ವಿವೇಕ್ ರಾಮಸ್ವಾಮಿಗೆ ಭಾರೀ ಆಘಾತ!
ಇನ್ನೊಂದೆಡೆ, ಟ್ರಂಪ್ ಬೆಂಬಲಿತ ಸ್ಟಾರ್ ನಾಯಕ ಮತ್ತು ಮಾಜಿ ಅಧ್ಯಕ್ಷೀಯ ಆಕಾಂಕ್ಷಿ ವಿವೇಕ್ ರಾಮಸ್ವಾಮಿಗೆ ತೀವ್ರ ನಿರಾಸೆಯಾಗಿದೆ. ಉಪಾಧ್ಯಕ್ಷ ಜೆಡಿ ವ್ಯಾನ್ಸ್ ಅವರ ತವರು ರಾಜ್ಯವಾದ ಓಹಿಯೋದಲ್ಲಿ ನಡೆದ ಹೈ-ವೋಲ್ಟೇಜ್ ಗವರ್ನರ್ ಚುನಾವಣೆಯಲ್ಲಿ ರಾಮಸ್ವಾಮಿ, ಡೆಮಾಕ್ರಟಿಕ್ ಪಕ್ಷದ ಡಾ. ಆಮಿ ಆಕ್ಟನ್ ವಿರುದ್ಧ ಹೀನಾಯವಾಗಿ ಸೋಲು ಕಂಡಿದ್ದಾರೆ.
ನ್ಯೂಯಾರ್ಕ್ ಅಟಾರ್ನಿ ಜನರಲ್ ರೇಸ್‌ನಲ್ಲಿದ್ದ ರಿಪಬ್ಲಿಕನ್ ಸರಿತಾ ಕೋಮತಿರೆಡ್ಡಿ, ನಾರ್ತ್ ಕ್ಯಾರೊಲಿನಾದಲ್ಲಿ ಮಹೇಶ್ ಮ್ಯಾಕ್ಸ್ ಗನೋರ್ಕರ್ ಸೇರಿದಂತೆ ಪ್ರಮುಖ ಭಾರತೀಯ-ಅಮೆರಿಕನ್ ರಿಪಬ್ಲಿಕನ್ ಮುಖಂಡರೆಲ್ಲರೂ ಸೋಲಿನ ಕಹಿ ಅನುಭವಿಸಿದ್ದಾರೆ.
ಟ್ರಂಪ್ ನೀತಿಗಳಿಗೆ ಭಾರತೀಯರ ತಿರುಗೇಟು?
ರಿಪಬ್ಲಿಕನ್ನರ ಈ ಹೀನಾಯ ಸೋಲಿಗೆ ಕಾರಣವೇನು? ಎಂಬ ಪ್ರಶ್ನೆಗೆ ರಾಜಕೀಯ ಪಂಡಿತರ ಪ್ರಕಾರ, ಟ್ರಂಪ್ ಅವರ ಕಠಿಣ ಧೋರಣೆಗಳೇ ಇದಕ್ಕೆ ಪ್ರಮುಖ ಕಾರಣ ಎಂದು ಹೇಳುತ್ತಿದ್ದಾರೆ.
H-1B ವೀಸಾ ಮೇಲಿನ ನಿರ್ಬಂಧ: ಅಮೆರಿಕದ ಟೆಕ್ ಜಗತ್ತಿನಲ್ಲಿ ಭಾರತೀಯ ಪ್ರತಿಭೆಗಳೇ ಮೇಲುಗೈ ಸಾಧಿಸಿದ್ದಾರೆ. ಆದರೆ ಹೊಸ H-1B ಅರ್ಜಿಗಳಿಗೆ ಬರೋಬ್ಬರಿ 100,000 ಡಾಲರ್ ಶುಲ್ಕದ ಪ್ರಸ್ತಾಪ, ಕಠಿಣ ವೇತನ ಷರತ್ತುಗಳು ಮತ್ತು ಸೋಷಿಯಲ್ ಮೀಡಿಯಾ ಸ್ಕ್ರೀನಿಂಗ್ಗೆ ಭಾರತೀಯ ಟೆಕ್ಕಿಗಳಲ್ಲಿ ತೀವ್ರ ಅಸಮಾಧಾನ ಮೂಡಿಸಿತ್ತು.
