ಸೋಲೆಮಾನಿ ಹತ್ಯೆಯ ಅಸಲಿ ರಹಸ್ಯ ಬಿಚ್ಚಿಟ್ಟ ಟ್ರಂಪ್: ಯಾರು ಈ ರೋಡ್‌ಸೈಡ್ ಬಾಂಬ್‌ಗಳ ಪಿತಾಮಹ..? Donald Trump

ತಮ್ಮ ಮೊದಲ ಅವಧಿಯಲ್ಲಿ (2020) ಸೋಲೆಮಾನಿಯನ್ನು ಹತ್ಯೆ ಮಾಡಿದ ನಿರ್ಧಾರವನ್ನು ಸಮರ್ಥಿಸಿಕೊಂಡ ಟ್ರಂಪ್, ನಾವು ಸೋಲೆಮಾನಿಯನ್ನು ಮುಗಿಸಿದೆವು. ಆತ ಅಮೆರಿಕನ್ ಸೈನಿಕರನ್ನು ಕೊಲ್ಲಲು ರಸ್ತೆಬದಿಯ ಬಾಂಬ್‌ಗಳನ್ನು ಬಳಸುವ ತಂತ್ರ ರೂಪಿಸಿದ ಕುತಂತ್ರಿ. ಸಾವಿರಾರು ಯೋಧರು ಆತನ ಬಾಂಬ್‌ಗಳಿಂದಾಗಿ ಪ್ರಾಣ ಕಳೆದುಕೊಂಡಿದ್ದಾರೆ ಅಥವಾ ಅಂಗವೈಕಲ್ಯಕ್ಕೆ ತುತ್ತಾಗಿದ್ದಾರೆ. ಆತನ ಅಂತ್ಯದೊಂದಿಗೆ ಅಮೆರಿಕದ ಮೇಲೆ ನಡೆಯುತ್ತಿದ್ದ ಪ್ರಮುಖ ಬೆದರಿಕೆ ದೂರವಾಯಿತು ಎಂದು ಗುಡುಗಿದ್ದಾರೆ.

ಇರಾನ್ ಯಾವುದೇ ಪರಿಸ್ಥಿತಿಯಲ್ಲೂ ಪರಮಾಣು ಶಸ್ತ್ರಾಸ್ತ್ರಗಳನ್ನು ಹೊಂದಲು ಬಿಡುವುದಿಲ್ಲ ಎಂಬುದು ಅಮೆರಿಕದ ಅಚಲ ನೀತಿ ಎಂದು ಟ್ರಂಪ್ ಪುನರುಚ್ಚರಿಸಿದ್ದಾರೆ.

ಸೋಲಿನ ಎಚ್ಚರಿಕೆ: ನಾನು ಅಧಿಕಾರಕ್ಕೆ ಬಂದಾಗಿನಿಂದಲೂ ಸ್ಪಷ್ಟವಾಗಿದ್ದೇನೆ. ಇರಾನ್ ಪರಮಾಣು ಶಸ್ತ್ರಾಸ್ತ್ರ ಹೊಂದುವುದು ವಿಶ್ವದ ಶಾಂತಿಗೆ ಧಕ್ಕೆ. ಅವರು ಇತ್ತೀಚೆಗೆ ತಮ್ಮ ಪರಮಾಣು ಕಾರ್ಯಕ್ರಮವನ್ನು ಪುನಾರಂಭಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ಅದನ್ನು ನಾವು ಸಂಪೂರ್ಣವಾಗಿ ಧ್ವಂಸಗೊಳಿಸುತ್ತೇವೆ ಎಂದು ಎಚ್ಚರಿಕೆ ನೀಡಿದ್ದಾರೆ.

ಆಪರೇಷನ್ ಮಿಡ್‌ನೈಟ್ ಹ್ಯಾಮರ್: 2025ರ ಜೂನ್‌ನಲ್ಲಿ ಅಮೆರಿಕ ಮತ್ತು ಇಸ್ರೇಲ್ ಜಂಟಿಯಾಗಿ ನಡೆಸಿದ ಮಿಲಿಟರಿ ಕಾರ್ಯಾಚರಣೆಯ ಬಗ್ಗೆ ಪ್ರಸ್ತಾಪಿಸಿದ ಟ್ರಂಪ್​, ಈ ದಾಳಿಯು ಇರಾನ್‌ನ ಪರಮಾಣು ಮೂಲಸೌಕರ್ಯವನ್ನು ಹೈಜಾಕ್ ಮಾಡಿದೆ ಎಂದು ಹೇಳಿದ್ದಾರೆ.

ಕಳೆದ 47 ವರ್ಷಗಳಿಂದ ಇರಾನ್ ಆಡಳಿತವು ಕೇವಲ ಸಾವು ಮತ್ತು ದ್ವೇಷವನ್ನು ಬಿತ್ತುತ್ತಿದೆ ಎಂದು ಟ್ರಂಪ್ ದೂರಿದ್ದಾರೆ. ಇರಾನ್ ತನ್ನ ದೇಶದ ಪ್ರತಿಭಟನಾಕಾರರ ಮೇಲೆ ನಡೆಸುತ್ತಿರುವ ದೌರ್ಜನ್ಯವು ಅಕ್ಷಮ್ಯ. ಸುಮಾರು 32,000 ನಾಗರಿಕರನ್ನು ಅಲ್ಲಿನ ಸರ್ಕಾರವು ಕೊಂದಿದೆ. ನಾವು ಇದನ್ನು ಮೌನವಾಗಿ ನೋಡುತ್ತಾ ಕುಳಿತುಕೊಳ್ಳುವುದಿಲ್ಲ ಎಂದು ಮಾನವ ಹಕ್ಕುಗಳ ಉಲ್ಲಂಘನೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ.

ಟ್ರಂಪ್ ಅವರು ಇರಾನ್ ಜೊತೆಗಿನ ಮಾತುಕತೆಗೆ ತಾನು ಮುಕ್ತವಾಗಿರುವುದಾಗಿ ತಿಳಿಸಿದರೂ, ಅದಕ್ಕೆ ಕಠಿಣ ಷರತ್ತುಗಳನ್ನು ವಿಧಿಸಿದ್ದಾರೆ. ನಾನು ಶಾಂತಿಯನ್ನು ಬಯಸುತ್ತೇನೆ, ಆದರೆ ಅದು ಅಮೆರಿಕದ ಶಕ್ತಿಯ ಮೂಲಕ ಮಾತ್ರ ಸಾಧ್ಯವಾಗುತ್ತದೆ. ಇರಾನ್ ಮೊದಲು ನಾವು ಪರಮಾಣು ಅಸ್ತ್ರ ಮಾಡುವುದಿಲ್ಲ ಎಂಬ ರಹಸ್ಯ ಮಾತುಗಳನ್ನು ಬಹಿರಂಗವಾಗಿ ಒಪ್ಪಿಕೊಳ್ಳಬೇಕು ಎಂದು ಟ್ರಂಪ್​ ಒತ್ತಾಯಿಸಿದ್ದಾರೆ,(ಏಜೆನ್ಸೀಸ್).