ಯಾವುದೇ ಕಾರಣಕ್ಕೂ ಹೊರ್ಮುಜ್​ ಜಲಸಂಧಿ ತೆರೆಯೋದಿಲ್ಲ! ಟ್ರಂಪ್​ ಡೀಲ್​ ಎಡಗಾಲಿನಲ್ಲಿ ಒದ್ದ ಇರಾನ್​

US-Iran War: ಪ್ರಸ್ತುತ, ಮಧ್ಯಪ್ರಾಚ್ಯ ಬಿಕ್ಕಟ್ಟು ಅಂತ್ಯಗೊಳ್ಳುವ ಲಕ್ಷಣಗಳು ಸನ್ನಿಹಿತಗೊಂಡಿದೆ. ಇದಕ್ಕೆ ಅಮೆರಿಕ ದಾಪುಗಾಲಿಟ್ಟಿದ್ದೇ ಆದರೂ, ಇರಾನ್​ ಮಾತ್ರ ಕಿಂಚಿತ್ತು ಆಸಕ್ತಿ ತೋರಿಲ್ಲ. ಹೊರ್ಮುಜ್​ ಜಲಸಂಧಿಯನ್ನು ತೆರೆಯುವಂತೆ ಇರಾನ್​ ಸರ್ಕಾರಕ್ಕೆ ಕೆಟ್ಟದಾಗಿ ಬೈದ್ದಿರುವ ಟ್ರಂಪ್​, ತಾತ್ಕಾಲಿಕ ಕದನ ವಿರಾಮ ಒಪ್ಪಂದಕ್ಕೆ ತಲೆದೂಗುವಂತೆ ಪತ್ರ ಕಳುಹಿಸಿಕೊಟ್ಟಿದ್ದಾರೆ. ಇದಕ್ಕೂ ಮೊದಲೇ ಇರಾನ್​ ಅಮೆರಿಕ ಅಧ್ಯಕ್ಷನ ಅಸಭ್ಯ ಪದಬಳಕೆಗೆ ಖಡಕ್ ತಿರುಗೇಟು ನೀಡಿದೆ. 

ಅಮೆರಿಕದ ಜೊತೆಗೆ ನೇರವಾಗಿ ಮಾತನಾಡಲು ನಮಗೆ ಇಷ್ಟವಿಲ್ಲ ಎಂದು ಇರಾನ್​ ಹೇಳಿದೆ. ಹೀಗಾಗಿ, ಪಾಕಿಸ್ತಾನ, ಟರ್ಕಿ ಮತ್ತು ಈಜಿಪ್ಟ್ ದೇಶಗಳು ಮಧ್ಯವರ್ತಿಗಳಾಗಿ ಕಾರ್ಯನಿರ್ವಹಿಸುತ್ತಿವೆ. ಪ್ರಸ್ತುತ, ಈ ಒಪ್ಪಂದದ ಪ್ರಕಾರ, ತಕ್ಷಣದ ಕದನ ವಿರಾಮದ ಬಳಿಕ ವಿಶಾಲ ಮತ್ತು ಸಮಗ್ರ ಒಪ್ಪಂದದೊಂದಿಗೆ ಎರಡು ಹಂತದ ಪ್ರಕ್ರಿಯೆ ಇದೆ. ವರದಿಗಳ ಪ್ರಕಾರ, ಪಾಕಿಸ್ತಾನ ಸೇನಾ ಮುಖ್ಯಸ್ಥ ಅಸಿಮ್ ಮುನೀರ್, ಅಮೆರಿಕ ಉಪಾಧ್ಯಕ್ಷ ಜೆಡಿ ವ್ಯಾನ್ಸ್, ಟ್ರಂಪ್ ಅವರ ವಿಶೇಷ ರಾಯಭಾರಿ ಸ್ಟೀವ್ ವಿಟ್ಟಾಕ್ ಮತ್ತು ಇರಾನಿನ ವಿದೇಶಾಂಗ ಸಚಿವ ಅಬ್ಬಾಸ್ ಅರಘ್ಚಿ ಒಪ್ಪಂದದ ಬಗ್ಗೆ ಚರ್ಚಿಸುತ್ತಿದ್ದಾರೆ ಎಂದು ವರದಿಯಾಗಿದೆ.

ಆದಾಗ್ಯೂ, ಎರಡು ಹಂತದ ಒಪ್ಪಂದವು 45 ದಿನಗಳ ಕದನ ವಿರಾಮವನ್ನು ಪರಿಗಣಿಸುತ್ತಿದೆ ಎಂದು ಆಕ್ಸಿಯೋಸ್ ವರದಿ ಮಾಡಿದೆ. ತಮ್ಮ ಒಪ್ಪಂದಕ್ಕೆ ಟೆಹ್ರಾನ್​ ಒಪ್ಪದಿದ್ದರೆ ಮತ್ತು ಮಂಗಳವಾರದೊಳಗೆ ಹೊರ್ಮುಜ್ ಜಲಸಂಧಿಯನ್ನು ತೆರೆಯದಿದ್ದರೆ, ಇರಾನ್‌ನ ಇಂಧನ ಮತ್ತು ಸಾರಿಗೆ ಮೂಲಸೌಕರ್ಯಗಳನ್ನು ಉಡೀಸ್​ ಮಾಡುವುದಾಗಿ ಟ್ರಂಪ್​ ಬೆದರಿಕೆ ಹಾಕಿದ್ದಾರೆ. ಕೆಟ್ಟದಾಗಿ ತಮ್ಮವರನ್ನು ನಿಂದಿಸಿದ ಡೊನಾಲ್ಡ್ ಮಾತಿಗೆ ಹಾಗೂ ತಾತ್ಕಾಲಿಕ ಕದನ ವಿರಾಮದ ಒಪ್ಪಂದಕ್ಕೆ ಸುತರಾಮ್​ ಒಪ್ಪದ ಇರಾನ್​, ಯಾವುದೇ ಕಾರಣಕ್ಕೂ ಜಲಸಂಧಿಯನ್ನು ತೆರೆಯುವುದಿಲ್ಲ ಎಂದು ಮಧ್ಯವರ್ತಿಗಳಿಗೆ ಸ್ಪಷ್ಟಪಡಿಸಿದೆ,(ಏಜೆನ್ಸೀಸ್).