- ಪ್ರಾಣಿ ಪ್ರಪಂಚದ ವಿಲಕ್ಷಣ ಸ್ವಜಾತಿ ಭಕ್ಷಣೆ ಹಿಂದಿನ ಆಘಾತಕಾರಿ ನೈಜ ಸತ್ಯಗಳು
- ಮೈಥುನದ ಬೆನ್ನಲ್ಲೇ ಸಂಗಾತಿಯ ಕೊಲೆ ಮತ್ತು ಮರಿಗಳ ಭಕ್ಷಣೆ ಹಿಂದಿರುವ ರಹಸ್ಯ
- ಬದುಕುಳಿಯುವ ಹೋರಾಟದಲ್ಲಿ ಸ್ವಂತ ಮರಿಗಳನ್ನೇ ತಿನ್ನುವ ಪ್ರಾಣಿಗಳ ವಿಚಿತ್ರ ಬದುಕು
- ಹವಾಮಾನ ಬದಲಾವಣೆಯಿಂದಾಗಿ ಹಸಿವು ತಾಳಲಾರದೆ ಸ್ವಜಾತಿಯನ್ನೇ ತಿನ್ನುತ್ತಿರುವ ಹಿಮಕರಡಿಗಳು
Unknown Facts : ಪ್ರಾಣಿ ಪ್ರಪಂಚದಲ್ಲಿ ತನ್ನದೇ ಪ್ರಭೇದದ ಇತರ ಜೀವಿಗಳನ್ನು ಕೊಂದು ತಿನ್ನುವ ಪ್ರವೃತ್ತಿಯನ್ನು 'ಕ್ಯಾನಿಬಲಿಸಂ' ಅಥವಾ 'ಸ್ವಜಾತಿ ಭಕ್ಷಣೆ' ಎಂದು ಕರೆಯಲಾಗುತ್ತದೆ. ಮೊದಲ ನೋಟಕ್ಕೆ ಇದು ಅತ್ಯಂತ ಕ್ರೂರವಾಗಿ ಕಂಡರೂ, ಜೀವಿಗಳ ಬದುಕುಳಿಯುವಿಕೆ ಮತ್ತು ಅವುಗಳ ವಿಕಸನದ ಹಿಂದೆ ಕೆಲವು ಪ್ರಮುಖ ಜೈವಿಕ ಕಾರಣಗಳು ಕೂಡ ಇವೆ ಅನ್ನೋದನ್ನು ಸಂಶೋಧಕರು ಬಹಿರಂಗಪಡಿಸಿದ್ದಾರೆ.
ಆಶ್ಚರ್ಯಕರ ಸಂಗತಿಯೆಂದರೆ, ಜಗತ್ತಿನಾದ್ಯಂತ ಸುಮಾರು 1,500 ಕ್ಕೂ ಹೆಚ್ಚು ಪ್ರಾಣಿ ಪ್ರಭೇದಗಳಲ್ಲಿ ಈ ವಿಲಕ್ಷಣ ನಡವಳಿಕೆಯು ಪತ್ತೆಯಾಗಿದ್ದು, ಇದು ಪ್ರಕೃತಿಯ ಮತ್ತೊಂದು ರೋಚಕ ಮುಖವನ್ನು ನಮಗೆ ಪರಿಚಯಿಸುತ್ತದೆ.
ಚಿಂಪಾಂಜಿಗಳು (Chimpanzees)
* ಮಾನವನಿಗೆ ಅತ್ಯಂತ ಹತ್ತಿರದ ಸಂಬಂಧಿಯಾದ ಚಿಂಪಾಂಜಿಗಳು ಸಾಮಾನ್ಯವಾಗಿ ಸಸ್ಯಾಹಾರಿಗಳಾಗಿದ್ದರೂ, ಕೆಲವೊಮ್ಮೆ ಬೇಟೆಯಾಡಿ ಮಾಂಸವನ್ನು ತಿನ್ನುತ್ತವೆ.
* ಇವುಗಳಲ್ಲಿ ಮತ್ತೊಂದು ಅತ್ಯಂತ ಕ್ರೂರವಾದ ಸ್ವಭಾವವಿದೆ, ಗಂಡು ಚಿಂಪಾಂಜಿಗಳು ತಮ್ಮದೇ ಪ್ರಭೇದದ ನವಜಾತ ಶಿಶುಗಳನ್ನು ಕೊಂದು ತಿನ್ನುತ್ತವೆ.
* ಪ್ರಮುಖವಾಗಿ, ತಮಗೆ ಹುಟ್ಟದ ಮರಿಗಳು ಎಂದು ಅನಿಸಿದಾಗ ಗಂಡು ಚಿಂಪಾಂಜಿಗಳು ಈ ಕ್ರೌರ್ಯವನ್ನು ಪ್ರದರ್ಶಿಸುತ್ತವೆ. ಇತರ ಗಂಡುಗಳೊಂದಿಗೆ ಸ್ಪರ್ಧಿಸಲು ಮತ್ತು ಹೊಸ ಹೆಣ್ಣುಗಳೊಂದಿಗೆ ಮೈಥುನ ನಡೆಸಲು ಅವಕಾಶ ಸೃಷ್ಟಿಸಿಕೊಳ್ಳಲು ಇವು ಹೀಗೆ ಮಾಡುತ್ತವೆ.
* ಹೊಸ ಗಂಡು ಸಿಂಹವೊಂದು ಸಿಂಹಗಳ ಗುಂಪಿನ ನಾಯಕತ್ವವನ್ನು ವಹಿಸಿಕೊಂಡಾಗ, ಅದು ಅಲ್ಲಿ ಈಗಾಗಲೇ ಇರುವ ಎಲ್ಲಾ ಸಿಂಹದ ಮರಿಗಳನ್ನು ಕೊಂದು ಹಾಕುತ್ತದೆ.
* ಮತ್ತೊಂದು ಸಿಂಹದ ಮರಿಗಳನ್ನು ಸಾಕಲು ಅವುಗಳಿಗೆ ಇಷ್ಟವಿರುವುದಿಲ್ಲ ಹಾಗೂ ಆ ತಾಯಿ ಸಿಂಹಗಳೊಂದಿಗೆ ಶೀಘ್ರವಾಗಿ ಮೈಥುನ ನಡೆಸಲು ಅನುಕೂಲವಾಗಲಿ ಎಂಬ ಕಾರಣಕ್ಕಾಗಿ ಸಿಂಹಗಳು ಈ ರೀತಿ ಮಾಡುತ್ತವೆ.
3. ಹಿಪೊಪಟೇಮಸ್ (Hippopotamus)
* ಹಿಪೊಪಟೇಮಸ್ಗಳು ಸಸ್ಯಾಹಾರಿಗಳಾಗಿದ್ದರೂ, ಕೆಲವು ಸಂದರ್ಭಗಳಲ್ಲಿ ಇವು ಇತರ ಹಿಪೊಗಳ ಶವಗಳನ್ನು ತಿನ್ನುತ್ತವೆ.
* ಕಾಡಿನಲ್ಲಿ ತೀವ್ರ ಆಹಾರದ ಕೊರತೆ ಎದುರಾದಾಗ ಬದುಕುಳಿಯಲು ಇವು ಬಳಸುವ ಕೊನೆಯ ಅಸ್ತ್ರ ಇದಾಗಿದೆ.
5. ಕ್ರಾಬ್ ಜೇಡಗಳು (Crab Spiders)
* ಬಹುತೇಕ ಪ್ರಾಣಿಗಳು ತಮ್ಮ ಮರಿಗಳನ್ನೇ ತಿನ್ನುತ್ತವೆ, ಆದರೆ ಕ್ರಾಬ್ ಜೇಡಗಳಲ್ಲಿ ಇದು ಉಲ್ಟಾ ಆಗಿರುತ್ತದೆ.
* ಇಲ್ಲಿ ತಾಯಿ ಜೇಡಗಳು ತಮ್ಮ ಮರಿಗಳು ಬದುಕುಳಿಯಲು ತಮ್ಮದೇ ದೇಹವನ್ನು ಆಹಾರವಾಗಿ ತ್ಯಾಗ ಮಾಡುತ್ತವೆ. ಇದನ್ನು 'ಮೆಟ್ರಿಫಾಗಿ' (Matriphagy) ಎಂದು ಕರೆಯಲಾಗುತ್ತದೆ. ಈ ನಡವಳಿಕೆಯು ಕೀಟಗಳು ಮತ್ತು ಜೇಡಗಳಲ್ಲಿ ಸಾಮಾನ್ಯವಾಗಿ ಕಂಡುಬರುತ್ತದೆ.
6. ಸಿಸಿಲಿಯನ್ಸ್ (Caecilians)
* ಸಿಸಿಲಿಯನ್ ಎನ್ನುವುದು ಕಾಲುಗಳಿಲ್ಲದೆ ಮಣ್ಣಿನಡಿ ವಾಸಿಸುವ ಒಂದು ವಿಶಿಷ್ಟ ಉಭಯಚರ (Amphibian) ಪ್ರಭೇದವಾಗಿದೆ. ಇವುಗಳು ಕೂಡ 'ಮೆಟ್ರಿಫಾಗಿ' ವಿಧಾನವನ್ನೇ ಅನುಸರಿಸುತ್ತವೆ.
* ಆದರೆ, ಜೇಡಗಳಂತೆ ಇಲ್ಲಿ ತಾಯಿ ಸಿಸಿಲಿಯನ್ ಸಾಯುವುದಿಲ್ಲ. ಬದಲಿಗೆ, ಮರಿಗಳು ತಿನ್ನಲೆಂದೇ ತಾಯಿಯ ದೇಹದ ಮೇಲೆ ಪೋಷಕಾಂಶ ಭರಿತವಾದ ವಿಶೇಷ ಚರ್ಮ ಬೆಳೆಯುತ್ತದೆ. ಮರಿಗಳು ಇದನ್ನು ಕಚ್ಚಿ ತಿನ್ನುತ್ತವೆ. ಈ ಚರ್ಮವು ಪ್ರತಿ ಮೂರು ದಿನಗಳಿಗೊಮ್ಮೆ ಮತ್ತೆ ಬೆಳೆಯುತ್ತದೆ.
7. ಕೇನ್ ಕಪ್ಪೆಗಳು (Cane toads)
* ಆಸ್ಟ್ರೇಲಿಯಾದಲ್ಲಿ ಭಾರಿ ಸಂಖ್ಯೆಯಲ್ಲಿ ಕಂಡುಬರುವ ಇವು ವಿನಾಶಕಾರಿ ಕಪ್ಪೆ ಪ್ರಭೇದಗಳಾಗಿವೆ.
* ಇವುಗಳಲ್ಲಿ ದೊಡ್ಡ ಕಪ್ಪೆಗಳು, ಮೊಟ್ಟೆಯಿಂದ ಹೊರಬರುತ್ತಿರುವ ತಮ್ಮದೇ ಮರಿಗಳನ್ನು ತಿನ್ನುತ್ತವೆ. ಆಹಾರ ಮತ್ತು ಸಂಪನ್ಮೂಲಗಳಿಗಾಗಿ ತಮ್ಮ ನಡುವೆ ತೀವ್ರ ಪೈಪೋಟಿ ಏರ್ಪಡುವುದನ್ನು ತಪ್ಪಿಸಲು ಇವು ಈ ರೀತಿ ಮಾಡುತ್ತವೆ.
8. ಪ್ರೇಯಿಂಗ್ ಮಂಟಿಸ್ (Praying mantises)
* ಪ್ರಾಣಿ ಜಗತ್ತಿನಲ್ಲಿ ಸ್ವಜಾತಿ ಭಕ್ಷಣೆಗೆ ಇವು ಅತ್ಯಂತ ಪ್ರಸಿದ್ಧ ಉದಾಹರಣೆಯಾಗಿವೆ.
* ಲೈಂಗಿಕ ಕ್ರಿಯೆ ಮುಗಿದ ತಕ್ಷಣವೇ ಹೆಣ್ಣು ಮಂಟಿಸ್ ತನ್ನ ಜೊತೆಗಾರ ಗಂಡು ಮಂಟಿಸ್ನ ತಲೆಯನ್ನು ಕಚ್ಚಿ ಕತ್ತರಿಸಿ, ಉಳಿದ ಇಡೀ ದೇಹವನ್ನು ತಿಂದು ಮುಗಿಸುತ್ತದೆ. ಇದನ್ನು 'ಲೈಂಗಿಕ ಸ್ವಜಾತಿ ಭಕ್ಷಣೆ' ಎನ್ನಲಾಗುತ್ತದೆ.
9. ಬ್ಲಾಕ್ ವಿಡೋ ಜೇಡಗಳು (Black Widow Spiders)
* ಜಗತ್ತಿನ ಅತ್ಯಂತ ವಿಷಕಾರಿ ಜೇಡಗಳಲ್ಲಿ ಒಂದಾದ ಬ್ಲಾಕ್ ವಿಡೋಗಳು ಕೂಡ 'ಲೈಂಗಿಕ ಸ್ವಜಾತಿ ಭಕ್ಷಣೆ' ನಡೆಸುತ್ತವೆ.
* ಲೈಂಗಿಕ ಕ್ರಿಯೆ ಸಮಯದಲ್ಲಿ ಅಥವಾ ನಂತರ ಹೆಣ್ಣು ಜೇಡಗಳು ತಮಗಿಂತ ಸಣ್ಣ ಗಾತ್ರದ ಗಂಡು ಜೇಡಗಳನ್ನು ತಿನ್ನುತ್ತವೆ. ಈ ಕಾರಣಕ್ಕಾಗಿಯೇ ಇವುಗಳಿಗೆ ವಿಡೋ (ವಿಧವೆ) ಎಂಬ ಹೆಸರು ಬಂದಿದೆ. ಕೆಲವೊಮ್ಮೆ ಗಂಡು ಜೇಡಗಳು ತಾವಾಗಿಯೇ ಸಾವಿಗೆ ಜಿಗಿಯುತ್ತವೆ.
10. ಹಿಮಕರಡಿಗಳು (Polar bears)
* ಹವಾಮಾನ ವೈಪರೀತ್ಯ ಮತ್ತು ಪರಿಸರದ ಬದಲಾವಣೆಗಳಿಂದಾಗಿ ಹಿಮಕರಡಿಗಳು ತಮ್ಮದೇ ಜಾತಿಗೆ ಸೇರಿದ ಕರಡಿಗಳನ್ನು ತಿನ್ನಲು ಒತ್ತಾಯಿಸಲ್ಪಡುತ್ತಿವೆ.
* ಆರ್ಕ್ಟಿಕ್ ಪ್ರದೇಶಗಳಲ್ಲಿ ಹಿಮವು ವೇಗವಾಗಿ ಕರಗುತ್ತಿರುವುದರಿಂದ ಇವುಗಳಿಗೆ ಸೀಲ್ ಪ್ರಾಣಿಗಳನ್ನು ಬೇಟೆಯಾಡಲು ಸಾಧ್ಯವಾಗುತ್ತಿಲ್ಲ. ತೀವ್ರ ಹಸಿವಿನಿಂದಾಗಿ ಇವು ಬೇರೆ ಹಿಮಕರಡಿಗಳ ಮೇಲೆ ದಾಳಿ ಮಾಡುತ್ತವೆ ಮತ್ತು ಅವು ಸತ್ತ ನಂತರ ತಿನ್ನುತ್ತವೆ.
* ಹಾವಿನ ಅನೇಕ ಪ್ರಭೇದಗಳು ತಮ್ಮದೇ ಜಾತಿಯ ಜೀವಿಗಳನ್ನು ಬೇಟೆಯಾಡುತ್ತವೆ.
* ಕಿಂಗ್ ಕೋಬ್ರಾ ಮತ್ತು ಕೇಪ್ ಕೋಬ್ರಾದಂತಹ ಹಾವುಗಳು ಇತರ ಹಾವುಗಳನ್ನು ಹಾಗೂ ತಮ್ಮದೇ ಪ್ರಭೇದದ ಹಾವುಗಳನ್ನು ತಿನ್ನುತ್ತವೆ. ಇನ್ನು ಫ್ರಾನ್ಸ್ನಲ್ಲಿ ಕಂಡುಬರುವ ಗಂಡು ಮಾಂಟ್ಪೆಲ್ಲಿಯರ್ (Montpellier) ಹಾವುಗಳು ಪ್ರಜನನವಲ್ಲದ ಅವಧಿಯಲ್ಲಿ ಹೆಣ್ಣು ಹಾವುಗಳನ್ನು ಹಿಡಿದು ತಿನ್ನುತ್ತವೆ.
