ಮೊರೊಕ್ಕೊದಿಂದ ಸ್ಪೇನ್‌ಗೆ ಸಾವಿರಾರು ವಲಸಿಗರ ದಂಡು: ಗಡಿ ಬಿಕ್ಕಟ್ಟಿನಲ್ಲಿ 9 ಸಾವು, ಪರಿಸ್ಥಿತಿ ನಿಯಂತ್ರಣಕ್ಕೆ ಸೇನೆ ಎಂಟ್ರಿ..Spain Migrant

ಸ್ಪೇನ್ ಪ್ರಧಾನಿ ಪೆಡ್ರೊ ಸಂಚೆಜ್ ಅವರು ಆಂತರಿಕ ಸಚಿವ ಫರ್ನಾಂಡೋ ಗ್ರ್ಯಾಂಡೆ-ಮಾರ್ಲಾಸ್ಕಾ ಅವರೊಂದಿಗೆ ಶುಕ್ರವಾರ ಸಂಜೆ ಸಿಯುಟಾಗೆ ಭೇಟಿ ನೀಡಲಿದ್ದಾರೆ. ಪರಿಸ್ಥಿತಿ ಕೈಮೀರಿರುವ ಹಿನ್ನೆಲೆಯಲ್ಲಿ ಮ್ಯಾಡ್ರಿಡ್‌ನಿಂದ ಹೆಚ್ಚುವರಿ ಭದ್ರತಾ ಪಡೆಗಳನ್ನು ಕೋರಿದೆ ಎನ್ನಲಾಗಿದೆ. ಹಿಂಸಾಚಾರದಿಂದ ತಪ್ಪಿಸಿಕೊಳ್ಳಲು ವಲಸಿಗರು ಯುರೋಪ್​​ಗೆ ಪ್ರವೇಶಿಸಲು ಸ್ಪೇನ್​ಅನ್ನು ವಲಸೆ ಮಾರ್ಗವಾಗಿ ಬಳಸಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ.

ಸ್ಪೇನ್‌ನ ಸಿವಿಲ್ ಗಾರ್ಡ್ ಅಧಿಕಾರಿಗಳ ಸಂಘದ ಮುಖ್ಯಸ್ಥ ರಚಿದ್ ಸ್ಬಿಹಿ ಮಾತನಾಡಿ, ಪರಿಸ್ಥಿತಿ ಸಂಪೂರ್ಣ ಅಸ್ತವ್ಯಸ್ತವಾಗಿದೆ. ಸಾವಿರಾರು ವಲಸಿಗರು ಗಡಿ ದಾಟುತ್ತಿದ್ದಾರೆ. ಗಡಿ ವ್ಯವಸ್ಥೆ ಸಂಪೂರ್ಣವಾಗಿ ಕುಸಿದಿದೆ ಎಂದು ಹೇಳಿದರು.

ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿರುವ ವಿಡಿಯೋಗಳ ಪ್ರಕಾರ, ಮೊರಾಕೋ ದೇಶದ ಯುವಕರು, ಮಹಿಳೆಯರು ಮತ್ತು ಸಣ್ಣ ಮಕ್ಕಳಿರುವ ಕುಟುಂಬಗಳು ರಸ್ತೆಗಳಲ್ಲಿ ನಡೆಯುತ್ತಿರುವುದು ಕಂಡುಬಂದಿದೆ. ಜೊತೆಗೆ ವಿವಾ ಎಸ್ಪಾನಾ(ಸ್ಪೇನ್ ದೇಶಕ್ಕೆ ಜಯವಾಗಲಿ) ಎಂದು ಘೋಷಣೆ ಕೂಗುತ್ತಿರುವುದು ವಿಡಿಯೋದಲ್ಲಿ ಇದೆ.

ಸ್ಪೇನ್ ಮತ್ತು ಮೊರಾಕ್ಕೊ ನಡುವಿನ ಈ ಗಡಿ ಬಿಕ್ಕಟ್ಟು ಹೆಚ್ಚಾಗಲು ಕಾರಣ ಏನು ಎನ್ನುವ ಮಾಹಿತಿ ಇಲ್ಲ. ಮೊರಾಕ್ಕೊ ಆಂತರಿಕ ಸಚಿವಾಲಯವು ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಪರಿಸ್ಥಿತಿ ನಿಭಾಯಿಸಲು ಸ್ಪೇನ್​ ಜೊತೆಗೆ ಸಹಕರಿಸುತ್ತಿದೆ ಎನ್ನಲಾಗಿದೆ. ಸೆಯುಟಾಗೆ ಕಾನೂನುಬಹಿರವಾಗಿ ಪ್ರವೇಶಿಸಿದ ವಲಸಿಗರನ್ನು ವಾಪಸ್ ಕಳುಹಿಸಲು ಎರಡೂ ದೇಶಗಳು ಒಪ್ಪಿಕೊಂಡಿವೆ.

ಮೂರು ವರ್ಷದ ಹಿಂದೆ ಅಂದರೆ, ಮೇ 2021ರಂದು ಇದೇ ರೀತಿಯ ಬೃಹತ್ ಗಡಿ ಬಿಕ್ಕಟ್ಟು ಉಂಟಾಗಿ ಕೇವಲ ಎರಡು ದಿನಗಳಲ್ಲಿ 8,000ಕ್ಕೂ ಹೆಚ್ಚು ವಲಸಿಗರು ಸಿಯುಟಾ ಪ್ರವೇಶಿಸಿದ್ದರು. ಮೊರಾಕೋದಿಂದ ಸುಮಾರು 3.1 ಮೈಲಿ 5 ಕಿ.ಮೀ ದೂರವನ್ನು ಈಜಿಕೊಂಡು ಅಥವಾ ನಡೆದುಕೊಂಡು ವಲಸಿಗರು ಸಿಯುಟಾ ತಲುಪಲು ಯತ್ನಿಸುತ್ತಾರೆ ಎನ್ನಲಾಗಿದೆ,(ಏಜೆನ್ಸೀಸ್).