ಸೌದಿಯಲ್ಲಿ ಮಣ್ಣುಪಾಲಾದ ಅಮೆರಿಕದ ಪ್ರತಿಷ್ಠೆ! ಇರಾನ್ ದಾಳಿಗೆ 300 ಮಿಲಿಯನ್ ಡಾಲರ್​ ಮೌಲ್ಯದ ವಿಮಾನ ಧ್ವಂಸ | AWACS

ಇರಾನ್‌ನ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC), ಸೌದಿ ಅರೇಬಿಯಾದಲ್ಲಿರುವ ಅಮೆರಿಕದ ವಾಯುನೆಲೆಯ ಮೇಲೆ ಆರು ಬ್ಯಾಲಿಸ್ಟಿಕ್ ಕ್ಷಿಪಣಿಗಳು ಮತ್ತು 29 ಆತ್ಮಹತ್ಯಾ ಡ್ರೋನ್‌ಗಳ ಮೂಲಕ ದಾಳಿ ಮಾಡಿದೆ.

AWACS ನಾಶ: ಸುಮಾರು 2,500 ಕೋಟಿ ರೂಪಾಯಿ ಮೌಲ್ಯದ ಅಮೆರಿಕದ ಈ ವಿಮಾನವು ರೇಡಾರ್ ವ್ಯವಸ್ಥೆಯ ಶಕ್ತಿಯಾಗಿದ್ದು, ಇದನ್ನು ಇರಾನ್ ಎರಡು ಭಾಗಗಳನ್ನಾಗಿ ಮಾಡಿದೆ ಎಂದು ವರದಿಯಾಗಿದೆ.

ಇರಾನ್‌ನ ವಿಶ್ವವಿದ್ಯಾಲಯಗಳ ಮೇಲೆ ಅಮೆರಿಕ-ಇಸ್ರೇಲ್ ದಾಳಿ ನಡೆಸಿವೆ ಎಂದು ಆರೋಪಿಸಿರುವ IRGC, ಈಗ ಪ್ರತೀಕಾರವಾಗಿ ಇಸ್ರೇಲ್ ಮತ್ತು ಮಧ್ಯಪ್ರಾಚ್ಯದಲ್ಲಿರುವ ಅಮೆರಿಕದ ಶೈಕ್ಷಣಿಕ ಸಂಸ್ಥೆಗಳನ್ನು ಕಾನೂನುಬದ್ಧ ಮಿಲಿಟರಿ ಗುರಿ ಎಂದು ಘೋಷಿಸಿದೆ.

ಮಾರ್ಚ್ 30ರ ಗಡುವು: ಅಮೆರಿಕವು ಈ ಕೂಡಲೇ ಇರಾನ್ ಮೇಲಿನ ದಾಳಿಯನ್ನು ಖಂಡಿಸದಿದ್ದರೆ, ನಾವು ಇಸ್ರೇಲಿ ವಿಶ್ವವಿದ್ಯಾಲಯಗಳ ಮೇಲೆ ದಾಳಿ ಮಾಡುತ್ತೇವೆ. ಅಲ್ಲಿನ ವಿದ್ಯಾರ್ಥಿಗಳು ಮತ್ತು ಪ್ರಾಧ್ಯಾಪಕರು ತಕ್ಷಣವೇ ಕ್ಯಾಂಪಸ್‌ಗಳಿಂದ ದೂರವಿರಿ ಎಂದು ಇರಾನ್ ಎಚ್ಚರಿಸಿದೆ.

ಇರಾನ್ ಮೇಲೆ ಭೂದಾಳಿ ನಡೆಸಲು ಅಮೆರಿಕ ಸನ್ನದ್ಧವಾಗುತ್ತಿದೆ ಎಂಬ ವರದಿಗಳ ಬೆನ್ನಲ್ಲೇ, ಇರಾನ್‌ನ 'ಟೆಹ್ರಾನ್ ಟೈಮ್ಸ್' ಪತ್ರಿಕೆಯ ಮುಖಪುಟದಲ್ಲಿ ಅಮೆರಿಕನ್ ಸೈನಿಕರಿಗೆ ನರಕಕ್ಕೆ ಸ್ವಾಗತ ಎಂಬ ಸಂದೇಶ ನೀಡಲಾಗಿದೆ.

ಇರಾನ್ ಮಣ್ಣಿನ ಮೇಲೆ ಕಾಲಿಡುವ ಯಾವುದೇ ಅಮೆರಿಕನ್ ಸೈನಿಕ ಕೇವಲ ಶವಪೆಟ್ಟಿಗೆಯಲ್ಲಿ ಮಾತ್ರ ವಾಪಸ್ ಹೋಗಲಿದ್ದಾನೆ ಎಂಬ ಮರಣ ಶಾಸನವನ್ನು ಇರಾನ್ ಮಾಧ್ಯಮಗಳು ಪ್ರಕಟಿಸಿವೆ.

ಇದೇ ವೇಳೆ ಯೆಮನ್‌ನ ಹೌತಿ ಬಂಡುಕೋರರು ಕೂಡ ಯುದ್ಧಕ್ಕೆ ಧುಮುಕಿದ್ದು, ಇಸ್ರೇಲ್ ಮೇಲೆ ಎರಡನೇ ಹಂತದ ಕ್ಷಿಪಣಿ ದಾಳಿ ನಡೆಸಿದ್ದಾರೆ. ದಕ್ಷಿಣ ಇಸ್ರೇಲ್‌ನ ಪ್ರಮುಖ ಮಿಲಿಟರಿ ನೆಲೆಗಳನ್ನು ಗುರಿಯಾಗಿಸಿ ಡ್ರೋನ್ ಮತ್ತು ಕ್ರೂಸ್ ಕ್ಷಿಪಣಿಗಳನ್ನು ಹಾರಿಸಲಾಗಿದ್ದು, ಯುದ್ಧವು ಇಡೀ ಕೆಂಪು ಸಮುದ್ರಕ್ಕೆ ಹರಡುವ ಭೀತಿ ಎದುರಾಗಿದೆ,(ಏಜೆನ್ಸೀಸ್).