ಏನಿದು ವಿಚಿತ್ರ? ಒಂದೇ ದೇಹ ಎರಡು ತಲೆ... 4 ವಾರ ಕಳೆದರೂ ಆರೋಗ್ಯವಾಗಿರುವ ಈ ಹಲ್ಲಿ ಮರಿಯ ರಹಸ್ಯವೇನು? Two Heads Baby Lizard

ಪ್ರಮುಖ ಮುಖ್ಯಾಂಶಗಳು

• ಒಂದೇ ಮೈಯಲ್ಲಿ ಎರಡು ತಲೆಗಳ ಹಲ್ಲಿ ಜನನ
• ನಾಲ್ಕು ವಾರಗಳಿಂದ ಆರೋಗ್ಯವಾಗಿ ಜೀವಿಸುತ್ತಿರುವ ಹಲ್ಲಿಗಳು
• ಪೆನ್ಸಿಲ್ವೇನಿಯಾದ ಪ್ರಜನನ ಕೇಂದ್ರದಲ್ಲಿ ಬೆಳಕಿಗೆ ಬಂದ ಅಪರೂಪದ ಎರಡು ತಲೆಗಳ ಹಲ್ಲಿ ಮರಿ
• ಅವಳಿ ಭ್ರೂಣಗಳ ಅಪೂರ್ಣ ಬೆಳವಣಿಗೆಯಿಂದ ಸಂಭವಿಸುವ ಡಿಸೆಫಲಿ ಸ್ಥಿತಿಯ ರೋಚಕ ಹಲ್ಲಿಯ ಕಥೆ

ಆರೋಗ್ಯ ಸ್ಥಿತಿ

ಅಂದಹಾಗೆ, ಹಲ್ಲಿ ಮರಿಗಳ ರಕ್ಷಕರು ನಿರಂತರವಾಗಿ ನಿಗಾ ವಹಿಸಿದ್ದು, ವಿಶೇಷ ಕಾಳಜಿ ವಹಿಸುತ್ತಿದ್ದಾರೆ. ಅತಿಯಾದ ಸಣ್ಣ ಗಾತ್ರದಲ್ಲಿರುವುದರಿಂದ ಆಂತರಿಕ ರಚನೆ ತಿಳಿಯಲು ಎಕ್ಸ್-ರೇ (X-ray) ಪರೀಕ್ಷೆ ನಡೆಸುವ ಬಗ್ಗೆ ಇನ್ನೂ ಯಾವುದೇ ನಿರ್ಧಾರ ಕೈಗೊಂಡಿಲ್ಲ. ಸದ್ಯಕ್ಕೆ ಅವುಗಳನ್ನು ಅವುಗಳ ಪಾಡಿಗೆ ಬಿಟ್ಟಿದ್ದಾರೆ. ಈ ಕ್ಷಣದವರೆಗೂ ಹಲ್ಲಿ ಮರಿಗಳಲ್ಲಿ ಯಾವುದೇ ವ್ಯತ್ಯಾಸ ಕಂಡುಬಂದಿಲ್ಲ.

ವೈಜ್ಞಾನಿಕ ಹಿನ್ನೆಲೆ ಮತ್ತು ಸವಾಲುಗಳು

ಡಿಸೆಫಲಿ (Dicephaly): ಅವಳಿ ಭ್ರೂಣಗಳು ಸಂಪೂರ್ಣವಾಗಿ ಬೇರ್ಪಡದ ಕಾರಣದಿಂದ ಉಂಟಾಗುವ ಈ ಅಪರೂಪದ ಸ್ಥಿತಿಯನ್ನು 'ಡಿಸೆಫಲಿ' ಎಂದು ಕರೆಯಲಾಗುತ್ತದೆ. ಇದರಲ್ಲಿ ಎರಡು ತಲೆಗಳಿಗೆ ಪ್ರತ್ಯೇಕ ಮೆದುಳಿದ್ದರೂ, ಶರೀರ ಮಾತ್ರ ಒಂದೇ ಆಗಿರುತ್ತದೆ.

ಕೆಲವೊಮ್ಮೆ ಎರಡು ಮೆದುಳುಗಳು ಏಕಕಾಲದಲ್ಲಿ ದೇಹವನ್ನು ನಿಯಂತ್ರಿಸಲು ಪ್ರಯತ್ನಿಸುವುದರಿಂದ ಅವುಗಳ ಚಲನೆ ಮತ್ತು ಸಂಚಾರದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಎರಡೂ ತಲೆಗಳು ವಿಭಿನ್ನವಾಗಿ ಚಿಂತಿಸುವುದರಿಂದ ಅವುಗಳ ದೇಹ ಸಮತೋಲನದಲ್ಲಿ ಇರುವುದು ತುಂಬಾ ಕಷ್ಟವಾಗಿದೆ.