ಢಾಕಾ: ನೆರೆರಾಷ್ಟ್ರ ಬಾಂಗ್ಲಾದೇಶದಲ್ಲಿ ಪ್ರಜಾಸತ್ತಾತ್ಮಕವಾಗಿ ಚುನಾಯಿತಗೊಂಡ ಹೊಸ ಸರ್ಕಾರ ಅಧಿಕಾರಕ್ಕೆ ಬಂದ ಬೆನ್ನಲ್ಲೇ, ಅಲ್ಲಿನ ರಾಜಕೀಯ ಪರಿಸ್ಥಿತಿ ಮತ್ತೆ ಉಗ್ರರೂಪಕ್ಕೆ ತಿರುಗಿದೆ. 2024ರ ಭೀಕರ ರಕ್ತಪಾತ ಮತ್ತು ಮೀಸಲಾತಿ ವಿರೋಧಿ ವಿದ್ಯಾರ್ಥಿ ದಂಗೆಯ ಮೂಲಕ ಶೇಖ್ ಹಸೀನಾ ಸರ್ಕಾರವನ್ನು ದೇಶದಿಂದಲೇ ಓಡಿಸಿದ್ದ ವಿದ್ಯಾರ್ಥಿ ನಾಯಕರ ಒಕ್ಕೂಟ, ಈಗ ನೂತನ ಪ್ರಧಾನಿ ತಾರಿಕ್ ರೆಹಮಾನ್ ಅವರಿಗೆ ನೇರ ಯುದ್ಧದ(Jhenaidah Clash) ಎಚ್ಚರಿಕೆ ನೀಡಿದೆ. ಆಡಳಿತಾರೂಢ ಸರ್ಕಾರಕ್ಕೆ ಹಿಂಸಾಚಾರವೇ ರಾಜಕೀಯ ಅಸ್ತ್ರವಾಗಬೇಕಿದ್ದರೆ, ನೆನಪಿರಲಿ, ಹಿಂಸೆಯಲ್ಲಿ ನಮ್ಮನ್ನು ಮೀರಿಸಲು ಇಡೀ ದೇಶದಲ್ಲಿ ಯಾರಿಂದಲೂ ಸಾಧ್ಯವಿಲ್ಲ ಎಂದು ವಿದ್ಯಾರ್ಥಿ ಪಕ್ಷದ ಪ್ರಮುಖ ನಾಯಕರು ಬಹಿರಂಗವಾಗಿ ಗುಡುಗಿದ್ದಾರೆ.
