮೆರಿಕ ಸಮರ್ಥಿಸಿಕೊಂಡಿದೆ ಎಂದು ವರದಿ ಉಲ್ಲೇಖಿಸಿದೆ,(ಏಜೆನ್ಸೀಸ್​).